قصيده للشاعر/ناصر العجمي

[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/1.gif" border="groove,9,deeppink" type=1 line=200% align=center use=ex char="" num="0,black"]
هذه قصيده في الحقيقه اعجبتني لشاعرالقلطه المعروف ناصر نفل العجمي
اتمنى ان تعجبكم ايضاً
ياتل قلبي تل هجنٍ مراويح=اهل الهجن عجلين والهجن عجله
متغانمين الكيف مع هبّة الريح=في دلةٍ صفرا وماها ما هجله
على غزالٍ شوفته دوم تلميح=ماكنّها تاطا على القاع رجله
الله يفكه من عيون المشافيح=روحه خطيره كان مالله فرج له
ياعود موزٍ عدّلوه الفلاليح=يلعب به الغربي على نهر دجله
والعين عين اللي يشوف الملاويح=اشقر سبوقه غاطسات بحجله
الله يثبتني على الارض لاطيح=اليا خزرني بالعيون وهي خجله
من ذاق من حب العذارا قراطيح=وش عاد لون الهوى قرب اجله
والحب من عصر الرجال الطحاطيح=كم عاشقٍ حزنه وموته من اجله
صقر النصافي والعطاوي شليويح=كلٍ طوى صفحة غرامه وسجله


[/poet]

يامرحبا ومسهلا يابو صالح ..ابرك الساعات تواجدك في عيون شعر .. وجودك يهمنا ..وعزالله انّك اخترت قصيده وهذا يدلّ على ذوقك الراقي يابوصالح ..ولاتذخر اللي عندك

لاهنت ..ودمت على المعزّه

لاهنت يابوصالح ولاهان ابن نفل

سلاااااااام ياوجه محلف مليار

وبيض الله وجهك على هاذى الانتقاء الثمين

ولا يستغرب فالجزل مايعشق الا الجزله

تقبل مرور محبك ومغليك ..

صح السان شاعرها

وسلمت يمين ناقلها

وبن نفل شاعر جزل

جل التحاي لك

اخوك