هل لهذي الابيات تكمله ومن شاعرها

الاخوان الافاضل مشرفي عيون الشعر فالح من قشعم ومحمد بن هضيبان واعضاء النداوي الكرام السلام عليكم

هل لهذي الابيات شاعر وهل لها تكمله

صديقي وفي عصرن مضى مانساني
============ ولا عاش بالدنيا بدق حساب
عديمن ليامن العيون تخازرن
============ صخين وبالقوه عديم صواب


اخوكم مبارك التميمي

الأخ مبارك التميمي أولا الحمد لله على السلامه وأسفرت الأنوار

وثانيا جوالك مسكر له اكثر من شهر حتى وانت مسافر مسكر الجوال ولا تزعل عليّ ياخوك اتصلت عليك اكثر من مره ...



بخصوص الأبيات المذكوره هي لشاعر من أعلام الشعر وهو صاحب القصيده اللي غناها محمد عبده وكاتبينها من التراث

السيل ياسدرة الغرمول يسقيك

000 من مزنةٍ هلّة الماء عقربيــّه

هو طال عمرك الشاعر الراحل سرور بن عــوده الأطرش رحمه الله ورحم جميع المسلمين

والأبيات المذكوره له وتكملتها كالتالي ....

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
صديقي وفي عصرٍ مضــى مانساني=ولا عاش بالدنيا بدق حساب
عديمٍ إليا من العيون تخازرت=صخيٍٍّ وبالقوّه عطيب صواب
وخلاف ذا ياراكبينٍٍ قلايص= عوصٍ يشادن مرهفات ذياب
يلفن حماد الحمد منقع الندا= حريب الردا للموقفات زهاب
أنا اليوم ياحماد ربعي تفرقوّا=كما الملح أمسا بالغدير وذاب
أنا اليوم ماتقوى عظامي تقلني= كما السيف يوما به بغير نصاب
وحالي تردت والمماشي تهازلت=ولا من صديقٍ لانخيته جاب
(سرور الأطرش)

[/poet]

يامرحبا يابو عبدالله والساعه المباركه تواجدك معنى ..وعزالله انّه شرف يالتميمي ...طرحت السؤال وجاوب الراويه / بن هضيبان ..وكفى ووفاّ ...وانشاءالله انّه وصل للي تبي يامبارك

تحياتي لك

الشكر موصول ابو سلطان ولحمد لله اني سمعت صوتك وشكرتك على طلبي تجاه القصيده وشاعرها ونطلب منك المزيد والى الامام ياشعارنا

=========

الشاعر فالح فرحت بطلبي بجمعتك ودليل شاعريتك عندي هو توقيعي اتما لك المزيد من الابداع في عالم الشعر وان اراك في الوقت المناسب ان شالله



اخوكم ومحبكم مبارك التميمي