حجــرف الذويبي ؟؟

قصيده واحده لاقبلها ولا بعدها يتيمه لحجرف الذويبي الحربي ..ماله من الرصيد القصايد الاّ هذي القصيده وهي من خيرة القصايد اللي كتبت فالجيل الماضي ولوّ انها يتيمه !! وهيّ لحجرف بنّ عيّاد الحربي من شيوخ بني عمرو من قبيلة حرب عاش فالقرن الثالث عشر هجري ... وسبب القصيده ..هو لوم أحد أقارب حجرف على كرمه الزائد وهو لايملك شيئّا : فقال


[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يقول أبن عيّّّّاد وأن بات ساهر = ماني بمسكينٍ همومه تشايله

ماني بمسكينٍ ليا قلّ مرزقه = ضيّق بربعه يوم قلّت محايله

أنا ليا ضاقت عليّه تفرجت = يفرج ليّ اللي ماتعدد فضايله

يرزقني رزّاق الحيايا بجحرها = لاطالعت برقٍ ولاهي مخايله

ماحدرت زملٍ نصى صوب قريه = ولا وردت عدٍ قراحٍ ثمايله

ورزق غيري ياملا ماينولني = ورزقي يجي لوّ كان حيّ يحايله

جميع ماحشنا ندوّر به الثنا = وماراح منّا عاضنا الله بدايله

نوبٍ نحوش الفود من ديرة العدا = ونعوض للي ذاهباتٍ عدايله

خزٍ بالايدي مادفعنابه الثمن = ثمنها الدما بمطارد الخيل سايله

مع لابةٍ فرسان نطّاحة العدا = كم طامعٍ جانا وأخذنا زمايله

نكسب بهم عز ٍوننزل بهم الخطر = ولاهيب من قفرٍ رعينا مسايله

[/poet]

فالح بن قشعم



رحم الله الشيخ حجرف الذويبي قصيدته هذي اشهر من نار على علم



وهذي تكفي عن مية قصيده


ابو محمد ماتجيب الا الجزل


تقبل تحياتي

شبيب

يامرحبا يابو شاهر ..ولاهنت على الزياره المشرفّه

دمت يالسنافي

لاهنت يابو محمد مجهود زاخر اللى ابعد الحدود

حجرف الذويبي كريم والله اكرم منه

له من القصايد كثير يافالح ولكنها لم تؤرخ ولم نجد منها الا بعض البيوت

شبعنا ويشبع الذر في سورنا ***وللذر في سور الرجال معاش

يمد بالعطا من كان ضاري بالعطا** وشح بالعطا من كان خاله لاش

ومن لا يعرب منسبه قبل منشبه**يروح عليه وليده بلاش

هذي بيوت من قصيده لحجرف الذويبي

تقبل تحياتي

مرحبا يامبارك ...وجودك فائده تعمّ الجميع ..وشاكرلك هذا التنويه .. معنّ اغلب الروايات تؤكد انّ مال لحجرف الا ذالقصيده ..لاكن بيّض الله وجهك على هذا الدليل الا واهي القصيده .. وانا شاكرلك تواجدك

دمت يالسنافي