مرشد البذّال

سلام الله ورحمته على كل من قرأه
إخترنا من ديوان الشاعر الكبير مرشد البذال هاتين القصيدتين
عسى ان تنال الاعجاب

[poet font="Arial,14,black,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
ياهبوب النود هبّي وانعشيني ساعه = من مغيب الشمس ذعذع ياهوى الخنيابي
انعشي من ضاق باله واستقر به قاعه = من تفاريق الظعون ولوعة الاحبابي
عيني اللي من تفاريق الضحى منلاعه = ماتمل من الهميل ودمعها صبابي
من وليفٍ وان ضحك لي ضحكة باخضاعه = تل عرق القلب تل السيم بالكلابي
الغلا يدخل بهون وكايدٍ مطلاعه = مثل جرح السل ماتسطي له الاطبابي


**********

ألا ياحبيبي وين انا وانت = اشوف الجفا جت له دلايل
تبيّنت لي بالحرب واعلنت = نسيت المروه والجمايل
اظنك على مثلي تمدنت = قصرت الشعر والفرق مايل
علامك حسنت الراس لاهنت = حسافه على هاك الجدايل

وسلامتكم
[/poet]

لاهنت يالثبيتي على هذه الاختيارات الموفقّه ..وهذا يدل على ذائقتك الشعريه العاليه وعزالله انّك عرفت تختار الشاعر فهو غني عن التعريف شاعر الكويت

من وليفٍ وان ضحك لي ضحكة باخضاعه
تل عرق القلب تل السيم iiبالكلابي

ياسلام


لاهنت وبيّض الله وجهك ..ونطمح بالمزيد

مشرفنا الغالي
فالح بن قشعم
الله يسلّمك وهذا اقل ما يمكن ان نقدمه للشعر الاصيل
شكرا لمرورك الكريم
اخوك الثبيتي

نااصر الثبيتي


سلمت يمينك على هالاختيااار الرائع

ومرشد البذال الله يرحمه ويرحم موتى المسلمين كافه

اعتبره اخر جيل العظماء

تحياتي لك

هلا والله ومرحبا بعكاشه

الله يسلّمك وانا اخوك

شكرا لمرورك يالغالي

واسلم وسلم لي على بناخيك

اخوك الثبيتي