محمد الخس

[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
هلا هلا يا ام الرموش المظله=ياللي بعيني مالهنه حلايا

فيهن تقول طراد خيل وسله=اما هل الردات والا الطنايا

لاحذفوا عن المهار الأجله=وردو لبيض كنهن المنايا

ورداتهم تشفي القلوب المغله=من غير حقران لباقي النحايا

يا بنت من ينطح وجيه المهله=زيزوم عيرات ومقدم سبايا

مع دربه العيرات مثل الأهله=دايم سماريهن تتالا حفايا

العذر منك اني فلا قلت زله=لاطاب حظ مصورين الحكايا

مافيك ماينقال في كل مله=وعذروب اهلك يعدلون السرايا

والزين فيك احلا الوصايف مدله=مالك بغضات الصبايا تهايا

شمس على روس النوازي مطله=شعاعها يرسل سهوم المنايا

لابانت الغره عليها اسم الله=با طرافها تقل يتلامع مرايا

مثل البروق بمزنة مستهله=توضي وكاسيها اشقر له زوايا

ماشفتها الا ساعة مستقله=يوم العياد ويوم ذبح الضحايا

بالماقع اللي شافها النزل كله=تلعب نهار العيد بين الصبايا

بحجاجها سيف من الهند سله=تشرق وترهق ملحمين الهوايا

وان كان هذا سب انا راعي له=يا سيد كل مرودعات الشفايا

وانا ماسب الناس طبع وجبله=لو كان اشوف الناس تمشي عرايا

الا ليا جاء شاعر فيه خله=مضيع دربه وعنده نوايا

اعطيه علم لين دربه يدله=واسنعه باللي يسوق المطايا
[/poet]

لاهنت ياشايع على كل مابذلته من جهود لاحياء عيون الشعر

محمد الخس ( البستان ) من ابرز شعراء الخليج ومدرسه بحد ذاته

لاهنت يابو فارس

وتحياتي

لاهنت يالعيافي
الخس شاعر من شعراء الخليج وهو كما اطلق عليه الملك عبدالعزيز رحمه الله
بستان الشعر
لاهنت

الغالي شايع العيافي


لاهنت وصح لسانك ولسان الشاعر الكبير الخس


تقبل تحياتي

اخي العزيز الاستاذ القدير


شايــــــع العيـــــــــــــافي


تسلم يالقرم على ماقمت بطرحه من الجزل


ولانستغرب الجزاله على شرواك يالقرم دايم وفي جعلني ماعدمك يالقرم





تحياتي وتقديري تكرار ياذيبان