الوعد لاسيل الله كل وادي

مساء الخير جميعا(ن)
سالني بعض النداويه عن تكملة هذا الشطر المعروف
ومن صاحبه وبعد البحث ودبلة الكبد والتعب
لقيتلي شايب من شيبان عنزه القبيله المعروفه(والنعم)
وقالي انها للشاعر الشيخ بن لميع (أللميع)واخذت منه بعض
ابيات القصيده اللي هو حافظها والله لايهينه على المساعده

كان (حامر)سال مع فرع الحمادي
..............................ودك ان سيله يجيك ولايجينا
مرتع الفطر عريظات التوادي
............................يرتعنه وابو من يزعل لعينا
خابرينك شيخ واعلومك بعادي
..........................بس حنا مانبيك ولاتبيــــــــــــــنا
والوعد لاسيل الله كل وادي
........................حرمة اليسرا ترى الممشا يمينا
وسلامتكم ومن يعرف تكملة الابيات لايبخل علينا

مبارك الهاجري


مساك الله بالخير


بيض الله وجهك اختيار طيب من طيب والشطر هذا نسمعه

ولانعرف تكملته ولاراعيه ، واصبح مثل مع الناس


لاهنت يامبارك وصح لسانك ولسان العنزي


تقبل تحياتي

شبيب

مبارك الهاجري

لاهنت يامبارك وصح لسانك ولسان العنزي

.

الله لايهينك ياشبيب
وعسا الله يعينا على الجماله للي
مثلك وشرواك

.

يامرحبا يانايف
هذي ابرك الساعات
وصح بدانك

للقـــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــراءه

للقراءه والاستفاده

لاهنت يابو محمد وبيّض الله وجهك على ماقمت به ..البيت ذا مشهور للغايه ..ولاهنت بأتحافنا القصيده كامله

دمت على المعزّه ..ولاخلا ولاعدم

ارحب يافالح

عسا اني اكون عند حسن الظن

لاهنت ولا عليك زود

مبارك الهاجري

لنا مع الابداع موعد


همت حروفك على المنتدى كالمطر الذي يأتي بالماء الزلال


ننتظر الابداع من مبدع مثلك


رائع في الكتابة والنقل والبحث والتوثيق (ماشاء الله تبارك الله)


انسان فعلا تحبه من اول ماتقرأ له يجبرك على احترامه وتقديره وهذا من شيم الرجال


اخي مبارك اعذرني لو قلت كل الكلمات لن اوفيك ولو شيئا بسيطا مما تستحق

يشرفني معرفتك عبر هذا المنتدى


ولنا مع الابداع موعد قادم مع مبارك الهاجري

يامرحبا ياعبدالله

المنتدى يتشرف بضم اعضاء مثلك تواجدهم منه الفائده

وانا ماسويت الا الشي القليل لهذى المنتدى

ولاعليك زود طال عمرك

تقبل تحياتي