(الهزانــي محسن)

الى الأخ اللي طلب هذي القصيده بالأيميل .... هذي القصيده على حسب طلبك يالقرم

وابيك تعذرني عن بعض ابيات هذي القصيده عن الطباعه اذا هناك غلطات مطبعيّه لسبب حفظي لها وعلى حسب اعتقادي وجتهادي انها كامله والكمال لله عز وجل
اقدمها لك لجميع النداويه ومحبي هذا التراث



[poet font="Simplified Arabic,14,blue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يالله بنوٍّ مـــــــدلهم الخيالا =طافح ربابه مثل شرد المــها الزرق
لاجاء على البكـرين بنّا الحــلالا =ولاعــاد لايفصل رعدها عن البرق
يسقي غروسٍ عقب ماهــي همالا=حط الحريق ديــار الأجواد له طرق
يسقي نعامٍ ثم يمـــــلا الهيالا=يصبح حمـامه ساجــعٍ يلعب الورق
جريت أنا صـوت الهوى بأحتمالا=في وســـط بستانٍ سقاه أربعٍ فرق
طبيت مع فرعٍٍ جـــديد الحبالا=وظهرت مـع فـرع تناحت به الورق
روشٍ هــــياله فرجتينٍٍ شمالا=باب من القـــبله وباب من الشرق
برقٍ تلالا قلت عز الجــلالا=وثره جبين صويحبي وحسبه برق
مبسم هيـا..له بالظلام أشتعالا=بين البروق وبين مبسم هيا فرق
ياشبه صفرا طـــار عنها الجلالا =طويلت السمـحوق تنزح عن الدرق
من ريقٍ أحــلا من حليب الجزالا=وأحلا من السـكر ليا جا من الشرق
حنيت أنا حنت هـــزيل الجمالا=ينقض روى من حليةٍ حسها الفرق
ياقلته في عـــــاليات الجبالا=ماهــــا قراحٍ مير من دونها غرق
ماعــــاد للصبيان فيها احتمالا =من كـــود مارقها يديهم لها طرق
قالــوا تتوب من الهوى قلت لا لا =إلا أن يتوبون الحــناشل عن السرق
قالوا..تتوب من الهوى قلت لالا= ألا أن تتوب الشمس عن مطلع الشرق
أخـــــذت منها حبتين تتالا=يومٍٍ نسناس الهـوى تطرقه طرق
غصبٍٍ على الساقي وراع الحلالا=وثالثهم الوقاف في لحيته(....)


(محسن بن عثمان الهزاني)



[/poet]

مرحبا والله يامحمد


وتسلم على القصيده الجميله للهزاني


وعزالله ان حفظك ماشاء الله عليه كانك ناقله من كتـــــــــــاب



وتسلم على كل حال

لاهنت يابن هضيبان



والقصيده من اجمل قصائد المرحوم: محسن الهزاني




لاهنت يامحمد


والله يعطيك العافيه

الاخ العزيز \ محمد بن هضيبان


بيض الله وجهك وماقصرت وبارك الله في اللي تبارك وطلب هالقصيده ,,

قصيده اعرفها وكنت حافظها لكن راحت من الذاكره والله يجزاك خير اللي

عدتها وذكرتها , ولو انك ذاكر قصتها كان احلى بعد ,لكن ارجع واقووول بيض الله وجهك

وماقصرت يابن هضيبان عزالله انك عديت قصيده غاليه عندي الله لايهينك

ولاخلا ولاعدم يالسنافي




اخوك مرضي الشمري

المري

نواف


الهلالي

هلا هلا وغلا يالربع وليت اللي عنده مثل هذي القصايد يجيبها بارك الله فيكم