اعتذار وابشر ياشقران

اعتذار وابشر ياشقران
اخواني واخواتي النداويه
اسعد الله اوقاتكم بكل خير وكل عام وانتم طيبون

اولا احب ان اشكر جميع القائمين على هذا النتدى على هذا التطوير واخص بالشكر الجزيل الاخ العزيز ابو ثامر

ثانيا اعتذر من الجميع لانقطاعي عنكم وعن منتدانا وذلك لظروف عمل غيبتني عنكم لمايقارب ثلاثة شهور
كما لايفوتني ان ارحب بالاعضاء الجدد الذين انضموا لهذا المنتدى في غيابي ولم يحالفني الحظ بالترحيب بهم والتعرف عليهم
كما احب ان اشكر جزيل الشكر جميع من تسأل عن سبب غيابي وانقطاعي واخص بالشكر الذين ارسلوا لي بريدا اكترونيا والذين اتصلوا على جوالي
كما اطلب من اخواني الذي اعطوني ارقام جوالاتهم ان يرسلونها لي لأني فقدت ارقامهم واعتذر منهم واخص بالاعتذار الاخ عبد الناصر العتيبي الذي اتصل معي وانقطع الخط وفقدت جوالي بارقامه قبل ان ارد عليه
فعفوا وعذرا ياابا سلطان كذلك من الاخ محمد ابن هضيبان الذي واصلني كثيرا

**************************************************


وهذه تلبيه لطلب الاخ العزيز/ شقران الذي يسال عن قصائد الشاعر راشد ابن الذيب
وهذه القصيده التي اورد بعضها الاخ شقران واعتذر ان كان فيها اي غلط

هيض ابن الذيب من هاجوس باله
*************** كلمةً يلعبها والبال زيني
هيضه يومه طراله ماطراله
************** من هواجيسً تشيب المرضعيني
غرني بعض الرجال بكثر ماله
************** مادرى ان الموت في حبل الوتيني
كيف ينفعني وابا الفلات خاله
************** مايقوم البيت دام الساس طيني
ناس وين اللي عوايده الشكاله
************** مثل ابن ظافر حمد ذرب اليميني
الثناء والجود دايم في خياله
************** علمه ظافر اسلوم الطيبيني
جوُد العليا وقبضها اعياله(او اعواله)
************** وادركو من علمته دنيا وديني
واهني من باع حظه واشتراله
************** سار في درب النبي واخزى اللعيني
موقفه ماكل رجالً يناله
************** من بغى ممشاه يقعد مرتيني
وكم ذبح من حايلً من حر ماله
************** وعادته لطمة اخشوم العايليني
حالفً مااخذ على الطرقي ارياله
************** وبالثلاث محرُم انها ماتجيني
لالقيت اللي على الرسته الحاله
************** يلتفت ويقول وين المستحيني
ياقف الموتر حيا وابغي الجماله
************** يوم ولد اللاش وجهه مايليني
الطمع في كروة الرجلي رزاله
************** خصبه وان جاء مجال الغانميني
والردي في حالة ماهي بحاله
************** ياعوينه من كلام الطيبيني
الردي كوبان مايذكر مجاله
************** مايعد اللاش مقصور اليميني
اركبه لعيون من زين دلاله
************* ماتحاكو في قفاه الرامسيني
مابغا غيري وانا ماابغا بداله
************* قاعدً لي في الرجاء مدة اسنيني
الولد ان طاب قالو من خواله
************* وبالخوال يسال قبل الوالديني
واشرب الفنجال واكب البياله
************* تابعً سلمي اسلوم الاوليني
وماقعدنا في العمل نبغي الرزاله
************* ناخذ العليا طريق الفايزيني


ومع تحياتي
اخوكم/ سعيد علي المري

مرحبا يابو علي مرحبا ..

ما تغيب الا تجي ساااالم .

هلااااابك .

الاخ سعيد المري

اللة يحيك تحيات السيل..

رحت غالي وجيت غالي...

لاهنت على القصيدة ياسعيد..وانا من اللي يبحث عنها كاملة..

لاهنت.

وبك البقا يابو ثامر

وجعلك دائم سالم غانم

وشكرا لك

الاخ العزيز/ الشريفي

وبك البقا يالغالي والله لايهينك ولا تغلي الا مايغليك

ومع اجمل تحيه