دبيان بن عساف

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
قالو وراك مسجم قلت اباجيب=قاف صعب مايدركه كل لعاب
شلنا على العيرات بيض المحاقيب=في توم ثاني لاهب القيض هباب
في لازم الحاكم حصان الاطاليب=العام يوم امره على اجناب واصحاب
متى بيقض اللة لزوم المعازيب=ومتى بيشمل جيشنا عقب الاجناب
ومتى نشوف ديارناعقب تغريب=ومتى نشوف شفوف ولهين الاحباب
ومتى نشوف مكثرين التراحيب=اللي مشافيق علىشوف غياب
ومتىنشوف بيوت ريف المواجيب=اهل الرباع الي تسمك بالاطناب
اهل النجور اللي تقانب تقانيب=في كل بيت لمسايير جذاب
تلقى السوالف بينهم بالتعاجيب=والبن يمشيبه على الدور صباب
ومتى نشوف اضعان مثل المراكيب=زلاف سلفان من البدو ياحجاب
تاخذ ضعاينهم على النشر تسريب=لاصار جاذبهم على القفر نباب
ومتى نشوف اقطاع شقحن حنازيب= طياحهن قدم المقاهير هراب
ومتىنشوف مترفات الرعابيب=اللي يصيبن المولع بالاسباب
ولولا الرجا لاقنب كما يقنب الذيب=ليا جاب صوت تالي الليل قناب
على عشير بالخفا حبه مصيب=هذا صوابه بالحشاما بعد طاب
ابو جبين مثل قطن المضاريب=غرة مهاة الريم وضاح الانياب
[/poet]

الله الله الله الله

ياسلام على القصيده الجزله


اشكرك يافهد العساف على اتحافنا هذه الدرّه



وبيّض الله وجهك واشكرك على ذوقك الراقي


سلمت يالسنافي ولاتذخر بالقادم



تقبّل تحيّاتي

الاخ/فالح بن قشعم
شكرا على اعجابك الكبير وان شالله
القادم اكثر
تقبل تحياتي
فهد عساف

فهد عساف يملك ذاقه شعريه متفرده


من منا لايعرف الشاعر الشامخ العالي ((دبيان بن عساف)) رحمه الله


شهادتي مجروحه ولكن هذه الحقيقه


هذا الشبل من ذاك الاسد


مره اخرى شكراً


فهد عساف



على اتحافك لنا بعبق الماضي

بسم الله الرحمن الرحيم

من العايدين

ونشكرك يا بن عساف على الاختيار ،،،،


الشاعر دبيان بن عساف شاعر غني عن التعريف وقصايده جزله

الاخ فهد عساف .. كل عام وانت بخير .. ..
قصيده جزله لشاعر علم .. وغني عن التعريف يرحمه الله واموات المسلمين ...

شكرا لك على الاختيار الطيب ...

اخوك

شقران

الاخ / شقران
السلام عليك وكل عام وانت بخير
اعجابك واشادتك وصلت
فشكرا لك