قصة ابن عريعر مع الحثربي

اوردت في ما مضى قصة ماجد الحثربي ونكمل قصتة مع سعدون عندما ارسل علية سعدون منا ديب
وفعلا قدم عندة وفي فترة جلوسة عند ابن عريعر قال سعدون وشرايك نزوجك وتقعد عندنا وتدور المنسب اللي يجوزلك
وفي احد الايام ذهب ماجد لسوق هجر ورى البنت الفايقة الجمال واعجب بها فلما جاء لمعزبة انشد قائلا

يابو شكر ونيت يوم اقبل الليل
ولا احدن بجرحي يافتى الجود داري

قالو علامك قلت فيني ولاوييل
وارفع بعالي الصوت وانخى مشاري

جاني على لةمشمر يكسر الذيل
يقوللي يالحثربي ويش جاري

انا بلاي الترف زاهي الخلاخيل
عبث يدلك بالزباد الخزاري

واعيونها سود هدبهن مضاليل
يشدن عيون مصخرات الحباري

وافقتها يوم العرب تشري الكيل
في سوق هجر بين بايع وشاري

على اوضحن يجري كما يجري السيل
علية من الدل الدمقسي غياري

سال سعدون ويش وصايفة قال البنت الجملة اللي معة عبدة اللي هذي وصايفة والبنت بنت امير اوتاجر والدليل انة جت على دكان وقالت ابي العنبر الفاخر وشرتة ومشت على زوامل وضح عليهن ظلل وضيعتة
فقال سعدون يخاطب جماعتة يالربع وش هالبنت اللي هاذي وصايفة

فقالو ياطويل العمر هذي زوجتك العوباء ويقال ان سعدون زعل وماجد لايعلم انها زوجتة ويدلل على نقاوة انة معزبتة ولا شافة فقال منشدا

يا شيخ هذي هرجتن ما بها باس
امر منك ياشوق جال العذابي

ياشيخ يامروي شبا كل عباس
ان حل ضرب مصقلات الحرابي

يالعي يابن العي ياقاسي الراس
اسمح لمقرودن تبلش وتابي

شواربة ما دنقن يم الادناس
لا بتالي الشيبة ولا بالشبابي

يادنقن ياتقل يشربن من كاس
ويا وقفن يشدن جناح العقا بي

ونبي منك ترخصلنا فوق نسناس
عقب الزميعي نعقبة ب******ي

ابي ازعجة مع سهلتن تيبس الراس
غدرانها بالصيف زام السرابي
ويقال ان ابن عريعر اكرمة غاية الاكرام وسمحل الذهاب الى ديرتة وتم الصلح مع ابناء عمة

وهذي قصة ماجد الحثربي كاملة نرجو العذر والسموحة عن التقصير

السلام عليكم ورحمة الله وبركاته


اخي وعزيزي


بيض الله وجهك


علي القصه الجزله يالجزل



وهي قصة فحول من فحول الرجال





وأطيب مايجب الي مثله




يالقرم

سويلم الشمري

لازلت في الطليعه
ومجهودك السخي لايختلف عليه اثنان
فقط اريد ان اقدم شكري الجزيل

العيافي

اللة يحيك ياسويلم الشمرى

اشكرك واحيك على ايراد هذة القصة

وبيض اللة وجهك وهاذى هى السوالف

الى يحتاج الجميع انة يعرفهاويستفيد منها


بيض اللة وجهك وشكرا لك

تقبل تحياتى وتقديرى

مرحبا والله يالشمري وتسلم على ذا القصه الجميله, والى الامام


يالشمري.


تقبل تحيات اخوك: المري

عزيزي محمد


اولا لاهنت على الرد

ثانيا ما عليك زود


ومجهوداتك ملموسة

تقبل خالص شكري وتقديري

الاخ شايع


هناك منهم افضل مني


ولايوجد مقدمة وموخرة لكن كلنا نسعى لتفعيل هذا
المنتدى الذي يشرف علية امثالك


شكرا لاطرائك ياشايع


اخوك وتلميذك
سويلم الشمري

الاخ حمد ابن جمهور وجودك في المنتدى بح ذاتة فخر



بيض اللة وجهك يالقرم


اخوك




سويلم الشمري

المري

الف شكر لك على مرورك وتعليقك وسام شرف لي

يالسنافي


اخوك




سويلم الشمري