عيــــديه لجمهور سعد بن جدلان

قصيده للشاعر سعد بن جدلان

قد نقلها الاخ العزيز المباري في العيد
الي طاف




وها انا اعيدها لكم بمناسبة عيد الفطر











استلمو










الا يـالله يـاللي تحـت هيبة سـلطنتك اسـلمت
...................لك المسلم يسبح لك بحمـدك والك الاسـلامي


احمدك واشكـرك واثني عليك بمـا علي انعمت
.....................وزودني وفاء قدر العشير وصـل الارحامي


ولجـك الفجر ياليل الذهول اللي علي اظلمت
.....................يعرضـك واقع الماضي عليه عـرض الافلامي


ولهتك يالنديم اللي على صافي وفـاك اضرمت
....................بصفحة ذكريات العام واللي من ورىالعامي


بعد تقـرير مشـوار الـتجارب نجحـك واجزمت
....................بأن السيف يبغى والعصا والمحزم احزامي


ضمنتـك راس مـالـي مكسبي في كل ماسـاهـمت
.....................قفـلت ابواب حيطان الحسايف والتندامي


عـطتني عـزلـة اخلاصي معك نسيان من نـادمت
.....................كتبتك وانطوت صـحفي عليك ورفعت اقلامي


ابــاهـي لاابـالـي واتبيسـط كـل مـاقـدمت
.....................واشـب النار قدام العرب واشيد اخيامي


نهـــاري حر شمـسه يستحي منها لسان الشمت
.....................ولـيلي ترجـم انـجومه ملامة كل من لامي


علـى ضـوء الكلام اللي كشف عنا ستار الصمت
.....................عرفت اني تحت برق الامل في روض الاحلامي


احـسبـنك تـيمم بـاتجـاهـي ويـن مـايـممت
.....................اثر مانته ورايه بالطريق ولانـت قدامي


مصـيبه لاتـردت قيـمتك فـي عين مـن قيــمت
...................يشوفك فالسهل وانته تشوفه فالسماالسامي


كثر ماحـن قلبي للونيـس وكـثر مــادرهـمت
...................فجر صدري حنيني واتعب الاقدام درهـــامي


عيون الصد وعيون التجافي "حول"مهما اكرمت
...................تشــوف المجتهد كسـلان والبناي هـــدامي


مادام ان جانبي شام لجنابك وانت عني شمـت
...................كثر خيرك وانـا لاني بلا جايع ولا ظـــامي


اشوف انه علي واجــب ليـا مـريتكـم سـلمت
...................مرور اكرام تربطها الكرامه عند الاكرامي


على شـان الخفوق اللي على عرشه قعدت وقمت
...................وحجب عنك الدجا لين اشرقت لك بيض الايامي


ختـام السـالفه يـاطيب العشـره كرمت ودمت
...................هذا حقك علي وحـق هقواتي على اوهـــامي


مصير الوقت يشرح لك دروسه وان غفلت ونـمت
...................يصحيك الزمان اللي يصحي كـل مـن نــامي


تذكرني لامنها خــابت اوهـامــك بمـن وهمت
...................وعرفت الفرق في حب الخشوم وحـب الاقدامي





وسلامتكم






وعسى ان تنال اعجابكم




فالح بن قشعم



[تم تعديل الموضوع من قبل فالح بن قشعم بتاريخ 12-16-2001 الساعة 02:33 AM]

عزّ الله قصيدة كاملة










بعدين .. ليش كل ما أفتح موضوع زين ألقى بن قشعم في طرفه








أحييك يابن قشعم على ذوقك .. الله يرضى عليك

ابن قشعم صح الله لسانك وبيض الله وجهك



جزل ولاتجيب الي الجزل يالقرم

وصح لسان ابن جدلان

ابن قشعم


ماتعدة جزل ومقبول..

والشعر اللي مثل ذا لة طراة...

لاهنت يابن قشعم..

وصح لسانك ولسان الشاعر ابن جدلان..


الشريفي

فالح بن قشعم

بيض الله وجهك يابوقشعم
اشهد بالله انها وافيه ومن وافي

تستاهل الرفع

شايع

ياهلا ومرحبا ياعبدالرحمن

اشكرك على ذوقك الرفيع



ودايم تحصلني مجاور الي مثلك وشرواك




وجعل يزين حالك





اقبل تحياتي

ارحب يالحبابي

يامرحبابك


وصح بدنك ولاانت









اشكرك على زيارتك



وفيت وكفيت





اسلم وسلم

مرحبا يالشريفي

الحمد لله ان اختياري كان موّفق




ويهمني ان ابحث عن كل ماهو جديد لبن جدلان




وواعدكم ان حصلت له لو بيت



نشرته




لاهنت واسلم وسلم

مرحبا ياشايع

مرحبا بقلب المنتدى النابض



اولا اشكرك على هذا المجهود الطيّب والذي لاق بأذهان الجمهور وانا اشكرك بأسمهم



وثانيّا انت من الشعراء المميزين جداّ وتحرص كل الحرص على الاموروث العبي


وجعل الله مايهينك واشكرك مره اخرى لهذا المجهود الكبير





سلمت ووجهك ابيض واعدك بكل ماهو جديد





اسلم وسلم

[poet font="Simplified Arabic,14,darkblue,normal,normal" bkcolor="" bkimage="http://www.nadawi.net/vb/images2/28.gif" border="double,2,gray" type=0 line=200% align=center use=sp char="" num="0,black"]

رائعه مخلده للشاعر العملاق ابن جدلان


وقصيده لها من الجمال والعذوبه الكثير



من اجمل ماقرت ومن اجمل ماا اربكنى من الشعر هذه القصيده الخالده



لله درك يابن جدلان كيف اسرتناا بهذه الرائعه



ولاخى فالح بن قشعم جزيل الشكر والامتنان لهذا الاختيار الراقي


فالاختيار جزء من العقل وانت مبدع في اختيارك يابن قشعم



تسلم



[/poet]

هلا وغلا بالاخت العزيزه ابعاد التركي


سررت وافرحني كثيراّ مرورك هنا في منتدى عيون الشعر وتواجدك في متصفّحي

واشكرك على حسن الاطراء الجميل

والشاعر سعد بن جدلان علم من اعلام الشعر يقّل ويندر استنساخ شاعر بحجم سعد بن جدلان

اشكرك من جديد وسلمتي ياابعاد


اسلمي وسلمي

للرفع

اخوي / فالح بن قشعم

القصيده هاذي من اروع ما كتب ابن جدلان
وكنت ادور عليها....
الف الف شكر....
ولاهنت يا السنافي

الاخ فالح بن قشعم



صح لسانك ولسان بن جدلان وبيض الله وجهك على هذا الاختيار


وبن جدلان من الشعراء القلايل الذين لهم باع طويل في الشعر.






تحياتي

شبيب

ابن قشعم.....اسعد الله اوقاتك...

لي فتره وانا ابحث عن القصيده كامله....لم اراها الا الان....لقلة مروري هنا.

ولم اكن اعلم انها لابن جدلان....فقط كنت اردد بشكل مستمر بيني وبين نفسي بيتين هما....

مصـيبه لاتـردت قيـمتك فـي عين مـن قيــمت
...................يشوفك فالسهل وانته تشوفه فالسماالسامي
.
.
.
ختـام السـالفه يـاطيب العشـره كرمت ودمت
...................هذا حقك علي وحـق هقواتي على اوهـــامي

ختـام السـالفه يـاطيب العشـره كرمت ودمت
...................هذا حقك علي وحـق هقواتي على اوهـــامي

ختـام السـالفه يـاطيب العشـره كرمت ودمت
...................هذا حقك علي وحـق هقواتي على اوهـــامي
ختـام السـالفه يـاطيب العشـره كرمت ودمت
...................هذا حقك علي وحـق هقواتي على اوهـــامي

ابن قشعم..... كل كلمات الشكر لا تفيك.....

تقبل ازكى التحايا

اخوك........ الكاسب