دواس بن رمضان الزعبي

حرصا مني على ايراد قصائد لجميع قبائل المملكه
يسرني ان اورد هذه القصيده لاحد شعراء قبيلة زعب
وقد كانعلى ذلوله وارد لرماح

وكان في ضيافة الصمله (( من سبيع )) والقصه طويله مايهمنا منها
قصيدة شاعرنا وهو يقول....


يافاطري ليلة قربنا رماحي
ياما من الماء فيه لو كان تدرين

عد طويل يذكرونه يماحي
عليه اجانيب وناس كثيرين

ساعة لفينا والشحم له صماحي
والأبل تسقى والجماعه محيمين

سواة من ينصى طيور الفلاحي
يصيد لو كان القوانيص مخطين

بني عمر لازل هرج المزاحي
عز الله انهم بالقبايل عزيزين

هل سربة لامن جذبها الصياحي
تلحق بسبعان على الهوش ضارين

عاداتهم لاكثر صوت الملاحي
مايسمحون الا برجح الموازين


.

يامرحبا والله بالاخ شايع العيافي


تسلم والله على حفظك للتراث


وان دل دل على حسن خلقك يالنشمي



والشاعر دواس بن رمضان له قصائد ولكن للأسف لم تنشر بالكتب سوى قصيدتين


وله قصيده منها؛

عيد يتراجكم تفكون ذوده*****حلوِ لبنها مايكنَه علن الجار
يوم ابن حدبه قرينه يقوده****قودت خروفِ ماخذه يم جزار

والقصيده اطول

وله ايضاً؛

ياركب ياللي من ديار الخطر هيت***شيلوا على ونياتكم والفلاحي
ماضنتي تلقون مثل ضيفت مقيت** لو كان تاتون العرب من جناحي

والقصيده اطول

وله قصائد كثيره ولكن للأسف لم نحصل منها الا الغليل





ولك اجمل تحياتي


اخوك ماجد