دبيان بن عساف السبيعي

بادي راس عيطا وآتطلع
كل بوش تهايف لي ركابه

كل ماشفت لي نشر تهلع
قلت ذا نشر اهل جالي عذابه

ول وليت يالقلب المولع
عذّب العين من سبة ذهابه

عادته يم الاقصين يتقلع
طب الأدنين مايبري صوابه

يانديبي على نضو هملع
مطرشاني هوى ناسي زهابه

مثل هيق من المحواز جلع
مع زراج تشوف اللي عدابه

اوصله من طواني طي ضلع
قل جوابي وعطني من جوابه

في سنع صاحبي قلبي تخلع
مثل طير طلع ما اطلق نشابه

كن نهده زبيدي مصلع
شالعه عرق رقروق لجابه

مبسمه بارق الشختور شلع
في قنيف تعزل من ربابه

لو يجني بنات الترك دلع
مع بنات العرب قلت الهوابه

راعي الصدق بالحب يتسلع
لون قلبي كذوب مارضابه


دبيان بن عساف...

الاخ شايع


صح لسانك وصح لسان الشاعر دبيان السبيعي




شايع اختيار مميز واللة لايحرمنا منك



اخوك سويلم الشمري

ابو فارس

جزلة يابا الجزايل..وتحسن الاختيار

صح لسانك ولسان السبيعى...


الشريفى

اخي الاستاذ/شايع العيافي الف شكر

لا احد ينكر جهودك الجباره التي تشكر عليها


اطال الله عمرك على هذه الرائعه



ورحم الله قائلهاواسكنه فسيح جناته


........................................لاهنت


....................................اخوك شنار[تم تعديل الموضوع من قبل شنار السبيعي بتاريخ 12-15-2001 الساعة 04:18 AM]

الأخ الفاضل شايع العيافي

شكرا لك على هذا الإختيار الموفق

وهذه القصيد الرائعة للشاعر المتفنن

دبيان بن عساف رحمه الله

ويا حبذا لو تكرمت علينا بمزيد من شعره

ولك منا كل الشكر


أخوك

صايد الفوايد

أبو خالد