درع السبيعي

تمت اضافته 10-18-2001 05:47 PM | الاي بي: مسجل
--------------------------------------------------------------------------------
بسم الله ..
مساءكم سعيد أحبتي ..


هذه القصيدة للشاعر / درع السبيعي

---


تخاويت انا والذيب سرحان *** دعيته بأمان الله وجـاني

لـقيته خوي يقضي الشـــان *** ندبته على المرقب شفـاني

عشية رقينا رجـم سلمــــان *** رفيع الدرج زين المبـاني

وفي لايـحه تسعين فنـــــان *** وثمانين عبدٍ طـمـطمــاني

ولبنه زمــرد ويـاّ مرجــان *** وطينه زباد ٍ وزعــفراني

انا اللي فرى كبدي مسيان *** مـع فرجة له يـوم بــاني

عشيري اذا هب الهوى لان *** كما لان عويد الخيزراني

عشيري تــبيّن لي بحقــران *** وأنا كيف أسوي له جفاني

عشيري لبس له ثوب سبهان *** يجر الهوى جـر السـواني



لدرع السبيعى..



الشريفى

اخي وعزيزي الشريفي



صح لسانك ولسان خوي الذيب

وبيض الله وجهك


علي البداع


ولاجتهاد يابن عمي

الاخ الشريفي


شكرا على القصيدة لكن هناك تعليق


اولا مبدا القصبدة لخوي الذيب المعروف ونسبت لشخص عجمي وقيل انهالابن ذيبان المجيحيم الشمري


ونجد في وسط القصيدة جزء لقصيدة قيلت بقصر برزان بحايل وهي لاتقل شهرة عن سابقتهاوهي



بنينالنا قصر ببرزان عريض الدرج زين المباني


وبنايتة تسعين رجال مع الفين عبد طرجماني





اخي الشريفي اود ان تكون وسيع صدر


على التعليق وتقبل تحياتي

الاخ محمد الحبابى

وجهك ابيض يالغالى
ومشكور على المتابعة والمشاركة لاهنت يابو مطرف..


الشريفى

الاخ سويلم الشمرى..

مرحبا ملايين يالغالى..

وصدرى تراة اوسع من صحارى نجد كلها...

حنا هنا جميعا لطرح كل ثمين وتقبل كل نقد بروح رياضية عالية..

وتصحيحك هذا من صالح الجميع وتجديد لمعلوماتى..

مرة اخرى مرحبا بالنقد المفيد يالغالى..


اخوك الشريفى