عبدالله بن لويحـان

. أنا صديق الطيبين المناعير

=========== اللي لهم كسب المعالي عشاقه



. حضر وبدو نطاحه الشر والخير

=========== صادقتهم وأخذت منهم صداقه





. حلالة المشكل كبار المخاسير

============ ياسعد منهم له عضود ورفاقه




. زبن المخيف إلى رمته المقادير

=========== بالجاه والا المال والا الحماقه




. وأخذ من أرياهم قوي المشاوير

============ والطيبه ماهيب منهم شفاقه




. مانيب أصادق مايلين الدناقير

============ عيال العفون من الخيوط الدقاقه




. اللي مجالسهم نميمة وتعبير

============ مالي بهم من فضل ربي علاقه




. فضلٍ من الباري حسين التدابير

============ مانيب للأصحاب قطاع ساقه




. ورزقي علي اللي بالسما ينهض الطير

=========== يكسر علي الملواح عقب أنطلاقه




. ودنياك تمضي بين ورد ومصادير

=========== قد قيل قبلي مابها راس طاقه





.. شعــــر : عبدالله لويحان

اخي واستاذي سهيل

لاهنت يلي تجلب طيب لطيب
------------ شامخ شموخك مايغطيه غاطي

تسلم وصح السانك وبيض الله وجهك

علي طرحك الموضيع الشيقه والمفيده

والجزله يالجزل


تقبل
تحيات


اخوك

محمد الحبابي


((((((أبومطرف)))))
ت

ولاأنت يانسل الكرم والمواجيب

======= ياللي علي قمة هل المجد ساطي


.. الاخ محمد الحبابي

,, لاهنت يا ابو مطرف على تواصلك واشادتك



.. وتقبل التقدير

سهيل

صحت يمينك ياسهيل..

لويحان وشعرة كنز وجزالة واصالة..

كلام كبير جدا ما قالة المرحوم لويحان..

تسلم ياسهيل ...لاهنت


الشريفى