Tweet
شاعره من قبيلة مطير من البرزان
غضب عليها امير البرزان ( ابو شويربات ) وتوعدها . فسمعت انه اصيب بجرح في احدى غزواته فأرسلت له قصيده تمتدحه وتطلب منه السماح وقالت.....
ياراكب ملحا تبوج اشهب اللال
ايضا ولامعها رديف محنها
اول نهاره بس مشي وزرفال
وآخر نهاراه نفض البد عنها
مافوقها الا الخرج ودويرع مال
وقريبة تو المسوي عدنها
ملفاك بيت ربعته كنها الجال
واذا لفيت فحط عنها رسنها
تبشر على قبل التناشيد فنجال
وحايل ثلاث سنين يندى صحنها
قل:كيف رجلك ياحمى كل مشوال
ليا طار عن جرد السبايا يقنها
وان جا نهار مثل يوم ( ابن هذال)
تشهر شياهينه وتجلد عدنها
عسى مرضها ينقسم بين الأنذال
حتى يطيب ويذهب الشر عنها
مويضي البرازيه
تعليق