الشيخ تركي بن حميد (2)

بناء على رغبة مشرفنا الغالي الشاعر شايع العيافي

قمت باعادة كتابة قصيدة الشاعر الشيخ تركي بن حميد رحمه الله

تحت عنوان ((الشيخ تركي بن حميد 2 )) لكي نقدم للاخوه الاعضاء والزوار مجموعه من قصائد هذا الفارس الفذ طيب الله ثراه

ياركبن من عندنا نابية شط
تشدى ضليمن فالخلا صايعه ذور


وقم الرباع وسنه مابعد نط
تكسر عصيّ الكور لو كان ماسور


تشدى لكدري القطى حين قرط
ان ضف ريشه عقب ماهوب منثور


فوقه غلام ولاقبل الليل ماغط
ادل من فرق القطى صوب خابور


تاصل بني عمي ورى نجد بهبط
اهل بيوت كنها شامخ القور


واهل صحونن بالمجاعه تقلط
ذباحتن مازاد نيه عن الخور


ون جيتهم ملزوم بالصوت تسعط
عطعهم مكاتيبي قبل تجدع الكور


خبر بني عمي ترى الشيل بي غط
والنفس ماتصبر على الضيم والجور


عطوا كما عطت حصانن لياع
خطو الاصيل اللي من الزاد مبرور


لعينيك ياللي بالعويدي تمشط
ادقاق رمش العين كنه من الحور


ليته حضرنا يوم سو البلا شط
نار الذليل وردها كل مسطور


كم فارس من تحت رمحي تقرشط
مدح راسه حط فالحزم جافور


عليه خفرات بالاسلاب تسعط
0خلي عشى لمهرفل الذيب وطيور


وسلامتكم يالنشامى والقصيده ليست كامله فمن يعرفها لايحرمنا معرفتها ولاهنتوا

الله الله




عليك يالعتيبي



بيض الله وجهك على اختيار القصيد الجزل .

محمد العتيبي

بيض الله وجهك يامحمد
كما لايفوتني أن اشكرك على تعاونك
وأرجو الا تكون المشاركه الأخيره

تقبل تحياتي

شايع العيافي

لاهنت يالعنيد وبيض الله وجهك يالقرم

وما يحب الجزل الاالجزل

ومبارك عليك الشهر

وجهك ابيض ياشايع العيافي

وحنا اللي نشكرك على اشرافك على هذ المتصفح الذي يعني لنا

الكثير والكثير

والذي يجب من الجميع في هذا المنتدى المشركه فيه

وانا يشرفني ايما شرف المساهمه ولو بجهد المقل في هذا المتصفح


مبارك عليك الشهر