ناض براق الشعرفي مقاديم النصوب

[poem=font="Simplified Arabic,6,#000000,bold,normal" bkcolor="" bkimage="" border="solid,1,#400000" type=2 line=1 align=center use=sp num="0,#400000"]
ناض براق الشعرفي مقاديم النصوب=صوب منهو جاعل العيب درب ناهجه
وأنهمل وبله مشاريه وعتاب وحروب=الردي ذوده بعشب الردى متخالجه
الكلام الشين غث المسامع والقلوب=كود ماحن نستمعله ونسفه هارجه
ماهرج باالعيب غيرالملبد باالعيوب=لابس بشت الردا باالشتايم ناسجه
اشهدانه ناقص وان شخصه مايتوب=دام فكره سامج والطباييع سامجه
سلم جدي ثابت يامنفخة الثروب=وانته اتهذري بقولك وسلمك باعجه
وافتخربسلومنافي الشمال وباالجنوب=يارفيق المصلحه لجل دنيا ساذجه
ياعسامن سب طيب يارافق له لعوب=في الشدايد يخلفه والأعادي فارجه
والله اني مارتجي مدحة الرجل الكذوب=والمسبه منه لك مدحة الك دارجه
الجبل ماهتز من ريح ولا من هبوب=واطي خد الثرى صدرها لك فالجه
والختام احفظ لسانك وحذراك الشبوب=الفراشه ماتحمل ضوين واهجه[/poem]

[align=center]للشاعر : محمد الحشاش[/align]

صح لسان الشاعر الحشاش
وتسلم ياسمي

حي من جاب الجزيلات والقاف الطروب
شاعرٍ له في الطويلات دربٍ ناهجه


أرحب يابو بندر عدد وبل النصوب
أختيار يبهج الصدر ويروي متعطشي الشعر
بيض الله وجهك ووجه شاعرها

تقبل تحيات أخوك غريب
أبو ولايـــــف

صح لسان الشاعر الحشاش
وتسلم ياسمي

صح بدنك ياسمي لاهنت على المرور