ياما حلا شوف المقاهير ما احلاه @ في عثعثٍ فـرخ الحـبارى مشابه

[align=center]السلام عليكم ورحمة الله وبركاته
القصيدة لجدي لإمي الشاعر مشبب بن مسامح الأكلبي رحمه الله.[poem=font="Simplified Arabic,4,#090900,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يالله يامطلوب يالله يالله=ياوامرٍ وبل المطر من سحابه
ياراعيٍ الامه ولا احدٍ بيرعاه=جعله علينا مايطوّل عذابه
طال الدهر والنبت ماعاد شفناه=وكلٍ يعشّي مرزقه من جرابه
فحن في رجا ربٍ جزالٍ عطاياه=يرجِع لكلٍ في مشاهي ترابه
عسى حمَار الوقت من الارض يجلاه=ويزّهِر نبات الخد عقب الجذابه
لازاف نبته فالمخاضير نرعاه=بملحاً تعدّي من ولدها الذيابه
وحمراً خطول الرجل للني تزهاه=وصفراً غلاها فالحشا قد لجابه
وزرقاً بلون الذيب في لون حلياه=وعفراً كما قفٍ عزل من ربابه
نرعاه بالطرعات لاما درج ماه=ترعى مطاييبه وتشرب شرابه
فياما حلا شوف المقاهير ما احلاه=في عثعثٍ فرخ الحبارى مشابه
وطرعاتها تكّسر على الحشو تبراه=في تختخٍ خالٍ تطارد سرابه
ويا ماحلا شوف البيوت المبنّاه=في مرتعٍ راعي الغنم ماوطابه
ومنازلٍ ترها على القلب مشهاه=تبري من القلب المشقّى عذابه
وياما حلا شوف الرجاجيل مااحلاه=في مجلسٍ من ضاق صدره هقابه
قدّامهم صفر الدلال المراكاه=وبنٍ وهيل وراعي البيت جابه
وسوالفٍ تمضي وهذي مبقّاه=والذ من صافي اللبن في شرابه
في مجلس اللي ماشكا الجار عجفاه=ماهوب على جاره حفيٍ جنابه
رجلٍ دليل وتذبح الحيل يمناه=ويفرح به المظيوم لاما هقابه[/poem][/align]

قصيدة فارقه تختلف عن أخواتها السابقات ..

سبك وحبك وتصوير دقيق ومفردات أصيله


صح لسانك



مدد بلاعدد



تقديري


:




:

الله يبيح منه ياسمي ولاهنت على نقل هذه الدره الثمينه بيض الله وجهك

سعيد


رحمه الله ورحمةً واسعه




وبيض الله وجهك ولاتحرمنا من مثل هذه الدرر الطيبه لجدك ولغيره




الله يحفظك

ارررررررررررحب يابومقبل


وعسى الله يرحم الشاعر مشبب وجميع اموات المسلمين