عبد الله بن دويرج

.




هيه الا ياراكبين اكوار وراد المقادم نضه
من حرار هتيم نضه ماخلطهن بالجمل خلاطي


من تريض قدر مايكتب كتابي قوم الله حضه
اردعوا روس النجايب قد مايقدر قلم خطاطي


ثم خلوا للركايب مع طواريق الخرايم جضه
لاتلثون النجايب لين غربيب الدجا ينخاطي


فان لفيتوا دار يالخطار ناعمة الشباب الغضه
ماشكت حامي سموم القيض والعقرب وبرد شباطي


خبروه ان البلاد اللي عمر في ضامري منقضه
ما وطا سوق البلاد اللي عمرها عقب خبره واطي


ماوطاها زول مير انها على طول المدى منرضه
غقب ماهي زينة البنيان لاتقدر ولاتنهاطي


كيف احلب الدر من ديس النعامه وامخضه واخضه
يوم كلفته وجاد وزان شربه لطه اللطاطي


منتويه بنية لاشك انا ماقدر غثاه وعضه
موجب اني مستريب وهايب من هرجة الخراطي


قادر نفسيعلى اسناع الهوىواقد البصر واغضه
خابر راع الهوى ياقف بعسرات المواقف صاطي


ابخص القصديرة الصفراء من اشكال الذهب والفضه
لكن المشطون مثلي عند اهل ذولا يقال صباطي



....

ياسلام عليك يالعيافي
على هذي القصيده لهديب الشام

تسلم تسلم والله

ابو فارس عسى الله مايصبحك إلا بكل خير وسرور


لن اضيف اي شى لأنك والأبداع توأمان لايفترقافي كل زمان ومكان....

خبروه ان البلاد اللي عمر في ضامري منقضه
ما وطا سوق البلاد اللي عمرها عقب خبره واطي



"ابو فارس لازم تراجع الدكتور اللي سوى العمليه للتشييك فقط لأني

اتصل على الموبايل وماترد"

بيض الله وجهك يابو فارس على ايراد هذه القصيده قافيه صعبه وتستحق الاعجاب


اخوك/عبدالله

ابو فارس صح لسانك وصح لسان الشاعر



قصيدة تستحق القراءة



شايع اشكر ذوقك





طيب ولا تجيب الا الطيب





شايع ابيض وجة