زيد بن غيام

زيد بن غيام جبلي من قبيلة مطير


يامل قلب عذبه كثر الأنواع
يبي الطمع مير الطمع يخلف الطوع

والله يالولا زرفلة شقح الأقطاع
وآقول اباخذ لي مع البدو قرطوع

لاصير في قصر لاروع ولاروع
لاهالك ظامي ولاميت جوع

مار البلا وان طاح بالصلب رماع
وشدوا له الجبلان مع بينة الشوع

تلقى لهم من عند ابا القد مرماع
ماعبروا في عرفج الشق مقطوع

حزم غدا لقليقلانه تمرياع
والرمث ينبت في مذاريه طالوع

في مربع وان جاه راع الغنم ضاع
تلقى الجوازي خنس فيه ورتوع

وأحب هد الطير والطرش منداع
شرق من المجذم شمال من الكوع

الى حصل صفق الحباري مع القاع
والله ماغبط اللي يصوع الذهب صوع








...[تم تعديل الموضوع من قبل شايع العيافي بتاريخ 09-29-2001 الساعة 06:17 AM]

المقدمه مره اخرى

ابو فارس


لاهنت الله يحفظك

سلمت والله ياشايع


أتحفتنا بهالرائعة

وأنا كتبت عن زيد بن غيام في مجلة الإبل العدد السادس نبذة كاملة


عن حياته الله يرحمة وأوردت القصيدة هذي

الطيب مايجي منه الا طيب

يابو فارس


مبدع حتى في اختيارك

أبيض وجه يابوفارس




موضوع قيم ومفيد



تحياتي لك