سلمت والشر اندحـــر. للشاعر خـــالد الرقيـباء.

هذه القصيدة مما قال ابن الوطن البار الشاعر الكبير / خالد بن فريحان الرقيباء الأسلمي الشمري

[poem=font="Traditional Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
الحمد للي سلمك وانجاك والشر اندحر = ربي جعل ياسيدي كيد العدا بنحورهم
لاباس يادر الأمن يعلها أجر وطهر = أنت الشجاع أنت البطل ماشلت هم لجورهم
ياسيدي ترهم حثالة مجتمع زمرة كفر = الله يمحقهم عن الأمة ويطفي نورهم
الشعب لاجلك يرخص الارواح والأنفس مهر = الأمن لاجلك يسبقون الموت يم قبورهم
لك منزلة بقلوبهم حب وغلا سر وجهر = ولاهو بمستغرب وتستاهل وهذا دورهم
دامك ولد نايف وزير الداخلية والفخر = لك يالبطل والله لتقصر يالشجاع اشبورهم
ابوك علمه مايبي تعريف بالعليا شهر = وعمامك اللي يستدلون الرجال بشورهم
وجدك معزي وحده بالسيف والشرع الأغر = إخوان نوره عجز التاريخ حصر اسطورهم
ياسيدي يامحمد النايف ياعنوان الظفر = يالنمر يالضرغام ياموت العدا بجحورهم
بك ينجبر عظم الزمن واللي انت تكسر ماجبر = وبك يقمع الله العدا تخطيطهم وشرورهم
لانك على عهد الولاء والدين لك ركن ومقر = ياحصن شعب المملكه وسياجهم ياسورهم
من حنكتك وسياستك ببلادنا الأمن استقر = ورجال الأمن اعليت قدرتهم وحسن امورهم
تزور مرضاهم تبدل حال معسرهم يسر = والحزن يرحل من يعرف انك تبي تزورهم
تحضن وتمسح عن يتيم الغدر دمعات القهر = الله جعل نظرة حنانك تستعيد سرورهم
جمعت رحمة في تواضع في كرم نفس وسطر = مع باسً مايلين ولو تلين اصخورهم
انت الكرم وانت السخا ياسيدي وانت النهر = يمناك تجري بالعطايا لو تجف انهورهم
انت الرصيد لمن رصيده قبل ياصلك صفر = من شاف قصرك يغتني مايلتفت لقصورهم
عاش الوطن ومحمد النايف بقى البيرق خضر = عساه ضمن اللي سهل على الصراط عبورهم
عسا الخطا يمحى عنه والذنب يجزى بالغفر = وبالاخره عساه مع اهل الجنان وحورهم
ياسيدي يامحمد النايف بك يطيب الشعر = بس المصيبة بك تضيع وصوفهم وشعورهم[/poem]

[align=center]حـــائل - طــابة[/align]

ياسلام ياسلام
عزالله من فرائد الشعر
وشعر شاعر علم
صح لسانه وبدنه
وحفظ الله امننا وبلادنا وقادتنا من كل مكروه
والله يجمل حالك يانجم