Tweet
السلام عليكم ورحمة الله وبركاته
الشاعر المرحوم عبدالله بن مسفر بن عميّان آل عبدان.. من الشعراء الذين لهم تجربة صادقة وحقيقية في كتابة الشعر النبطي بكل ألوانه واغراضه الشعرية فقد كتب شاعرنا رحمه الله في الكثير من المواضيع التي حفظها كل من يعرفه فقد كتب في النصح وفي الكيف والكرم والحكمة وشبّة النار وتقدير الجار والعاطفة والوصية وكان له رحمه الله موروث شعري كبير حفظه ابناؤه واحفاده الذين يسعون لطباعة ديوان يجمع كل قصائده.. كما ان الشاعر المرحوم عبدالله بن مسفر من الرجال اهل الكرم والاخلاق العالية وعارف في الحياة بكل امورها التقطت له هذه الصورة قبل وفاته بما يقارب عاماً وذلك في عام 1983 في احد بيوت الشعر في مكشاته للبر حيث انه من عشاقه مع شبه الضو ويبدو على يساره ابنه الاكبر المرحوم حمد بن عبدالله بن عميان.
شعر / المرحوم عبدالله بن مسفر بن عميّان
[poem=font="Arabic Transparent,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بديت رجمن طويلن ماله ظلاله=وانا ضمانن ولاعينت به فيـّا
الدمع من حجر عيني كن هلهاله=شختور صيفن تقفته الذواريـا
يالله وأنا طالبك ياعالم الحاله=ياكاتبن رزق عبدك دامهو حيـّا
أكتب نصيبي مع كسابة الناله=من فوق حيلن تربع كل وسميـّا
ودي مع اللي شلين بانت افعاله=معي ام تاجين فيها الشك ممليـّا
الصيد بجله وقناصه على فاله=والرزق لاسهله ربي يجي هيـّا
خله ويامل قلبن عصي عذاله=شرعه لمنه تولع في حدن عيــّا
متولعن في حسين اللون عزاله=حديثه أحلى من السكر بلوميـّا
ليته ولد عمتي وآنا ولد خاله=ولاّ ولد عمه اللي له دناويـّـا
أشوف حالي نقص والزود في حاله=لاكون هرجه علينا فيه ملويـا
ياراكبن والشداد الزين يهياله=ماهو يداني عصا الركاب توميـّا
سفايفه كنها الغربان بحباله=صريمة الماو بجسامن لواحيا
كن المذارع تشابه سيق سياله=والزور كنه صغيرات المواجيـّـا
أشبهه بالوصايف كن هوذاله=ذيبن تغانم توالي الليل عاديـّا
ياحميـّد انشد عليه وكثر الزاله=ودور على اللي يشابه عنز لدميـا
ترني شليّن الين امر مدهاله=واشوف من حيثني وياه ناتيّـا[/poem]
وسلامتكم
تعليق