قلبي يحب البل ولانيب مزّاح (قصة-قصيدة) جرْد الرقاب مذورات الربايب

قالها جدي لإمي الشاعر/مشبب بن مسامح بن قذلة الأكلبي الله يرحمه
تفان وزعوا الخطط حقة المزارع في منطقة بيشة
وقد كان ابوي مقبل عسكري في منطقة تبوك
وابوي تربى في بيت جدي مشبب
بعد وفاة والده جدي سعيد الله يغفر له وهو مازال صغير
المهم ارسل له الشايب يقول له تعال نجث النخل ونعَمر البلاد
رد عليه ابوي وقال له ان كان تبيني اجيك فبع البل
وكان يدري ان مطلبه مستحيل ولكنه كان يحاول استثارة راعي البل
المهم وصلت الرساله للشايب وقال هذي القصيده.



[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا راكبٍ من عندنا فوق ضبّاح= يجفل الا ما اومت عليه الجنايب

جنايبه مثل الغرابين طفّاح= حرٍ هميمٍ من خيار الركايب

منصاك منهو للمواحيل ذبّاح= ويفرح ليا ماشاف عوص النجايب

مايذبح الا من المواحيل قرّاح= ويقلط عليها لو ثمنها غلايب

غمرٍ ثمان سنين من ديرته راح= ومن راح صوب الشام بيتم غايب

مذوقهم بيضٍ معا حب تفاح= ويسهّله بالببس عذب الشرايب

يكتب بخط الحبر في زين الالواح= واللي تعلم فالقلم حِط نايب

فيابو سعيد السد منه العزا باح= واللي مهيضني علومك عجايب

والعين مني دمعها فالغبا فاح= ولاجيت بارقد شب فيها شبايب

تقول بع البل ومن الهم ترتاح= وخلك تحضرا جوف ربعٍ قرايب

فمن بيّع ابله وانثنى فالبلد طاح= هذاك جايه من وليّه عقايب

خله ليا منه انتحى البرق هم لاح= نبرا لطرعات البكار الحلايب

عربٍ الا ما وكدت زول ميّاح= منها حنايا الحوض راحت حطايب

لاشفتها في مرتعٍ فيه طفّاح= يزداد حالي ياعطيب الضرايب

فالبل هواها فالمناعير مصلاح= يرعا بها الاقفار ماهوب هايب

ترى الهوى سوقة معاشير ولقاح= في عثعثٍ ماجاه كون الهبايب

قلبي يحب البل ولانيب مزّاح= جرْد الرقاب مذورات الربايب

احب قمراً تحتها الديد ميضاح= وصفراً تشوق العين فيها جنايب

كنها هنوفٍ تلعب الغي بشفاح= تهَبّد الغران والرجل غايب

لانيب لاشاوي ولانيب فلاّح= ورزقي على ربٍ ينشي السحايب[/poem]

الله يرحم والديك ويرحم جدانك




والله العظيم هذه عيون الشعر الحقيقيه وهذي ومثلها ياخي مانبحث عنه ويبحث عنه كل متذوق ومتتبع للموروث من عيون الشعر التي من الظلم لها ومن الإجحاف بحق هؤلا الذين يحبون الشعر ويسعون الى مثل هذه الدرر أن تحجب عنهم ..



الغالي سعيد أمل أن لا تبخل علينا بمثل هذه القصائد الجزله جداً وأمل أن تتكرر إطلالتك هناء لما تحمل من فائده عظيمه .


لاعدمناك ياكحيلان


الله يرعاك

الله يرحم شايبك يا سعيد

ولا هنت على نقل هذه القصيدة الرائعة

تحياتي

اخوك

الله يرحم والديك ويرحم جدانك




والله العظيم هذه عيون الشعر الحقيقيه وهذي ومثلها ياخي مانبحث عنه ويبحث عنه كل متذوق ومتتبع للموروث من عيون الشعر التي من الظلم لها ومن الإجحاف بحق هؤلا الذين يحبون الشعر ويسعون الى مثل هذه الدرر أن تحجب عنهم ..



الغالي سعيد أمل أن لا تبخل علينا بمثل هذه القصائد الجزله جداً وأمل أن تتكرر إطلالتك هناء لما تحمل من فائده عظيمه .


لاعدمناك ياكحيلان


الله يرعاك

ارحب ياعبدالله
والله يحييك ويحيي كلامك الذرب دائما
وابشر بما يسرك ياطويل لعمر
الله يجمل حالك

[align=center]

الله يرحم شايبك يا سعيد

ولا هنت على نقل هذه القصيدة الرائعة

تحياتي

اخوك

ارحب يامشبب
والله يجزاك خير ياطويل العمر
وشكرا لك على مرورك الكريم[/align]