Tweet
قصيده على كل لسان.....
فيها شاعرنا يترك لمست الأبداع تلامس عيونكم....
يوم نط الرقيبه راس مشذوبه
قال هجوا وجانا الجيش زرفالي
قال انا شفت شوف لابليتوا به
شوف ريبه ومنه العقل يهتالي
لحقت الخيل (با.....) مركوبه
وانتووا جيشنا مرخين الحبالي
انتووا جيشنا والغوش عيوبه
واحتموا جيشهم ماضين الأفعالي
كل ماقلت عنا هودوا نوبه
اقبلوا سؤبة تسعين خيالي
حولوا لابتي في كل مسلوبه
واقفت الخيل معها الدم شلالي
من شريق الضحى ياغافر التوبه
لين غابت وخن في هوش وقتالي
يوم لحق الأمير ولحقت الشوبه
لاقرايا ولامزبن ولاجالي
خليت سابقه في الحزم مصيوبه
راحل مرجل وعوضناه الاحبالي
يحسب انا نعود عند مندوبه
يوم يرسل علينا خيله ارسالي
مادرى انا هرجنا اللي هرجتوا به
مآرث اجدادنا فكاكة التالي
هجننا ماركبها كل زاروبه
كون منهو عريب الجد والخالي
مل عين بكت ماهيب مصيوبه
من نهار رخص ماكان به غالي
ياعمار بسوق الموت مجلوبه
ماحسبنا على الدنيا لنا تالي
للكرم ساعة لاحل ماجوبه
والمعاسر لها حزات ورجالي
تعليق