تعالو ياهل البر.

هذه الرائعة للشاعر الرائع / خالد سليمان المذعور وفيها من الجماليات الكثير ممايجعلني انقلها لكم أترككم مع هذه الرائعة.
[poem=font="Traditional Arabic,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياعل براقً لواعيج ضوه = فوق الخشوم النايفات لمعانه
يامره من يملك مقادير نوه = بامره يسيل من الشناح لطمانه
فزعة كريمً والاوادم رجوه = وياسرع للجذع الهشيم رجعانه
باول ليال الوسم والوقت توه = رخمً على حمر الطعوس سكبانه
تبدا نبانيب الحيا في نموه = وتشوف من حدر الغضاة نبتانه
يابكر الباذر وكمل نشوه = تحس بالغصن القساوي ليانه
تخالط النوار والروض نوه = ومخالطن ربل الحيا قحويانه
وعم الخضار وراعي الذود دوه = وشد الرحول ودرهمن لندبانه
ولايفً ماخالطتهن شروه = تتلهن وضحاً عليها الزيانه
تومي جنايبها تقل جند قوه = يطوي سباريت الخلا درهمانه
وضحً كبار الروس تسوى قنوه = ماحملتها للحراج الديانه
سندً تشوح رقابها من نحوه = ولاخالط العظم الطويل المتانه
والاذن خرعا والبراطم ضفوه = ماكمش البرد الصقيع هدلانه
عرنونها قبل المناخر حنوه = والخد من حدر العيون عرضانه
والبال يارزقان حقق منوه = والنار من عقب الغياب شعمانه
مع واحدً شرواك تربطك خوه = يوسع الصدر الحزين هرجانه
متقاسمينً بالكرم والمروه = حتى الادب ديدانهم بالميانه
هات الدلال وطيب البن سوه = وبروس الانمل نوشه زعفرانه
فنجال صينً يابيض الوجه شوه = كيفً يشيل من الدماغ خويانه
هذي حلاة المرجلة والأخوة = والرزق عند اللي حرام عصيانه[/poem]

ياسلام ياسلام


بيض الله وجهك يانجم



عز الله من عيون الشعر


صح لسان الشاعر

بيض الله وجهك يانجم

تقبل تحيااااتى

لاغاب نجمك يانجم

طرح رائع

لك الشكر والتقديري

[poem=font="Traditional Arabic,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]تخالط النوار والروض نوه = ومخالطن ربل الحيا قحويانه[/poem]

نجم الأسلمي


اختيار ممتع وموفق..


دمت بخير

الله الله


نقل موفق يانجم الله لايهينك

أخي نجم بيض الله وجهك قصيدة تستحق عليها الثناء

سلم القائل

تقبل تحيات أخوك الصغير غريب