عبدالله الحربي ( رااااقيه )

سمعت لي كلمةٍ مدري وش أقصاها
حزت بصدري وانا مانيـب هارجهـا
لو كل كلمـة اليـا جتنـا طردناهـا
بعنـا الثمينـه بسعـر مايخارجهـا
ومـن يـم هـذا لهـذا مانقلناهـا
والناس واجد وتلقى مـن يروجهـا
من جابها بيـن خلـق الله ووداهـا
لو به مراجل تـرا نفسـه يسمجهـا
من عامل الناس في سابق خطاياهـا
يقعـد بـدارٍ خـلا مـاداج دايجهـا
في كنةٍ تشوي الجربـوع رمضاهـا
تيبس غصون الشجر من حر واهجها
والناس بالحق حكم الشيخ مارضاها
ماترضى النـاس لوأنـك تحججهـا
ياللي تبي الطيبه خذهـا وعطناهـا
وخـل الطريفـه طريـه لاتثلجهـا
وأقضب طريق الاوادم وامش ممشاها
واتبع دروب العرب وادرج مدارجهـا
وارسـم لنفسـك حـدودٍ لاتعداهـا
من حط نفسه بدرب الضيق يحرجها
وان كان نفسك هواها قـام ينحاهـا
حط الاعنه بروس الخيل واسرجهـا
وفكـر بمنكافهـا قـدام مغـزاهـا
واضرب حساباتها وتشوف ناتجهـا
وكل بعضده يمـوح الدلـو برشاهـا
وتلقى كبود الضوامي مـن يبهجهـا
وان صدت الناس عنا ماعترضناهـا
ماتقفـي النـاس عنـا ونتولجهـا
وان جاتنا الطيبـه بالطيـب زدناهـا
الطيبه بالعسـل والسمـن نمزجهـا
وان جاتنا الثانيـه نصبـر ونرفاهـا
يمكن اليا فـاق راعيهـا يعالجهـا
وان عادها عودتن ماعـاد ينساهـا
من حربتن في صميم الصدر نولجها
مسمومتن يبلـش الدكتـور بدواهـا
مايقنع الخبـل ليـن انـه يلامجهـا

ابو فارس



دائماً حضورك مشرق وصيدك سمين


لاهنت ولاهان حضورك الفاااارق



وإختيارات الجميله



الله يرعاك

والناس واجد وتلقى مـن يروجهـا
من جابها بيـن خلـق الله ووداهـا

لله دريك يابن زويبن

ودرك يامشهور

نقل فاخر

تقديري

دره من درر الشعر
الشكر لمن نقب عنها واحضرها
مشكور مشهووور

ابو فارس



دائماً حضورك مشرق


لاهنت ولاهان حضورك



وإختيارات الجميله



الله يرعاك