الشاعر : سهل الكسر

[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
هات الـدلال ولـع النـار ياجـداع=عجـل عليـه ياعـد و الرخـامـه
هات الحطب ياجداع من جبر وولاع=جبـره خشـب وولاع نـاره ثمامـه
وليـا غـدا للنـار ياجـداع شـلاع=وشفت الخشب منها تدانـى صرامـه
احمس من الخولا ن ياطيـب النـاع=لين النجـاض يبـن منهـا وشامـه
ودقـه بشامـي ٍ جيـلـه تلـعـلأع=يصح النيام ليـا صحـا مـن منامـه
ثم هات لي صهب ٍ يداون الاوجـاع=اللي مـن الصالـي عليهـا سحامـه
قفز الغوارب والمقاضب والاكـواع=وبطونهـا ياجديـع فيـهـا هيـامـه
لا وقفـن ياصـاح فيهـن تـرفـاع=وفيهن على جبر الحديـده ضخامـه
صهب ٍ مثاعبهن مهاديـف ووسـاع=وفيهن مثل حـد السيـوف استقامـه
سميتهن ياجـداع والاسـم ماضـاع=هيفـا وهيفيـه وشيـمـه وشـامـه
لاشافهـا اللـي لبغاديـد مــولاع=شوش شعر راسه وطـش العمامـه
ولقـم وبهـر ونتـبـه للتـسـراع=واحذر يجي بـك يالبناخـي غشامـه
خل المبهـر تهتـوش فيـه الانـواع=بيـن الشقـاره والحمـر والدهامـه
اضن هاجـوس القصايـد ليـا راع=يقـرب ليـا فـك المهيـل بـلامـه
ويحضر عيون الشعر موجدت الابداع=معانـي ٍ فيهـا طـراه وجسـامـه
تذكر الفايـت وتصحيـح الاوضـاع=حـب البـداوه والبـداوه شهـامـه
يامحـلا لاقيـل لسهيـل مـطـلاع=شافـوه تـال اليـل يلمـع زمامـه
من نجد يزمي فـوق نجـران لمـاع=شافـوه اهـل تثليـث وهـل تهامـه
وجى للهبوب من ايمن الشرق ذعذاع=والعد عقب سهيـل راعـة جمامـه
وفزر هجير القيض وضفى له قنـاع=على السلم والسمـر مثـل العمامـه
والبل تلافت للجمـل وبـرد القـاع=وقامو هـل البـل ينزلـون العدامـه
والنار شفت الها مع الفجر شعشـاع=وقامو يحزمون الحطب في حزامـه
من عقبها خمسين ليـل ٍ لهـا اتبـاع=اذاء بكـر الوسمـي ودلـى غمامـه
وجاله على ساقان من غرب ميقـاع=ويجنب ولا يملـك عريـق الثمامـه
ويشمل ليا القرعا وبير بـن هـزاع=على رجـم بـذال يرخـي خطامـه
وليا نهمل ودقه ومزنه ضفى ومـاع=على قراء الصمان يبخـص سنامـه
لين النبات اللـي يجـي لـه تنـواع=يفراء الحـزوم ليـا تملـت محامـه
وضاقت مع المشقر زهازيم الاقطاع=لاجاك راعـي نجـد يدفـع جهامـه
بدو ٍ تبي المرباع ثـم جتـك نجـاع=وكل ٍ عصب في سلت السقس خامه
قامت عطايا الله تضيق بهـا الارواع=شول ٍ يازين مـع الحمـاد الدحامـه
اول معاشيهـم مشابـيـع وجـيـاع=وراحو علـى ماقيـل شـده وقامـه
وشفت العسوس جيوبهم تقرع اقراع=اللي مدح واللي قصر فـي كلامـه
مالـو علـى دار ٍ للبـواش مرتـاع=فيها يجـي لهـل الحـلال التمامـه
كل ٍ معه وايت وصنـدوق وشـراع=ونـار ٍ رمادتهـا سـوات الردامـه
وذبايح ٍ تشـراء مـن البـدو وتبـاع=وكـل ٍ تجهـد مـاتـرداء مقـامـه
خذولهـم قامـات ثـم قيـل لـراع=عن ضهر الركبي يحـذف المسامـه
قـرو ليـا قامـت تمريـع تمريـاع=سـواء لهـم راع الكرامـه كرامـه
ثلاثت اشهـر كلهـا وقـت مربـاع=وقامه الين العشب يقـرب صرامـه
ولاقيل صيفي ٍ علـى نجـد تنـداع=كل ٍ صفـط عفشـه وقشـع خيامـه
تمزعـو مـن كـل جـو ٍ تمـزاع=بطرافهـم يكفـى المـدور يـدامـه
و راع الغنم مع دربهم شد ثم ضـاع=ايطوي الشبوك وقام يجمـع رمامـه
ماعـاد يلحـق لاذراع ٍ ولا كـراع=الشـاوي اللـي در شاتـه طعامـه
ألي خذتلي مع مقدم البـدو مـذواع=فنا ماعـاد الحقـت نفسـي ملامـه
هاذي طرات العمر والوقـت خـداع=وغارات بقعاء مـاش منهـا سلامـه
وصلو عدد ماغرد الـورق سجـاع=على النبي وزكى الصـلاة الختامـه [/poem]

بسم الله الرحمن الرحيم

الأخ شايع العيافي

لاهنت وبيض الله وجهك على نقل هذه القصيده

الجزله فعلا اختيار موفق وذوق عالي في

اختيار كل ماهو مميز وثمين

تقبل احترامي وتقديري لشخصك الكريم

لاهنت وبيض الله وجهك يالعيافي
اختيار من حسان الشعر وبديعه

لاشك انك تحسن الاختيار

تقديري

اختك
ظبيالجنوب

ابو فارس



بيض الله وجهك يالقرم

الأخ شايع العيافي

لاهنت وبيض الله وجهك على نقل هذه القصيده

تحياتى لك