ابو عيد المطوطح العنزي

عندما انتقده احد الجالسين وكان امير قبيله هو ضيف عليها وقال؛؛
انت بايهات علومك......!
سكت شاعرنا وبعد ان عاد الى البيت
امر زوجته بان تستعد للرحيل..

وانشد

[poem=font="Traditional Arabic,6,deeppink,bold,normal" bkcolor="skyblue" bkimage="" border="double,4,deeppink" type=1 line=0 align=center use=ex num="0,black"]
ياشيخ ماهي بايهات علومي=
مير ان ماعندك لهرجي ملافي


غروك زيلان سواة الرجومي=
ازوال ناس ماتعرف الخلافي



امهل علينا جعل عمرك يدومي=
ترى الليالي عدها باختلافي



لابد مايزمي طويل الحزومي=
بيني وبينك ياربيع الضعافي



واعيني اللي كن فيها هزومي=
والقلب كنه فوق حامي الرضافي



حلفت ماخلي طريق اللزومي=
لاأشرب هناي من ازرق الجم صافي



خلاف ذا دنيت حمرا ردومي=
شيبا ظهر من كثر سوج الظلافي



ماوقفت بالسوق للي يسومي=
حايل ثلاث سنين عقب العسافي



باغ غليها اضرب طريق اليمومي=
متنحر هاك البيوت الملافي



دسمين الأيدي لاسرن النجومي=
ذباحة للبل محاسيك الأشعافي



ربعي هل الشيمات واهل العزومي=
ياما غدا بايمانهم من سنافي



وصفر يطيعن المقاود سجومي=
ومزرجات فيهن الريش وافي



اهل ظعون ماتلاهم بهومي=
قطعان لامدوا سلفهم يشافي



ترعى من الجرعى لحد القسوم=
وترعى القصوريات ماهي عيافي



ترعى بعشب باذرته الوسومي=
تقطف زهر نوار قبل الهيافي[/poem]

.





.

ابو فارس

اختيار طيب من وجة طيب وعلومة طيبة..

وراع القصيدة امير مهما قيل فية والامارة ماتجى الا راعيها..صح لسانك ولسان الشاعر وعساك للقوة يالعيافى...

اخوك القرناس

صح لسانك يالعيافي ولسان راعي القصيده



ماوقفت بالسوق للي يسومي
**************حايل ثلاث سنين عقب العسافي

واعيني اللي كن فيها هزومي
والقلب كنه فوق حامي الرضافي



حلفت ماخلي طريق اللزومي
لاأشرب هناي من ازرق الجم صافي


لاهنت يابو فارس على هذا المجهود والإختيار الموفق


تحياتي لك

شايع العيافي 0

قصيده من نوادر الماضي 0

شكرا لك 0