العيد عيدالله .. للشاعر الكبير صقر النصافي

[poet font="Simplified Arabic,14,black,normal,normal" bkcolor="" bkimage="" border="double,2,seagreen" type=0 line=200% align=center use=sp char="" num="0,black"]
ياعلي خل العيد لأم الدناديـش =اللي تنظف كل يـــــوم جسدها
تبغي تماري ناقضات العكاريـش =في كل ملفاح تنقض جعـــــدها
العيد عيدالله ولو فات حتـــيش =من حسبة ايام يمــــرك عددها
نبي نعلمك المساري على الجيش =تمشي ذلولك لين يفتر جهــدها
خابرك مانتب ضاري للمــطاريش =نبيك تونس حلوها من نـــكدها
ليله على مسرى وليله مغابـيش =وليله نخلي نومها لمن رقــدها
وليله على تمره وليله على عيش =وليله نوكلك اللحم صيد يـــدها
ياعلي لاجيت العرب لاتـــجي تيش =خبل ليا جاب السوالف ســــردها
إحفظ لسانك لا يجي فيه تبــطيش =تصبح عيونك كايدات رمــــــدها
يجيك من يـــنشدك نشدة تكديش =يبي يســـــــنع هرجة يعتمدها
خله يقوم مفلت في يده ريش =يروح منك وحاجته ما وجدها
ترى دعابيل الخبول الفوانيش =تبدي بما فيها ولا احد نشدها
يجيك واحدهم يورش توريش =سحابته يسبق مطرها بردها
واللي لغمقات السوالف مناقيش =قراية الكلمة على اول عددها
تجي سوالفهم ضحك وتبهيش =وقلوبهم ما احد يفكك اعقدها



[/poet]

صح السانك والسان الشاعر المعروف النصافي وهذا القصيده



ال فوق الرايعه وكلك بركه يالعيافي والفضل الله ثم ابو ثامر.

الاخ/العيافي



اختيارموفق القصيده قمه با الابداع وجوهره من اصالة الماضي

رحمة الله علي صقر النصافي والله يعطيك العافيه والصحه,,,,,,



تقبل تحياتي

للرفع

الله لايهينك: شايع العيافي


اختيار موفق وذائقه عاليه

صح السانك يا ابو فارس ولسان قائلها
والله يعطيك العافية
جهودك ملموسة في عيون الشعر
الله يعطيك العافية
تقبل تحياتي واحترامي






............................................................ ..... تميم القحطاني

يامال السلامه يابو فارس


سامحني قمت بترتيبها من غير راي

وانت المرجع الأول والأخير يابو فارس

العيافي


لاهنت وبيض الله وجهك



صح الله لسان القائل وسلمت يداا الناقل



لاهنت لاهنت



تحياتي