فــــرائد (( محمد الفــهّاد ))

[سعد بن شليه السبيعي]

]

محمد الفهاد

هو الشاعر محمد الفهاد البرازي المطيري
وهو شاعر مختفي اعلاميا ويتمتع بقوة الوصف وأصالة الألفاظ و عسر القوافي وهو شاعر من الطراز الاول
وقد نظّمت مجلة اليقضه الكويتيه مسابقه للشعر النبطي على مستوى الخليج العربي عام 1993م
وبمشاركة 150 شاعر وقد حصل شاعرنا على المركز الأول مع العلم أنه لم يشاركـ شخصياً
وإنما شاركـ أحد محبيه بإسمه وبإبداعه ووضعه أمام الأمر الواقع
وكان شاعرنا محل ثناء وإعجاب من كبار الشعراء .

وشاعرنا كـ غيره من المبدعين تعرض للسرقه من شعراء لهم وزنهم فالساحه مستغلين بـ ذلكـ إبتعاده عن الإعلام
فلا تستغرب أن وجدت بين فرائده قصيده جيّرت لغيره

لكم فرائد محمد الفــهّاد

.



.

مرثيه في الشيخ حسين بن عادي المطيري

[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]
هلّي على قبره هماليـل الأمـزان=إليا تنثرتي على العـارض يميـن
يامزنـةٍ غـرّه زبـادٍ وريحـان=وإلاّ استعيري من دموع المساكين
وإلاّ بعد من رمش خدرات الأعيان=سلايل السربـه بنـات الدياحيـن
هلّي بفيضٍ من مناحيـل جـردان=على التراب اللي رقد وسطه حسين
ظلٍ ظليلٍ من مواريق الأغصـان=ريحٍ من الجنه وحورٍ مـن العيـن
ملجا الفقير اللي وراه ألـف ديّـان=يجري ويذري عن رياح الخماسين
ياما جدع بأطراف بيته من الضان=وياما قبس ناره وكثرت سكاكيـن
تبكيه من هدف المباهير رسـلان=مهيـلاتٍ فـي نحـور الدواويـن
مجده على برجٍ من الفلك ينشـان=حتى بنا له منـزلٍ بالسمـا كيـن [/poem]






[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]يا تل قلبي تـل قيـر الماركيـز=الماركيز اللـي جديـد اطرازهـا
ياشيخ جيتك لا عضيد ولا ركيـز=لاكشرت هاك الوجيـه ابوازهـا
وكد قال لقمان الحكيم بلا رويـز=قد ضاعت الخبزه على خبازهـا
ياععين ياللي كـن فيهـا جنبليـز=سحابتن عقب انفتـق مخرازهـا
اشكي عليك الحال ياعبد العزيـز=وقفت سـلام وعازتـن نعتازهـا
شيخن مقر الطيب في طبعك غريز=من طيب اهلك وفعلها وعجازهـا
والمدح ريح العود والحكي الوجيز=اثقل من اصواغ الذهب وابيازهـا
من معشرن مادقها عـرق وشيـز=من وايل العربان وفـي عنازهـا
انت النـدى والملـك لله العزيـز=يارونـق الدنـيـا ويابـروازهـا[/poem]

قيلت في الشيخ بدر هايف الفغم

[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]يابدر بن هايـف مقـر المواجيـب=يا شيخ يا حلال عسـرات الانشـاب
زبنـك مطلـوبٍ حدتـه المطاليـب=الوقت له مع الظيـم الايـام طـلاب
وانته تحذف الحيل جدع القصاصيب=على الخشب حتى ربح راع الاخشاب
على الغضى دايم دلالـك محاديـب=صفر الدلال مخضبت عكف الاشناب
ربيع من كثـرت عليـه اللواهيـب=ستر العيون بـلا رمـش واهـداب
من لاذبك يلقـى بظلـك مقاضيـب=ذخر الحبيس اللي قفل دونـه البـاب
يجذبك جـدك ياعريـب الاناسيـب=وابوك من ساق السرايـا للاجنـاب
سليل بيـتٍ يشبـع النسـر والذيـب=ان كربن بيض الغناديـر الاطنـاب
ياما عطيتـم مـن مهـار جناديـب=تاريخكم تاريخ ابـو زيـد وذيـاب
ترخى لكم عقبـان نجـد المخاليـب=و روس الرجال تصير تبعان واذناب
الله عطاكـم والعطايـا مواهـيـب=لايرجع الطرقي بلا حبـر وكتـاب
ان شان وقتي قلت قدمـي معازيـب=ضياغـم التربـه مفرقـة الاسـلاب[/poem]

في الشيخ مشاري هزاع بن بصيص

[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]باقـي مـن الايـام عـودٍ وتبـراه=مـع الليالـي موميـات الـذواري
الشيـب لاح بعارضـي وحـلالاه=مثل النجـوم بمظلمـات الغـداري
لاتبدي الشكوى على غيـر مشكـاه=الله عن اللي عـذب الحـال داري
ذخري وقضوى حاجتي ساعة انصاه=ريف الركاب ابن بصيص مشـاري
عدك إليا جيته علـى راس مرقـاه=طوال الرجوم اللي تدس الضـواري
له مدهلٍ عكف الشـوارب تنصـاه=لاجيت له كنـك بسـوقٍ تجـاري
سلايل اللي طوعـوا نجـد بحمـاه=يوم السيوف ويوم شـل الشبـاري
شيخٍ على راسه من الطيب عرقـاه=وسمٍ من المجـد التليـد ومـواري
له دلةٍ صفرا علـى النـار مركـاه=ماهـي علـوم مقلطيـن الغـواري
ياما جدع من كـل كبـشٍ وثنـداه=وياما شبع في حلته مـن عـواري
شيخ الجموع اللي على جرة خطـاه=بيض الوجيه بريـه ماهـي زواري
للشيـخ تنسـاق القصايـد ومهـداه=شيخٍ معـرب مـن قديـم الاثـاري[/poem]





يتبع ====>[/QUOTE

[سعد بن شليه السبيعي]

[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]لاتعتمد على العفون وتراكا =الميت ماتلحق وراة المطاليب
عين البغيض اللي تنوح وتباكا =ماحركت هاجس ولاصوبت ذيب
من لاذ باشباه الرجال وتشاكا =تظهر علية من حسناتة عذاريب
جنب ترى بعض اللحى ماتحاكا =ماكل ثوب فيه قرم ومواجيب
بالعرف ماذرية آدم شراكا =ماهم سوى من عصرلقمان وشعيب
يوم اختلط عشب الحجروالدكاكا =جيناوصار اردى الضيوف المعازيب[/poem]




****************************




[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]جرح الهوى جرح خطير وذباح =تبقى علاماته على القلب والروح
له بالحشاء عندي زمانين ماراح =عيا يطيب وبلش العين بالنوح
يالله لا تجزا هل الحسد بنصاح =وراع الحسد جعله طريحا ومفضوح
كسبت من طرد الهوى ظيم وجراح =حصيلتي ونه على غير مصلوح
وجدي على من له بالاعماق مسراح =وجود رملن دمعها فايحن فوح
شافت ولدها ركزوا فيه الارماح =خمس غرزنبه طاح والدم سافوح
وقامت تعيط وترفع الصوت بصياح =تستنجد الشجعان والصدر مفتوح
وتفاقعوا كلن يبا كسب الامداح =في ساعتن لقطع الارقاب مسموح
يوم انجلاء عج المغيرات وانزاح =اضحى ولدها بطرف النزل مذبوح
ياقل سالمها وياكثر من راح =موقف قشر ماهو تلاعيب ومزوح
على الذي حبه نبت نبت فلاح =فالقلب مالاعه سمومن ولافوح
ارجيه لو دونه مقاريد وشحاح =رجوا هل الطوفان لمرافقة نوح
مانساه لو ينقل جبل طي لرماح =ولاتشال طويق لجبال راموح
عقبه طريح ولاتهنيت بمراح =غابت عن عيوني مسرات وافراح
متاي ابكسب غاية القلب وارتاح =واحط في عيون الحواسيد ذرنوح[/poem]




****************************




[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]عقب فرقاك يالترف الغضيض =وين انا والسوالف والقهاوي

كل برق تحدر له نضيض =فيه من لون خدك يالهواوي

سارح في شعور بك يفيض =بين ود ومواصيل وهقاوي

يوم اشوفك على البيداء حضيض =تفتن الناس عرضات ونخاوي

عود موز على دلو عريض =من فروعه يغرفون الرواوي

كل من لاعشق مثلك مريض =في هوى الغيد تلميذ عماوي

ليتني لك بها الدنيا بغيض =وان مالي رجا وابقى رجاوي

المحبه يفسرها القريض =فرخ شيهان والعاشق نداوي[/poem]





****************************





[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]وش جابني في منة التبع والشيخ =وانا سماء ونجوم نجد تعرفني

كريم كف ولي مع الناس تاريخ =صحايفه تغدق علي وتصفني

إن طمنوا راس الطمان المفاضيخ =في كل راس مشمرخ عرم شفني

مادور الهزله بسوق الطبابيخ =ذباح حيل ويربح اللي خلفني

اشد من وقع السيوف الصراريخ =وبالين ريحان وتعال اكتشفني

لوم على وجه الليالي وتوبيخ =اموت عطشان ظماء وتغرفني[/poem]





يتبع ====>[/QUOTE

[سعد بن شليه السبيعي]

[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]الشمس لو به واحد(ن) يسكن الشمس =سكنتها عن قرب الانذال ونحوس

نسل الرخوم اللي نقانيقهم همس =في مجلسن ماهو من الشين محروس

تلقى قرايعهم بركض الردى خمس =يفرحبهم من لايرى الطيب ناموس

فرقي عليهم فرق باكر عن الامس =طمنتهم لوهم على حكيهم روس

لمستهم في حادثات الدهر لمس =حتى انجلا عن غيمة الفكر لابوس

الله خلقني في عيون العدو عمس =اعالج انفوس ن لها تزعل انفوس

لي خاطر مايرتضي لوعة الحمس =اليا تكدر ينصفق موت وطعوس[/poem]



****************************



[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]فرقاك ضيم وغيبتك كلها وجد =ياللي بقلبي من غلاه متواجد

يانورنجد ومن سكن في ثرى نجد =وحشتك وحشة ياسليل الأماجد

عشرتك مجد إن كان لاهل الهوى مجد =كنك وحد لوغيرك الناس واجد

أعذب من الغدق كلام العتب بجد =مثل السحاب اللي سرى الليل هاجد

ياحي لك عندي دقاق الغلا رجد =صدقة كريم وزعت بالمساجد[/poem]



****************************



[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]جهزتلك عقب المواصيل فرقى =أقصر ثوانيها أسنين وتفاريق
ماسامرت عيني من الود ورقى =يقفون بلونات بيض الغارنيق
معودِ رجلي على الكود ترقى =قلبي غرام للنايفات الشواهيق
عليك سجاتِ تقربك حرقى =ترعى الجسد رعي الجراد المدانيق
دوك العيون بشيمة البدو غرقى =تغضي حيا والناس عرف وتواثيق
أبطيت أخيلك ماصدق منك برقى =وّليتك أظهور الركاب المصافيق[/poem]



****************************



[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]تحن القلوب العاشقه والضلوع العوج =مثل ماتحن اللي من الذود منخلجه

على ناعم ن دونه طعوس ن زمت وفجوج =سباريت دو ن تقطع الحيل وتعلجه

من الوجد كني في يدين الرياح الهوج =تولجت طاريها وطرى والغلا ولجه

مع البارق اسبل ضيقة الخاطر المزعوج =تجود العيون ودمعه وجمره وثلجه

الا يابعد كل الطوايف هاك العمهوج =سلبني ودونه نازح البيد منبلجه

انا ويش عذري والهوى جاهل ن مرجوج =مقاديم رمحه بالحنايا لهن دلجه[/poem]




****************************



[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]يعيبوني اصحاب الرخاء ما لقوا عذروب =على ظن من يحجب سنا الشمس برقبته

جهاجيل قوم(ن) لو تعد العيوب عيوب =تخطريت كل(ن) بأسم جده وعذربته

أنا يا ضعيفين المعاني وطن ودروب =على الكود كم ليلٍ سريته وشيبته

تهز الرياح الهوج قلبي على النبنوب =تطير الضلوع وسبّق الطيب قاضبته

وان كان بطرد المها شق جيب وثوب =ترا ماني اول من رما الريم واذهبته

تتوب الليالي وان بغت لا تتوب اتوب =انا في ذرى الله وش ورى الذنب لا تبته

سريت الغداري لاجل عاشق وله محبوب =هكا الوقت لو عادت لياليه عاتبته[/poem]




****************************



[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]أعدي نايفات من الزوامي =ولالي في مجالسكم مرامي

أحب المجلس العالي ونفسي =تقاسي والقسى حال الكرامي

أنا لاضاقت الديرة بعيني =خذيت الريش من فرخ القطامي

تنحرت الهبوب الساحلية =شمالية هواها شرق شامي

عديم ماتنقدني سوالف =ولايلحق ملاحيقي ملامي

عريب الجد ريف لمن نصاني =خوالي مثل ماسووا عمامي

تنشدني عن أصحابي وان اللي =على أصحابي مثل طش الغمامي[/poem]



****************************



[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]اعض كف وساكب الجرح ماجف =خل الندم ينفع قلوب النداما

والف حالي من صدوف الدهر لف =لفت هبيل ن للضعوف اليتاما

لو كل مخلوق ن على الغيب ياقف =كم حجة ن عنها يعوض الصياما

يامبهر الدله بفنجالها خف =لا تسبق الدمعه عطور النشاما

انا صويب وجيت من خاطرن عف =اغضيت والرجل الحشيم ايتساما[/poem]



****************************



[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]لعل بيت ن ماتجيه المسايير=تنهار جدرانه بلا ريح واعصار

يهزه اللي هز بنيان اقادير=هزة غضب فيها مبانيه تنهار

يسفي عليه من السوافي معاصير=شهب الرياح مشوشعة خضر الاشجار

هبيت يابيت العفون المحاقير=لا كاسب ن طاله ولا حاشم ن جار

ناس ن تبيع اذممها بالدنانير=يابايع الذمه نبا منك دينار

لون ان في درب الردى للردي خير=تلقى مخلين المواجيب تجار

ياللي تهوش وتطّحن كنك الزير=اقصر على نفسك ترى شبورك اقصار

لو انت صقر ن ماجنتك الصقاقير=اللي من الغبشه يديرون الاشوار

عندي خبر ماهو زمان المناعير=هذا زمان مربية سحم الابقار

ولت عصور اهل الوفا والمشاهير=وهذي هي الدنيا تواريخ واذكار

اخذت في شهب الجزيره مشاوير=ترميبي ايامي من ديار لديار[/poem]






يتبع ====>[/QUOTE]

[سعد بن شليه السبيعي]

[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]سرى الليل ياسعيد وانا بين ليت ولـو =زماني مايساعدني وجرح الغـرام يـداو
بصدري جروحٍ مبطيات ٍ وشـي ٍ تـو =لك الله.. ياسيد هل العرف كيـف اسـاو
من الجادل اللي كن خده بـوارق نـو =مصابيح خـده بالدياجيـر بـرقٍ ضـاو
مظاليل عينه قاذفاتٍ من أرض وجـو =صواريخ صنع الروس ليلة هجوم الفـاو
عسفني بميدان الهوى ليـن حالـي ذو =ورقيت الرجوم وقمت اجاوب قنيب العاو
تمكن غلاه بمهجة الروح حتـى إلتـو =لجا.. والرجا باللي على كل خلقه قـاو
وجودي عليه ونار الاشواق جمر وضو =وجود أم ورعٍ حل حتنه وجـاه الطـاو
شريدة ظناها.. مالها إلا بنـات وهـو =تهشم بدمعٍ كن بأقصـى حشاهـا كـاو
على اللي زمالي دون وصله جبال ودو =بعادٍ مواصيله لو أنخى حـروف الـواو[/poem]




*****************************




[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]البارحه راسي من الهم منضـود =والقلب كن به حزة النـوم رجـه

يلعب به الهاجوس كودٍ على كود =كني صفيف الماء على جال عجه

فياونتي ونه خلوجٍ مـع الـذود =تسمع لها في تالـي الليـل لجـه

والا كما ومنه حسيرٍ على الجود =خلـوه ربعـه للمعاديـن هرجـه

يونها اللي ماعرف بالهوى كـود =حبٍ صعيـب ووجعـةٍ مستلجـه

ضرب الخفوق وكل ما ون مقيود =ومنين ماهب الهـوى لـه يشجـه

فيالله يامنجـي مـن الهـم داوود =اغفر لعبدك واعف عنّـة ونجـه

اليا غدا همه له عهـود وعهـود =ودموع عينـه بالمحاجـر تزجـه

في جزةٍ لون بهابـرق ورعـود =استغفر الله كـان قامـت توجـه[/poem]





*****************************





[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]كم سهرت من الليالي على عودٍ نشاش=لين صافحت المشاريق في عين وسهر

ماكسبت من التجارب على خالي بلاش=كم قطعت من الجراهيد من ساق وظهر

برق ياللي مالنا منك غيم ولا رشـاش=جعل عين اللي تخيلك تموت من القهر

يوم كسرت المرابح وعديت المعـاش=ليني الظامي ورجلي على جال النهـر

المساري حطت الرحل والديره عفـاش=ذيب ياللي تقنب الصوت في سر وجهر

آه ياللي كل ماجاش في ذكراه جـاش=عاتبنـه ذكرياتـه وغنـى لـه دهـر[/poem]





*****************************




[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]نداي وجاوب اوتـار همسـي=مادام صوتي له مـع البيـد مـدراج
يكفيك عن التخطيط قلبـي ولمسـي=جرح(ن)بنى ضيم وهدم صرح وابراج
تاثيـر مفعولـه بعينـي وهجسـي=يقراه من ضيع زهر عمـره ازعـاج
حقيقة امسي اه لـو تعـرف امسـي=شي(ن)يهز ابكار اهل نجـد بخـلاج
ياماضي راح ومعـه طـال رمسـي=فيك الدهر ظلمه قتل صبـح الابهـاج
ذكرتنـي لا شـك يانفسـي انسـي=البعد عن ذكر الاسى طـب وعـلاج
رغم ان جوي من ردى الوقت دمسي=عندي رجاء تضحك لي عيون وحجاج
عل وعسـى مقـدم لياليـك ونسـي=وتغازلـك عذبـات الايـام بغـنـاج
يصفي ضمير(ن) للتصاريف نحسـي=وتفـرج عنـدالله مفاتيـح الافـراج
والا الزمـن لابـد مالـه يهـسـي=متقفي(ن) مزنه هبوب(ن) وعجعـاج
واليا استدارت حبلهـا مـا يمسـي=تقطع ظهر من يقضب الحبل بهيـاج
من منطلق عرفي مع ارهاف حسـي=اقطع علشان الخوي قفـر الافجـاج
انقل واشيل لخاطرك غصب وارسـي =رسوى جبل سلمى وابانات واسـواج
وعساي احقق ما بنفسـك ونفسـي=لو اني احتاجك مثل ما انت محتـاج[/poem]




*****************************




[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]ابنعـزل عـن جملـة النـاس واروح=يمديني اطلـع عـن غبـار المدينـه
يمديني اطلع وارقب الرجـم وانـوح=ممـا بعينـي عبـرة(ن) مستكيـنـه
جاوبت تغريد القميري علـى الـدوح=والدوح غصنن يابس(ن) مـن سنينـه
يا قلب ياللي طـول الايـام مجـروح=طـاف القطـار وفايتتـك السفيـنـه
يافوح كبدي فوح فوح(ن) على فـوح=فـوح الـدلال المكرمـات الثميـنـه
تناوشنـي وابعدنـي عـن الـشـوح=سمـر الليالـي والعـدود الضنيـنـه
لو ان لي حمرا(ن) من الهجن سرسوح=الحـره اللـي كـن فيـهـا مكيـنـه
كان استرحت وشايف درب مصلـوح=بيـض السهـال ولا مقـام الغبيـنـه
اليا عطت مع خايع(ن) خالي(ن)سوح=مثل الرعـد يبـرق وتسمـع رطينـه
اليا انثنت مثل السحابـه لهـا ضـوح =والا الطمـوح اللـى تحـرى جنينـه
ماودي اجرح خاطر(ن) ضامه البـوح =حزين واثر فـي الصـدور الحزينـه[/poem]





*****************************





[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]شاقني مزن تحدر من القبلـه بـرق=في محيره ترتع النوق زينات الطروق

ساقته صلف الهبايب ورعاده طـرق=لين هز من الحشا كل مايكما الخفوق

غارق ببحورغيي وغيري من غـرق=والمحبه تجرح القلب وتمس معلـوق

راعي خديد ليا بـان المدلـع شـرق=حل في ظلماي نور ومصابيح وشروق

سارق قلبي وهو يقسم انـه ماسـرق= وأقسم انه ماسرقني مثل زينه سروق

يوم زل الوسم الاول ومرباعي زرق=مابقى الا الوجـد وتعاليـل البـروق

شاقني مزن تحدر من القبلـه بـرق=واقف واخيل نوه وانا أظنه صـدوق[/poem]





*****************************





[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]آه يا ويلي مـن الفرقـا=هم قلبـي دايـم يزيـدي
حرقوا قلب العنـا حرقـا=ورحلوا وانا اصفق الايدي
هم شمال وديرتي شرقـا=دونهم حـزم الجلاميـدي
قمت اجاوب نايح الورقـا=هايم ن وارفع بتغريـدي
كل ما خايلت لـي برقـا=اتذكـر سيـد الغـيـدي
طعنته وسط الحشا زرقـا=من فراقـه زاد تنكيـدي
يا عيون ن بالدمع غرقـا=استهلي من بعـد سيـدي[/poem]






يتبع ====>[/QUOTE]

[سعد بن شليه السبيعي]

[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]وجدي على الجادل الغضه=ترفه وبالزين محضوضـه
ازكى من الماس والفضـه=ما قلـدت عالـم الموضـه
الخد بـرقن ولـه نضـه=يا زين بعد المطر روضـه
عليه ليـل ن ليـا قضـه=قدم له الصبـح معروضـه
خشف ن من الريم له جضه=يذبـح ليـا لـد بالحوظـه
من حاش لا ماه يا حظـه=لامـاه تكفيـن وتعوضـه[/poem]



*******************************



[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]يا من فراقـه حـظ ومواجهـه حـظ=دوك العيون أغضتلك اسرار وعروض
اشغلتنـي وانـا قديـم التعـب فـض=في ليلك اللي داعب الريـح مقضـوض
عليك ونـات الهـواوي لهـن جـض=جضيض خلفات ن حدوهن عن الحوض
ربع بقلبي مـا ورى بـارق ن نـض=ملفاك حب ن نفحتـه تنبـت الـروض
بحماك ألـوذ ولا تقـض الغـلا قـض=ويطرى على دنيا ن تقربـك عـروض[/poem]



*******************************



[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]لو كل غلطات الزمن مـن تجافيـك=حرام ماجفالـك صديـق وقرايبـب
لاشـك هـذا ماجنيتـه بايـدايـك=وتفرقـت عقبـك قلـوب وحبايـب
ياناوي الفرقى على البعـد طاريـك=يهـز عـرش مهشمـات حدايـب
لو بكـى غالـي بكيتـك واببكيـك=بمعبـرات مثـل هـل السحـايـب
ولو من رجى حي رميت الرجى فيك=وقلت الرجابك بين صايب وخايـب
ذبحتني وانا حياتـك وانـا بحييـك=عن موت اكبر من مغز المصايـب[/poem]




*******************************



[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]جزاع عطرنا بشقـر الفناجيـل=من دلة كن الخضـاب قهوتهـا
عجل بصبتهـا وكـب التعاليـل=ناس تسولـف مبطيـه سالفتهـا
لولاك يالي تشري البن والهيـل=شبه الجزيره ماعشقـة غبرتهـا
غديت بين مطوحات الولاويـل=هوجاسً ترمي علـي اشركتهـا
يوم اشرح الخاطر بعذب التماثيل=عن الروابـع لاتوثـر ادبكتهـا
ماودي اجرح بالكلام المشاكيـل=خل النشاما يضربون اعمستهـا[/poem]




********************************




[poem=font="Arabic Transparent,6,green,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]ما يجلب احزاني ولا يشغل الضيم=غير الزمان اللي رضى لي بالاحزان

في صفحه المااضي جروح الهوى غيم=تمطر على الذكرى توجد وحرمان

ذكرااه تعزف وسط قلبي تقاسيم=لحن الغرام اشعل مصاابيح الاشجان

قصه عذاب لو قروها المظاليم=صارت لمجروحين الاحساس عنوان

عاشت بروح عاندتها المقاسيم=تزرع وفا تجني حجود ونكران

اشكي دهر روحي على هاطل الديم=يعلهاا من الريح العطف هتان

صرخه شقاا لو غيرتهاا المفااهيم=تبقى عذااب انساان في قلبه انسان[/poem]

الموضوع متجدد
وإلى إبداع شاعرنا بقيه

[/QUOTE]

بيض الله وجهك ياسعد



أشهد إنك جلبت مادة دسمة




تحياتي لك