ثلاث ترفع مستوى الرجل كله

[align=center]قصيده للشاعر

شلعان ابن ظافر ابن فهيد الدوسري رحمه الله[/align]

***
[poem=font="Simplified Arabic,6,#451081,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يقول من هاجوس قلبه يدله=وعيني تخايل عاليات الشناخيف
ودور على الطيب ووهف محله=واحفظ على رفقة بعيد المشاريف
رجل الرجال اللي يظلل بظله=مثل الجبل ما زعزعته العواصيف
عزيز نفس ما مشا بالمذله=رايات عزه يلعبن الغطاريف
لاطالت أيام الدهر ما تمله=تلقى النشامى له ومثله مواليف
جالس عزيز ولايجي فيك خله=وترى الجليس يمثلك بالتواصيف
ترى الرجال رجال وبهم مفله=أشكال تعرف أعزوم وتصاريف
وكلٍ يسير وسيرته شاهد له=وتبين من نيات قلبه طواريف
يرسم على نفسه صحايف مجلة=لو كان يخفي سيرته من العرب شيف
ومن لا فعل ماب الشرف حاصلٍ له=وقولٍ بلا فعلٍ حكايا ملاقيف
والطيب يبغي واحدٍ عاشقٍ له=يرفع خطاه العاليات المشاريف
على العسر واللين متحملٍ له=ومعسفٍ نفسه على العز تعسيف
قلبه على كسب المراجل يتله=تلة حبال مكسرات العصاريف
ثلاث ترفع مستوى الرجل كله=واليا حصل ثنتين جاله مواقيف
ألوله يكسى بها طايع الله=والله كريم وشرف الدين تشريف
والثاني اللي تنعرف عزوةٍ له=اليا قيل وين اللي يورد شبا السيف
والثالث اللي ضيف داره يدله=كريم سبلى يكرم الجار والضيف
واللي جمعها كلها سجلت له=عزٍ تقصر من فضاه المحاذيف
تاج الفخر ماكل رجلٍ يشله=الا الذي رجله تدك الشواطيف
نوبٍ تجي ضده ونوبٍ أرضله=ونوبٍ تحذف به على البر والسيف
ونوبٍ عراقيب الليالي تمله=ويصبح يصارع لفحة البرد والصيف
وجهه على كسب العلا جابرٍ له=لوكان ماها مايبل المغاريف
راع الصخا رب البرى عاينٍ له=ضيقات وقته من خرجها مناكيف[/poem]

لاهنت يالشريفي



مشاركه طيبه


الله يحفظك

أرحب يالشريفي




بيض الله وجهك على ماقدمت



تحياتي لك

لاهنت يالشريفي



مشاركه طيبه

ابو جارالله


لاهنت على النقل



مشهووووور....

عوض

دام لنا هذا الحضور

متميز بكل ماتطرح

تقديري لك