Tweet
قصيده للشاعر الكبير مصنت بن شري الرشيدي
جاني خبر يا كامل الوصف والزيـن
مشكور يـاراع الوفـا والامانـه
الخـط سكرتـه بوجـه المحبـيـن
مدري غشامـه فيـك ولا لعانـه
طاوعت هرج مفرق (ن) بين قلبيـن
خبيث قلبـه والحـلا فـي لسانـه
انتـم غنييـنٍ وحـنـا غنيـيـن
ارجـوك قلبـي لاتزيـد امتحانـه
من صوبنا حبك على الراس والعين
ومن صوبكم شفنا الجفـا والخيانـه
ومن شانكم نمشي على الزين والشين
لاشك مانرضـى طريـق الاهانـه
يازين حـدك لاتعـدى القوانيـن
موضوعكم يصعب علـي امشيانـه
لاتقارن العاقـل بوصـف المجانيـن
الحـر حـر ولايجـوز احبيـانـه
هقيت بك فزعة نفـوس العزيزيـن
وعقل (ن) رزينٍ مايزحـزح كيانـه
وهقيت فيك الطيب وثريك مسكين
ياللاسف طلعـت ماانـت بتكانـه
توعد وتكـذب مالقينـا براهيـن
تحدنـي للضيـف عنـدك ذهانـه
تقول كلم من وصل تـوه الحيـن
مانتـه مصدقنـي وكلـم افلانـه
خلصت منك ولا لنا عندكم شيـن
الا العلـوم الباقيـه معـك امانـه
تعليق