فهد المحيشير - رحمه الله - ,,

اخواني اعضاء منتديات النداوي تحية طيبة..




تلبية لرغبة عدد من الاعضاء ومن نيه سابقه تواجد هذا الموضوع عن قامه شعريه مغيبـّه اعلامياً و قد تم جمع هذا من خلال الشبكة العنبكوتيه واتمنى من الاخوان الباحثين و من اقارب الشاعر ان يزودونا بما عندهم عن هذا العلم ..





الشاعر / فهد بن حمود المحيشير الضوره ال عاطف القحطاني




ترجمة الشاعر ادعها لمن له علاقه بالشاعر..





قصيده للشاعر ..


[poem=font="Simplified Arabic,4,firebrick,bold,normal" bkcolor="" bkimage="" border="none,1," type=2 line=0 align=center use=sp]اللي يجنب محلي مـا علـي منـه=ان مر قلنا هلا وان راح مسموحي
لا صار مابـه رفيـق وافـي فنـه=كثر المشاريه غربالٍ على روحـي
بعض العرب لا نصحته زاد به جنه=من داعي الخير لا يسمع ولا يوحي
مطغيه طيش الشباب ومخلف ظنـه=مريوح ومرافق المريوح مريوحـي
الله يثيـب العـذارا يـوم عافنـه=ما للغنادير فالخبـلان مصلوحـي
من ضحكن اليالي السـود بكنـه=ماهيب كل الليالي ضحك وفروحي
الصبح لا صاده الصياد مـا حنـه=الوقت دوار والمطرود مطروحـي [/poem]






وهذه محاورة لشاعرنا مع رفيق دربه الشاعر احمد الناصر ..




أحمد الناصر




[poem=font="MS Dialog,4,,bold,normal" bkcolor="" bkimage="" border="none,1," type=2 line=0 align=center use=sp]أنا لي صاحب ما قد نشد عني ولا مرّه=ولنـّه شافني هــّلا مثل غيـره يهليبـي
ولاني راجي خيره ولاني خايف شـره=ولكن للرجال اسلوم وحقوق ومواجيبي [/poem]



فهد المحيشير




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]أنا لي صاحب فيه أكثر العربـان مغتـرّه=يكمخني بوجهي مير في الضيقة يماريبـي
أنا مـا خبـر علـي للنـاس مثقـال ذرة=ولا حد كاشف صدري ولا معطيه من جيبي [/poem]



أحمد الناصر




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]ولا له في السما طاري ولا له فالوطا جره=وهو يبخس محلي والجفا كلـه عذاريبـي
رفيقك لو يجيه الموج لا سره ولا ضـرّه=سواة الطير ولرياح تقبـل بـي وتقفيبـي [/poem]



فهد المحيشير




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]يقولون العرب من طاوع الشيطان أو مرّه=تغيره الروابـع فالقرايـب والاصاحيبـي
صحيح أن هالسنة عنا سفينة نوح مفترة=أحد يقطف زهرها وأحد تقالبه اللواهيبـي [/poem]



أحمد الناصر




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]أنا عيني تنام الليل مرتاحة ومستـرة=أكمّل مطلب الاصحاب ثم آخذ مطاليبي
إليا منه و فا لله ياهل المعرفـة درّه=واليا جفا عديت في عالي المراقيبـي [/poem]



فهد المحيشير




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]عيونك دالهة وأنا عيونـي دوك محمـرة=على جنبي شهر ما شفت خط ولا مناديبي
وأبو زيد الهلالي يوم لبس الثوب ما زره=يشوفون العرب علباه بين الشك والريبي [/poem]



أحمد الناصر




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]مكينة موترك يا بن الحلال العصر محتره=لقيت اصحاب غيري والدهر كله تجاريبي
يقولن العرب كم واحد ضوح القمر غره=أضنه ظن ولا ما حد يدري عن الغيبـي [/poem]



فهد المحيشير




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]حشا الله ما صبيت من غربي وال كره=ولا عديت من بيتي ولا بيت المعازيبي
كثير الناس لا يطرق لسانه ثم نجتره=ويقعد طول عمره لا لسان ولا لغابيبي [/poem]







وهذه المحاورة بين شاعرنا والشاعر / سعد المعنـّى البقمي جاءت ضمن مهرجان التنشيط السياحي في أبها عام 1408هـ .

المعنى:



[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]جانا الخبر واشتقت لديار الجنوب=للشاعر اللي حاويٍ دنيا ودين
هبي علينا يا ذعاذيع الهبوب=هبي علينا من شمال ومن يمين [/poem]



فهد:




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]أبغى أتلبس بالفرح تسعين ثوب =وأحفاد ابو تركي كعام العايلين
افعالهم من عقبها الكافر يتوب=الله يدوم بعزهم للمسلمين [/poem]



المعنى:




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]فهد ترى دايم مع الناس امحبوب =لكن بعض الوقت يرطن له رطين
انته فهد وانا المعنى عنك صوب =اصبر فإن الله يعين الصابرين [/poem]


فهد:




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]سولف واسولف لين يبدن الدروب=وأركد على المعنى يالين انه يبين
مادمت في حكمة مطوعة الصعوب=بالك تفكر بالهدير من الحنين [/poem]



المعنى:




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]الله يديم الناس بيضان القلوب =اللي يحطون العنب تفاح تين
ياخي ماوصلت لمسكات الجيوب=حجوا لمكة واطلعوا راس القرين [/poem]



فهد:




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]دنياك هذي بين غالب ومغلوب =ما طاب لك مادام لك طول السنين
الناس قالوا ليت ابو مرة يتوب =لاشك ما طاوع لسيد المرسلين [/poem]



المعنى:




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]يالله دخيلك عن كثيرات الذنوب=اركع لربك كان طعته ركعتين [/poem]







وهذي المحاورة بين شاعرنا والشاعر / عبدالله بن سيف السهلي..





عــبـــد الله بـــــن ســيـــف:




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]بعد ربي جمعنا وأجتمعنا يا أهـل العـادات=سلامي عد ما هل المطر من غر الأمزاني
أشوف سهيل بعيوني ولا هم العرب ما فات=ولا يأبو محمد جرها يـا طيـر حورانـي [/poem]


فــــهــــد الـمـحـيــشــيــر:




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]بعد ما أوحيت عبد الله يجر الصوت بالأبيـات=هلا ترحيبـة فيهـا ثمـر وردن وريحانـي
اليا طبيت وسط السوق ما أشريها بعنز وشات=وأسعر فالذهب لا ركـدوا لـه كـل ميزانـي [/poem]


عــبـــد الله بـــــن ســيـــف:




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]ليا جانا الخبر من يمكم قلنا أبـرك الحـزات=وأنا ما باشكي عليك الحال من حامد وحمداني
أنا قلبي دليلي وأعرف الروحـات والجيـات=وأبزهم صاحبي لياه بيـن الربـع يقصانـي [/poem]


فــــهـــــد الـمــحـيـشــيــر:




[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]معزبنا من اللـي يكسبـون الفـود والطـالات=وأنا وياك عنـده بنصيـر أصحـاب وأخوانـي
حضرنا من غلاه وحشمته نمشي على السمحات=ولا حنا بمـن يدهـا البـري ويقطـع العانـي [/poem]





وهذي المحاورة بين شاعرنا والشاعر / سلمان السبر



سلمان السبر:


[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]يالمحيشير سفرتنا تراها طويلة=يوم جا للشعر فك وربط ومجالي
كيل صاعك وصاعي ياقحطاني بكيله=عارف مكسبي وموَزِع راس مالي [/poem]


فهد المحيشير:


[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]قبل يعرض على العرّاف عدله وميله=وش يريد الزناتي من ذياب الهلالي
صاعي أملاه بالحمله ولاهي ثقيلة=وأن نزع عني الماء ما تقصر حبالي [/poem]


سلمان السبر:


[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]يبرق البرق والعالم تراها تخيله=مر يبرق جنوب ومر يبرق شمالي
آه ياكبدي اللي للمعارك غليله=ناوي نطله الغترة وذب العقالي [/poem]


فهدالمحيشير:


[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]أنت تبغي طويل الرجم والا المسيله=أمش وأنت المخيرَ فالسهل والجبالي
وهدو الخيل يا صحاب الخيول الأصيلة=قدمكم درب صعب وقابلوني لحالي [/poem]


سلمان السبر:


[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]شايلِ السواري ما نقلت الفتيلة=كل حي تجيبه مقبلات الليالي
كل رجال قلبه في زمانه دليله=وانت تفهم جنيه بضاعتك والريالي[/poem]


فهد المحيشير:


[poem=font="Simplified Arabic,4,,bold,normal" bkcolor="" bkimage="" border="none,1," type=2 line=0 align=center use=sp]يالزعيم المفوه بلف ليله وليله=مير في حال تجفل من سمار الظلالي [/poem]






وقبل النهاية هذي محاورة للشاعر فيديو



اضغط هنا














تقبلو تحياتي,..

سعد


الشاعر فهد المحيشير رحمه الله
شاعر علم وبشهادة الجميع اجاد في النظم والمحاوره

له محاورات كبيره مع شعراء كبار وكان يقوم امامهم مقام الند للند

ومن محاوراته محاوره مع احمد الناصر يقول فيها :

كان قام العميل وشد حلق العميل
خلصوا لحية الرجال واشنايها

انت مغرور في سبحه وصوت جميل
لكن النار مشبوبه للشبابها


وغيرها الكثير الكثير


لكن نتمنى من خلال هذا الموضوع ان تكون بادرة خير لجمع ما اغقل التاريخ من جوانب الأبداع في مسيرة هذا الشاعر العلم



شكرا يا سعد على هذه الأضائه لشاعر من اعلام الشعر في المملكه



تحيتي




مشهوووور...

انت مغرور في سبحه وصوت جميل
لكن النار مشبوبه للشبابها


الله الله الله

رحم الله ابن محيشير

ولاهنت يابو حامد

انت مغرور في سبحه وصوت جميل
لكن النار مشبوبه للشبابها


الله الله الله

رحم الله ابن محيشير

ولاهنت يابو حامد

الاخ سعد بن دعروم



لاهنت على النقل ولايهون الحاضر



ورحم الله ابن محيشير

سعد



بيض الله وجهك ياغالي



ولاهنت


ورحم الله المحيشير