Warning: session_start(): open(/var/cpanel/php/sessions/alt-php56/sess_92048850b38d520943c552141c26ddfe, O_RDWR) failed: No such file or directory (2) in /home/alnadawi/public_html/vb/includes/vb5/frontend/controller/page.php on line 343 Warning: session_start(): Failed to read session data: files (path: /var/cpanel/php/sessions/alt-php56) in /home/alnadawi/public_html/vb/includes/vb5/frontend/controller/page.php on line 343 رائعة ابن لعبون في احمد السديري سنة 1254 هـ - منتديات النداوي الشعبية

رائعة ابن لعبون في احمد السديري سنة 1254 هـ

تقليص
X
تقليص
 
  • الصفحة لـ 1
  • الوقت
  • عرض
إلغاء تحديد الكل
مشاركات جديدة
السابق template التالي
  • داهم العصيمي
    " وسام الاداره "

    • Nov 2001
    • 4220
    #1

    رائعة ابن لعبون في احمد السديري سنة 1254 هـ

    قصيدة وجدتها هناك .. وانقلها لكم هنا من رواتها والاخبار من رواتها ...للشاعر محمد بن لعبون رحمه الله ... وهو من مبدعي زمانه في شعر النبط وله هذه الرائعه في علم من أعلام زمانه وهو :


    الأمير أحمد بن محمد بن تركي بن محمد السديري


    وكان من أعظم الأمراء في نجد وأنبلهم وأنبههم ذكراً ، وكان أميراً على الغاط ولاه خالد بن سعود آل سعود سدير كله سنة 1253 فنزل المجمعة عاصمة سدير وفي سنة 1254 تولى امارة الأحساء فقام بها خير قيام في أيام خالد بن سعود وعبدالله بن ثنيان والامام فيصل بن تركي


    بقي أحمد بن محمد بن تركي السديري اميراً على الأحساء الى أن توفي بها سنة 1277 .له من الشعر مما لا اجده الآن فهو شاعر أرجو لكم أوقات طيبه مع رائعة ابن لعبون في السديري ..


    ياهل العيرات عن دار التلاف
    من عفا الله عنه يردف له رديف

    عن ديار ٍ كل ما فيها يعاف
    يا ركب ويلاه من سيفٍ كسيف

    جيت ناس عقب أهل مي نشاف
    يطبخون الزاد بالماي النظيف

    من عقب زل الزوالي واللحاف
    والنمد والجوخ سفوا لي سفيف

    شف منازل مي في ذيك الحضاف
    يا حراش ان كان يحتاج تعريف

    ذا مصب الماء وهذاك الرفاف
    والحرم هذا وهذاك المضيف

    موحشات كل ما فيها يخاف
    مهرة الخيال فيها ما تقيف

    يحلف الحلاف ما شافه وشاف
    بالمنازل زول عطبول زريف

    كم عف الله لي بربعه من مطاف
    مع نزول اعطان مشتاه ومصيف

    لي وليف كل هرجه بالخلاف
    العجب لله دره من وليف

    لاكشف لي عن ثناياه الرهاف
    من رفيف البرق تلقا له رفيف

    يا لطيف ٍ من حكاياه اللطاف
    سمني لعيونها عبد اللطيف

    كن وصف جعودها فوق الرداف
    الهوا والماء من فوق الغريف

    ياهل العيرات ما منهن عجاف
    رابيات بنجد في هيف وريف

    من جبل تيما الى حد الحقاف
    من خشوم طويق لبطانة عفيف

    هايتات كالمها زرق الخفاف
    من بنات عمان ممشاهن خفيف

    ان سمحتو ياركب ما من خلاف
    وان قصر حظي فهاكم لي شريف

    خط مفجوع سلامه كالرعاف
    ماطره كالدر لمحب ٍ دنيف

    تفتضح منه العذارى بالظراف
    والزهر باللون تيجانه نظيف

    بارتحاب مع تحيات نظاف
    جالبات النور لعيون الكفيف

    زاهيات كنهن ورد القطاف
    سالمات الزيغ من قلب وليف

    باندماج يا ركب لي وانعطاف
    وانطراحٍ بالوطا ما قط شيف

    للذي له في حشا روحي عطاف
    بالوداد وبعد رسمي والطريف

    ما عليكم لو على ملط الشعاف
    تاصلون السير منها بالوجيف

    من عزيز الما الى حد الصحاف
    لو أقول بيوم ممشاكم قصيف

    عامدات ٍ نجد من بعْد المساف
    خاصات (الغاط) من نجد المريف

    ملتجين في ذرا ستر العفاف
    (أحمد ٍ) لا زال مزبان المخيف

    مجمر ٍ تدعيك ناره بالكشاف
    مرخص الكوما إليا غليّ الرغيف

    با جتوال ٍ وانحراف ٍ وانصراف
    كالسحاب الجود ما مده قصيف

    صيرفي بالقيل بل صراف قاف
    مستجار الدار غطريف ظريف

    يا ثقيل الروز بأيام الخفاف
    فيه ثقل الروز والطبع الخفيف

    اشتكي لك من عيافي للعياف
    من هوى طرد الجوازي نا معيف

    راميات من سهام بنصراف
    من غزال ٍ في فوادي له رنيف

    موريات يـ (ا السديري) بالرضاف
    ورية الوقاد للقدر الرهيف

    لو حظى بوصالهن حظي الغداف
    بالهوى ما بات لعيوني ذريف

    حالة ٍ تنعاف يـ أحمد بالكساف
    عن طريق اللوم فيها وتعنيف

    وابق لي عون عليهن وانتصاف
    لك نصيف سهامهن وأنا نصيف

    وان تعذر منك يا ريف الهجاف
    في صدود ما علينا به نكيف

    بالعباد وكيف يقضي بـ إتلاف
    حاجة ٍ بالشام .. ناس بالقطيف

    فان عذرت فلا تعودنا خلاف
    ما مضى والخط لا يا رد قصيف

    وان بدا لك لازم غير ارتشاف
    راح حم شفاه حنا ما نقيف

    وانت سالم والسلام ايضاً يضاف
    فرقه الترحيب من صوب الوليف


    //
    التعديل الأخير تم بواسطة داهم العصيمي; الساعة 05-29-2007, 08:18 AM.
    [align=right]يالله اني طالبك حسن الصنيع
    والقدا بالدين والدنيا جميع

    والخوي الالمعي ابن الرجال
    نبذل المعروف فيه ولايضيع

    dahemutaibi@hotmail.com[/align]
    الكلمات الدلالية (Tags): لا يوجد
    • هادي بن عسكر
      "مدير المنتديات "

      • Jun 2006
      • 9893
      #2
      الاخ داهم العصيمي



      اررررررررررررررررررحب يابوماجد



      واهنئك على حسن الاختيار



      والقصيدة رائعه ومن عيون الشعر



      لك تقديري
      al-askar111@hotmail.com



      [poem=font="Simplified Arabic,5,#FF2600,bold,italic" bkcolor="" bkimage="" border="double,4,#400000" type=2 line=0 align=center use=ex num="0,#400000"]
      من صاحبي زلته لاجات امشيها=اما على حشمته والآ لشيبانه


      اطا عليها ولا كني بموحيها = واصد عنها وابرر غلطة لسانه


      واحسب عواقيبها والله يعديها = من خوف لايدري الحاقد وشيطانه[/poem]

        تعليق

        • عبدالله بن عقاب
          " نــداوي "

          • Nov 2004
          • 856
          #3
          لي وليف كل هرجه بالخلاف
          العجب لله دره من وليف

          لاكشف لي عن ثناياه الرهاف
          من رفيف البرق تلقا له رفيف

          قصيده جميله ياداهم

          رحمة الله على شاعرها

            تعليق

            • مزون المحمد
              " سحايب دمع "

              • Mar 2003
              • 2467
              #4
              القصيدة مرجع في القافية وفي المعاني

              صح الله لسان مبدعها


              وألف شكر على ذائقتك المميزة أخوي داهم

              لاهنت
              [align=center]حسبي الله لا إله إلا هو عليه توكلت وهو رب العرش العظيم[/align]

              [align=center]مزون المحمد[/align]

                تعليق

                • فهد بن ماجد
                  " وسام الاداره "

                  • May 2006
                  • 3869
                  #5
                  لاهنت اخ داهم


                  على نقل وايراد قصائد شعراء مبدعين بحجم بن لعبون والسديري


                  حضورك متميز يابو ماجد


                  تقديري
                  fmanr@hotmail.com

                    تعليق

                    • عبدالرحمن بن عمير
                      " نــداوي "

                      • Jun 2007
                      • 46
                      #6
                      داهم العصيمي

                      حضور متميز

                      لاهنت على هذه النقله الرائعه

                      تحيتي لك

                        تعليق

                        • داهم العصيمي
                          " وسام الاداره "

                          • Nov 2001
                          • 4220
                          #7
                          ابو عسكر
                          عشت
                          [align=right]يالله اني طالبك حسن الصنيع
                          والقدا بالدين والدنيا جميع

                          والخوي الالمعي ابن الرجال
                          نبذل المعروف فيه ولايضيع

                          dahemutaibi@hotmail.com[/align]

                            تعليق

                            • عبدالله بن شايع الزهيري
                              " وسام الاداره "

                              • Feb 2005
                              • 11482
                              #8
                              لاهنت ياداهم


                              إختيار جميل


                              شكراً على النقل
                              [poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
                              الكفو عثرة لسانه تقلـل مـن غـلاه =والردي يخطي ويبطي لا منه ولا عليه
                              والثقة قصر ركونه تنومس من بناه =والحكي لو نزه الدنس ما دنس نزيه [/poem]

                              [align=center]فلاح القرقاح[/align]

                              [align=center] (( ديـوانـي المـرقـابي ))[/align]
                              [align=center](( ديـوانـي أبيــــات ))[/align]
                              [align=center] qahtani@acs.com.sa[/align]

                                تعليق

                                • شجاع عمر الأكلبي
                                  " وسام الاداره "

                                  • Dec 2005
                                  • 5787
                                  #9
                                  لاهنت ياداهم



                                  تحياتي لك

                                    تعليق

                                    • خالد البحيري
                                      " نــداوي "

                                      • Feb 2002
                                      • 2754
                                      #10
                                      داهم العصيمي

                                      حضور متميز

                                      لاهنت على هذه النقله الرائعه

                                      تحيتي لك

                                        تعليق

                                        السابق template التالي
                                        يعمل...