القهوه وعيون الشعر

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
أحب الخليّ الخاليه والخوي القرم =وأحب الفياض وشبة النار والدله[/poem]

والقادم أجمل بإذن الله فقط أتنظروني ..

خذ هذه يابو شائع

يقول الشاعر : فهاد بن مسعـر العاصمي القحطاني في القهـوة :
اوي والله دلة يـا بــن مجحــود=في سرحـةٍ دوحـا وظـل بــرادي

هلهـا ثلاثه ما نـبي غــيرهـم زود=واللي يسـويهـا نظــيف ســدادي

صـبه لمـن يـروي شبا مقـدم العود=إلـى دبـرت صم الرمـك للعوادي

وإلا لـمن يطمـر ليا جات وبـود=عقيرته تقزي نهـار الطــرادي

اللـي لـيا مـن دبر الجـيش عرجود=يفـتك تـاليها بضرب ركــادي

وصبه لمن يثـني لـيا جـاه مظهـود=دون ابـن عمه ما رضا بالزهادي

وصبه لمـن يومي لهـل ضمـر قـود=تلـقا لهـا قدام بــيته مــرادي

وباقـي العرب خله ولافــيه منقـود=هـذارة المجلس حمـير السمــادي

للنظر في بقية شعر هذا الشاعر البارز يمكن الرجوع لكتابنا الحنين والاشجان في اشعار قبائل قحطان

وأخذ ثانية :

وقــال فهاد بن مسعر كذلك :
واللـه يـا لو كـيفة بعـض الامـرار
يـا حالي انـه مـا بقا إلا قليلــه

لا ضاق صدري قلـت شـبوا لي النار
حطوا حطب رمـثن جرومـه جليلـه

دنـوا ثلاث مـا بها أجوا ولا هجـار
ونجر يـصوت للنشامــى عويلــه

ولا يقـهـوي كون ثنتــين اضـوار
والثالثه قـد هي عليهــن نفيلــه

الاولـه مرسوم والـثانـيه كــار
والثـالـثه للي خطاهــم طويلــه

لا جوك زمـل عقـيل نقالـة الكــار
اللي يشـيلـون الحـمـول الثقيلــه

عــده لمنهــو للمواجيب صـبار
صبارة لا كان الأشــيا قليلــه

وان اقبلت كـنها عواريـن سنجــار
ثـم ناطحـة هـاذي وذي مستحيلـه

يروون فـي مـركاضهم كل قنطار
وينسمون الجـاذيــة بـالدبـيلـه