القهوه وعيون الشعر

وقال / الشيخ سليمان بن رفاده البلوي


[poem=font="Simplified Arabic,5,#1200FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يامسوي الفنجال عجّـل بسوقـه =خصّ الشيوخ وبدّ ناسٍ على ناس
خصّ الشجاع اللي تخلي طروقه= فكّاك ربعه يوم الارياق يبّـاس
والثاني اللي كل عدٍ يذوقه =فوايهه تشهر جديدٍ ودرّاس
والثالث اللي مسـرفٍ فـي حقوقـه =يملا الصحن ويرّفض النفس الانفاس
وباقي الملا اللي هينـاتٍ حقوقـه =عطهم من (الثنوه) ولا عاد به باس [/poem]


حفظكم الله

وقال /الشيخ تركي بن حميد

[poem=font="Simplified Arabic,5,#000DFF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا ما حلا يا عبيد في وقت الاسحار=جر الفراش وشب ضو المناره
معدلة تجذا على صالي النار=ونجر الى حرك تزايد عياره
النجرب طق وجاذب كل مرار=مالفه الملفوف من دون جاره
في ربعة ماهيب تحجب عن الجار=لامن ولد اللاش ما شب ناره [/poem]
رعاكم الله

وقال / الشاعر سعد بن حمد بن ضويان


[poem=font="Simplified Arabic,5,#FF4500,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياحسين لاكني على الجمر مجضوع=من فقد خلاني وفقدي ربوعي
قم سو فنجالٍ ترى الراس مصدوع=صفه وزله عن سريب الخموعي
فنجال فيه مخموس الكيف مجموع=بدلال يشدن الخباس الوقوعي
ونجر دلاله ماو بالصوت مفجوع=يا زين حسه والخلايق هجوعي
وانجاك بالمجلس سنافي وبالوع=عده على الطيب وكب البلوعي [/poem]


الله يحفظكم

وقال الشاعر/ غازي بن عون


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا ريف قلبي للمسايير قم شب=وحط المنارة في طويل الظلالي
عقب تشق لها لجزل الحطب جب=وهات النجر واحضر جداد الدلالي
دنّه وخلّه للمسايير يجذب=لا قام صوته للنشامى يلالي
يوحونه الجيران لا قام يقنب=ويجيك الاقصى والقصير الموالي [/poem]


حفظكم الله

وقال الشاعر / عبدالله بن سبيل الباهلي


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ترى حلاة الكيف يا مشرب له=لا فارقوك اهل الحسد والنجاسه
لا صار شغاله ظريف بزله=وظرف بتقليبه وقيمة قياسه
الى صفا بنه على ما شغله=تلقا على الفنجال ردعة لعاسه
خطو الولد توه على شبة له=جميع هو مات المراجل براسه
يقوم بالمعروف دقة وجله=والله مهيئ له على قوباسه
وخطو الولد رجم على غيرحله=لو جازلك مبناه برّق بساسه [/poem]


الله يرعاكم

وقال / الشاعر مدوخ بن ظمنه

[poem=font="Simplified Arabic,5,#005AFF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الكيف خله عند من يشترونه=المشكلة اللي جابها من بلدها
ياحامسين الكيف لا تحرقونه=حذراء عن الشعله تغير نقدها
حتى يجيك محمر كن لونه=محة جراده ظاهرة من جسدها
صبه على اللي ربعته يدهلونه=له ربعة من راح منها حمدها
وعده عن اللي واقف له بشونه=يمسي ويصبح عارف لك عددها
ما غير عنده طايرات عيونه=لا باع شاته جاك حزة وعدها[/poem]


في حفظ الكريم

وقال / الشيخ حربي الغويري


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
البارحه نومي سهاج وتمالـــــــــيل=ولو كثر دوج الناس كني لحالـي

يعبيد شب النار نار المعامـــــــــــيل=النار تجذبلك رجالن غوالـــــــــي

والنار تجذبلك رجالن مشاكـــــــــيل=وتجذبلك الطيب بعيد الاهالـــــــي

ماولله احلى شبها تالي الـــــــــــــيل=ونجرن ليامنك صقعته يلالـــــــي

من صوغ مصرين لحسه عواهــيل=من صوغته يشدي دنين الريالــي

وقم سو فنجالن بهاره من الهـــــيل=فنجال صينين من القوت غالــــــي

في دلتن صفرا مزل الزهالــــــــــيل=من قنفتن بيضا مطرها زلالــــــــي

وحليت دفقت مرها فالفناجــــــــــيل=جامد وحلي به لدم الغزالــــــــــــي

ولا بعد بجت دباتن لياقـــــــــــــــــيل=فنجالها حانن على شف بالـــــــــي

وفنجالها يشدي خضاب المهابـــــيل=يشدي خضاب معطرات الشيالــــي

وحنا من الشعشاع في قطنة النــيل=دايم على لونه جديدآ يعالـــــــــــي

بريَةٍ مجنيتن من شعافـــــــــــــــــيل=من غزر مشرعها ثمرها دوالـــي

وبهاره من مشرع الهند في خــــيل=كما النخيل بهارها مايشالــــــــــي

الاعلى عيدان ساج مقابــــــــــــــيل=جاين علاها ضربتن من شمالــــي

وفالبر تسعابه ركاب الجمامـــــــيل=تسعا بز وطايف البز غالــــــــــــــي

والله يلو الجود ياتيبنا تــــــــــــــــيل=لنحط ماجوبه عداد اليالــــــــــــــــي

ولون معنا مابقى الاشماشــــــــــيل=ونوايبن ترده سوات المدالـــــــــــي

نستر بها الاعراض مثل العرابـــيل=من خوف لا يهرج بنا فالمجالـــــــي

دنيآ ندارجها سوات المحاحـــــــــيل=ونقصانها اسرع من هدوف المحالي

نوجن عدال ونوج منا يجي مــــــيل=ونوجن عدل ونوج منا ميالـــــــــي

والناس كلن فاعلله مفاعـــــــــــيل=وكلن يجي طيب على كل حالـــــــي[/poem]



حفظكم الله

ابو فارس



أرحب ولاهنت



الله يحفظك

السلام عليكم ورحمة الله وبركاته

هنا فكره بسيطه ولانستغني من حضوركم ومشاركتم معنا لنجمع أشهر ماقيل في القهوه من أشعار وذلك لما لها من أهميه بالغه جداً عند العرب قديماً وحديثاً ولنكن سبّاقين في هذا الصرح الى تكوين مايشبه الموسوعه في قصائد القهوه التي تعد من عيون الشعر الشعبي مشاركتكم وتفاعلكم يكفل لنا النجاح بإذن الله .

وأبداء بهذه القصيده المشهوره في القهوه للشاعر المرحوم بإذن الله / محمد القاضي .



[poem=font="Simplified Arabic,5,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
يامـن لقلبٍ كل ماالـتمّ الاشفاق=من عام الاول به دواكيك وخفوق

يجاهد جنودٍ في سـواهيج الاطراق=و يكشف له أسرارٍ كتمها بصندوق

إلى عنّ له تذكار الأحباب واشتاق= باله وطف بـخاطره طاري الشوق

قربت له من غاية البن مـالاق=بالكف نـاقيها عن العذف منسوق

إحمس ثلاث ٍ يانديمي على ساق=ريحه على جمر الغضا يفضح السوق

حذراك و النية وبالك والإحـراق=واصحى تـصير بحمسة البن مطفوق

الى اصفرّ لونه ثم بشّت بالاعراق=وصارت كما الياقوت يطرب له الموق

وعطـّت بريح ٍفـاضح ٍفاخر ٍفـاق=لا عنبر ٍ ريحه بالانفاس منشـوق

دقـه بنـجر ٍ يسمعه كـل مشتاق=راع الهـوى يطرب ليادق بخفوق

واحشه بدلـة مـولع ٍ كنها ساق=بـلورة ٍ مـنصوبة ٍ تـقل غرنوق

خلّـه تفـوح وراعي الكيف يشتاق=الى طفح له جوهرٍِ صح له لوق

أصغراقموره كالـزمرد بالأشعاق=وكبارها الطافح كما صافي الموق

زلّـه على وضحا بها خـمسة ارناق=هيل ٍ و مسمار ٍ بالأسباب مسحوق

مع زعفرانٍ والشمطري الى انساق=ريحه مع العنبرعلى الطاق مطبوق

إلـى اجتمع هـذا وهـذا بتـيفاق=فـصبه كفيت العوق عن كل مخلوق

بفنجال صين ٍ صافي عنه الارماق=تغـضي وكـرسيه غـدان ٍ لمعشوق

الى صب فابصر جوهره تقل شبراق=رنق ٍ تصور بالـحمامة على الطوق

شكل غَـرَا الفنجال صبغه كما راق=دمّ الـغزال الى امـّـزع منه معـلوق

خمر ٍ الى منه تـساقى بالارياق=وعليه من ماء صافي الورد مـذلوق

راعيه كنه شارب ٍ ريق ترياق=كاس الطرب واسرور من ذاق له ذوق

يحتاج من خمرالسكارى الى فاق=طـفل ٍ يشف شفاه والعـنق مفـهوق

عبث ٍ يعيل ابـحُبة ٍ منه ما ماق=وهـو يباهي باهـي البدر بشــعوق

في وجنتيه الى غنج بارق ٍ حاق=عـجل ٍ رفيفه بالطـها الغـرق بطـبوق

سحر ٍكتب من حبرعينيه باوراق=خـديه صـادين ٍ و نـونين من فـوق

كن العرق بخـدودها حـصّ ارناق=نـثر عـلى صفحات بلـورة الشوق

إلى تبسم شع و أشـرق بالآفاق=نور ٍ يفـوق البـدر سحار منـطــوق

والعنق كن المسك والورس بـراق=ما مشخص ٍ في صدره الشاخ مدفوق

يـمشي برفق ٍ خايف ٍ مدمج الساق=يفصم حـجول ٍ هزه الثقل من فوق

الى صفت لك ساعة ٍ و أنت مشتاق=فاقطف زهر مالاق و العمر ملحـوق

فالى حضر ماقلت عندي فالارزاق=بيدي كـريم ٍ كافـل كل مخلــوق

والله لو يمــشي شقاق ٍ بالأسواق=مـن الملاء مايمسط الخمس مخلوق

هـذا و صلوا عـد ما ناض بـراق=أو ماشكى الفر قا شفيق ٍ لـمشفوق

على النبي مـا زج زاج ٍ با لأوراق=و آلـه و صحبه عد ماسيق مـسيوق [/poem]



في إنتظار مشاركاتكم .

حفظكم الله

صيدك سمين ماتجيب الهزيلة




سلمت يمناك يابو شايع ولا عدمناك



تحياتي لك

محمد السحوب



ووجهك ابيض ياعالي وشكراً على مرورك



الله يرعاك

أرحب يابو عمر


ماعليك زود


شاكر مرورك وتعليقك



الله يرعاك

فوووووووووووووووووق

السلام عليكم اخواني و اخواتي

هذه قصيدة عبلان المصرا وهو يصف بها القهوة وقصتها:

وهذه القصيدة وهو يصف القهوة عندما سير ( زار ) على جماعته في وسط النهار فوجدهم يلعبون السبر وهى لعبه مشهورة عند البادية ولا يوجد قهوة حاضرة ليشرب منها . فقالوا له اعمل لك قهوة فنحن مشغولين في هذه اللحظة . فقال : سوف اعمل القهوة واعمل قصيده أبين بها الذين يستحقون القهوة . فقالوا أعمل ما تشاء . فقال هذه القصيدة


أوي والله كيفه يا مطاليق
ما هى بكيفة لا عبين السباره
كيفة أدلال بالوصايف غرانيق
بيض تقلط صوب ضو المناره
ومحماسة يحرق بها البن تحريق
وتحمس وتفهق عاد فيها صفاره
فنجالها يأتي طري ليا ذيق
من الخوي يبري من الراس داره
لا صب بالفنجال ما به سواريق
مونة نظيف زايد في بهاره
ويصب للفرسان خيالة الضيق
نطاحة الفرسان في كل غاره
ويصب للي فرق المال تفريق
ما هو يحسب ربحها والخساره
ويصب للي يحتمون المشافيق
لا جاء نهاره فيه يشبك غباره
ويا الله أنا طالبك حظ وتوفيق
والحظ ما هو للفتي باختياره
طالبك قبا من طوال السماحيق
اصيله من طامرات الجواره
مليحة الذرعان مبرية السيق
مرتفع منها اللحم بلفقاره
تبري لذود ما تلوه الملاحيق
ولا ردها الشاوي تباري جفاره
ونرعى بها من قفرات الزماليق
لا عود الخناس يبغى دياره
في ضف مرذين الحفيف المرازيق
كم حفيف قد مشوا في دماره
يمسي ويصبح ما ركد له معاليق
مثل اجرب حس المداوي اذعاره
هل سربة ما هى تهاب التفافيق
عاداتا ما ضريت بالنياره
يتلون اخو لجعه زبون المشافيق
ويفداه شيخ حط روحه تجاره
حزام بن مانع* ليا نشف الريق
لا جاء نهار المعركه ذاك كاره
لا جاء نهار فيه صفق وتصفيق
لا من شوبا الحرب شبت اشعاره
والمنجي الله معتني بالمخاليق
يكسر ويجبر من نوى له اجباره
وختمانها بنطبق الهرج تطبيق
وماقل دل وزبدة الهرج شاره


وسلامتكم

اخوكم / سعد العجمي

لاهنت ياسعد

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
واقلبي اللي به هواجيس ترعاه=من رعيهن ما يمرح الليـل لله
الله على فنجال وامقيسـا مـاه=واليا شربته تنتهـي كـل علـه
البن عند اهله تقهويـك ثنـواه=وعند الشوايا مايقهويـك كلـه
تقنع عن الشاوي ليا شفت مبناه=بيتـه كبيـر ولا يقيلـك ظلـه [/poem]

نوير بنت شمران البلوية

حقيقه هذا البيت أعجبني كثيراً ولا أعرف هل له تكمله أم لا ..



[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
النار لاشبت فنصف الكرامه = والنصف لاخر ماتيسر من القوت [/poem]


حفظكم الله