المرجلة . . جزمٍ وعزم وفعايل

المرجلة . . جزمٍ وعزم وفعايل

مقدمة القصيدة . . لها أهميتها الجادة وذلك لإدخال القارئ إلى أعماق النص الشعري . . ولكن هناك نصوصاّ تستحق ماهو أكبر من مقدمة . . اما لفكرته أو لجزالة صاحبه او لغير ذلك . . قصيدة للشاعر نايف بن مهنا العدواني . . نقف أمامها قبل ان نقرأها وذلك لجزالة شاعرها وما بها من ملامسه للواقع.

[poem=font="Simplified Arabic,7,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
فكرت بالدنيا وبرّقت بالحال=وقلّبتها مابين عدلٍ ومايل
جلست أفكر وأتفكر بالاحوال=أجمع وأفرّق دقهّا والجلايل
في ساعةٍ مافيه من حولي أزوال=إلا أنا والنار تشعل شعايل
مركي على جال الجمر خمسة إدلال=يقدح سناها مثل برق المخايل
وأخذت لي منهن على الكيف فنجال=يجلي همومٍ وسط فكري تشايل
في صحصح ٍ مافيه حاسد وعذّال=أهل القلوب المبغضات الغلايل
في صحصح ٍ يطرد على بيده أللال=قفرٍ خلا مافيه غير الهمايل
أخذت أراجع ماعرفته من أمثال=ماضي العلوم موثّقات الدلايل
لقيت في دنياي مايزعج البال=ممّا يريب النفس شفت الهوايل
سنّدت برقا نايف الرجم والجال=وزلت قدم رجلي برجف وتهايل
وطيتها شعبان وحزوم وجبال=وسرّيتها مسري وصبح وقوايل
خاويت أنا رجال من الناس ورجال=ومال الرّخم ماكر على رأس طايل
شفت الحصاني تعتلي روس الاقذال=والذيب يمشي يتقّي بالمسايل
والبوم له ماكر على رأس ما طال=والحر ينزل بين قشع وخمايل
صارت على الأجواد همٍ وغربال=فيها تساوت بالفضيلة رذايل
ضاعت مفاهيمٍِ عريضات وطوال=فيها أختلف درب السنع والوسايل
دنيا غريبة ماعرفنا لها أشكال=منها لبيب العقل شاف العلايل
دنيا تقلّب بين الاقفاي وأقبال=ضاعت بها الحسبة بكل المسايل
كلّ غدى للحق ناقض وفتّال=من يوم صارت هرج قيل ٍ وقايل
حتى الكرم شبّه مع الناس بخبال=والحق عند الناس عدله تمايل
منها نشف حالي غدى كنه اخلال=هذي عظامي تحت ثوبي نحايل
ماكل من يلبس له اعقال رجال=ولا كل عسّافٍ يعسّف الاصايل
المرجلة ما هي سواليّف دجّال=المرجلة جزمٍ وعزم وفعايل
والشور مايؤخذ من عقول جهّال=والحق مايقبل عليه البدايل
أصد وجهي عن بعض شوف الانذال=وأقبل على راعي الوفا والجمايل
ماعاد لي رغبة ولا عندي اّمال=ولأني من اللي للردى هد عايل
لي رغبة وحده سجود بالاصال=اخّط لي مسجد وأصلي نفايل[/poem]

للشاعر/ نايف بن مهنا العدواني


ودمتوا سالمين

الاخ مناور بن هاجد


الله لايهينك يابوهاجد على النقل الطيب والاختيار الموفق



واشهد انها قصيده جزله وابدع الشاعر نايف في صياغتها



تقبل تحياتي واحترامي

أرحب يامناور


حضورك دائماً متميّز جعلك تسلم


لاهنت على هذا النقل الفريد


صح لسان قائلها



لك مني أجمل التحيّة

أخي...مناور بن هاجد

الله لا يهينك على النقل و الاختيار الرائع

و صح لسان شاعرها...نايف العدواني

معانيها صحيحة...و جزله

تحياتي لكما...

هلا وغلا في أخوي هادي بن عسكر
ولانت يابو مبارك
لاهنت على مرورك وردك الكريم
دمت برعاية الله وحفظة

هلا وغلا في أخوي شجاع عمر الاكلبي
ابقاك الله يابو عمر
ولانت
لاخلا ولاعدم جـنسك
الف الف شكر على مرورك وردك الكريم
دمت برعاية الله وحفظة

هلا وغلا في أخوي الأدهم بن علي
ولانت يالغالي
الف الف شكر على مرورك وردك الكريم
دمت برعاية الله وحفظة