Tweet
من أجمل وأروع القصائد الأبوية الحانيه هذه القصيدة للشاعر الكبير/ سليمان بن شريم رحمة الله عليه
وهي مليئة بالحكم الجيدة من رجل جرب الحياة ومصاعب الدنيا وهو يوصي بها أبنة عزيّز:
وهي مليئة بالحكم الجيدة من رجل جرب الحياة ومصاعب الدنيا وهو يوصي بها أبنة عزيّز:
[poem=font="Simplified Arabic,6,firebrick,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
يامن لعينٍٍ في محاجيرها شووك=والقلب به عن لذة النوم تكاك
لادك في قلبي من الهم داكووك=جاوبت طربان الحمايم والأدياك
عزي لحالك يا(عزيز) وأنا أبووك=كان الزمان اللي وطاني توطاك
أمشي وكني يا(عزيز) بتابووك=في حبس جبارٍٍ تحت حكم الأتراك
على عشيرٍٍ دونه الباب مصكووك=ماغير أمره وأتعداه مناك
بابٍٍ وراه حروس ماهوب مفكووك=ومبرزٍ ٍ دونه مكاين وشباك
وبقيت أنا في حضرة الوقت مملووك=دولة زمانٍٍ بين جاك وتعداك
أفهم وصاتي يا(عزيز) وأنا بووك=دامك صغير وغاية العلم يقراك
تراه ماينفعك خالك ولاخووك=لاصار ماتقضي لزومك بيمناك
وربعك إلى بان الخلل فيك عافووك=أقرب قريب لك من الناس يشناك
إن كثر مالك صدقوا لك وطاعووك=وإن قل مابيديك شانت سجاياك
لو تطلب الما عندهم كان ماسقووك=أبعد مزارك عن وطنهم ومرباك
إن جاد حظك صدقوا لك وزارووك=وإن بار كلٍٍ مايبي غير فرقاك
وإلى أعترض لك من صروف النيا صووك=كلٍٍ تبرا منك ماهوب وياك
وهراجة المجلس إلى جيت ورووك=منازلٍٍ تطرب نظيرك بدنياك
وإلى قضوا منك اللوازم وخلووك=تفرقوا وأنت أحتمل كل ماجاك
كنك سراج البيت للنور شبووك=وإلى قضى الوارد حدى الربع طفاك
والا كما ليمونة الحمض مصووك=وإلى قضى منه الطعم فرغوا إلذاك
واللي يجي من رفقته ريب وشكووك=أحذر عنه لياك تصدق بمسراك
وإلى جفوك أهل الوطن وأستخفووك=قلع غريسك منه وأهدم ركاياك
تراك لو تنجع على الرجل صعلووك=أحسن من اللي تلتجي له وياطاك
عطهم وضايفهم إلى منهم جووك=وغلق ضميرك لاتعلم بقصياك
وخدمتك شيخٍٍ كنك العبد مملووك=ياّمرك فيما يشتهي وأنت ينهاك
أعرف تراك مبرقعٍٍ منه مشبووك=حدرك في حبل المهالك ولاأرقاك
وأصحى لخلان الرخا لو تغالووك=أعرف ترى أطيبهم إلى أحتجت يجفاك
كنك خوي مقيط دهووك وأغووك=وحقك عطاك رشاك وأقفا وخلااك
وأحذر عن العيله ترى الحق مدرووك=مثل العمل يدركك مامنه فكاك
وإن كان عدوانك على الضيق حدووك=أخصم طلابتهم بعجفاك وقداك
وإن كانهم لمشرف الحق ماشووك=ناظر مطاليع الفرج قبل مبداك
وإن طاوعوا شيطان الأنفس وهانووك=فاصبر على البلوى ودفنت رزاياك
زرهم تراك إليا توانيت زارووك=أما بديت بصاحب السوء يبداك
مادامهم ماطاوعوا لك وعرفووك=أضرب على الكايد إلى عمست ارياك
لو هذبوك من المصايب وضدووك=مايذبحونك قبل تدني مناياك
وأحلم عن الجاهل ترى الحلم مبرووك=وقم للضعيف اللي من الضيم ينخاك
وأدمح خطأ جيران بيتك إلى أوذووك=ترى القصير وحرمة الجار بحماك
عطهم رواتب حقهم لو تناسووك=في كل مايصلح لدينك ودنياك
وقم للضيوف إلى عنوا لك وضافووك=أغلا كرامتهم حجاجك وبشراك
وأعرف ترى مالك من الضيف مشرووك=ولولاه يطلب حاجته فيك ماجاك
وقم للرجال إن ريعوا لك وحبووك=وأحشم خويك وأكرمه عند ملفاك
وإلى أعتبرت بسيرة الناس كفووك=ماكثر من شيٍٍ تعبته وعناك
ولاتبات بهم دنياك مضنووك=ماطاب لك مادام لك وأفتهم ذاك
لو يطلبون أخفايك الناس ماأخفووك=والر جل مثل النجم في كل الأفلاك
وصلآلآة ربي عد الأوراق والشووك=ماناض براقٍٍ وماهل سفاك
على الذي مافيه ريبٍٍ ولا شكووك=مـحـمـد اّّ مادك بالقلب دكاك[/poem]
ودمتواااا سالمين
تعليق