جميل المثايل

[سعد بن شليه السبيعي]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يقول من يبدع جميل المثايل= مثايل عذبه نقيه مصفات
يقولهامن عرفه ان الاوايل=مابقوالتاليهم امورمغطات
يقولها ينصح اعيال الحمايل=اللى لهم زينات الأ فعال عادات
ينصح بهااهل المدن والقبايل=لعل فيها لراعى العرف عبرات
العاقل اللى يتعظ بالدلايل=اللى جرت للناس فى سالف اوقات
العاقل اللى يعرف ان التحايل=مافيه له فود ولا فيه نفعات
العاقل اللى يعرف ان الحبايل=تصيد حابلها وتسقيه لوعات
والجاهل اللى كل ما قال قايل=صدق كلامه دون برهان وإثبات
والجاهل اللى فى المسا والقوايل=يدوربوش .. لا يقيل ولا بات
والجاهل اللي لو عيونه تخايل=يطيح وسط النار مثل الفراشات
والطيب يا با غيه..فعل الجمايل= تفعل جميل ماتبي له مجازات
والطيب يا باغيه..شيل الثقايل=لامن عجز عنه رديين همات
والعيب والمنقود..راس الفشايل= عصيانك الرحمن رب السموات
والعيب والمنقود..شب الفتايل=بين الجماعه..والمعاير بما فات
والعيب والمنقودلاجاك عايل=وطيت له راسك وذليت بسكات
والكذب راس العيب ياللى تسايل=حبله قصير يقطعك وسط مضماة
خلك على العايل صدوق الصمايل=كم من شجاع عاش واللي هرب مات
اصبر على وقتك ولو كان مايل=الصبر مفتاح الفرج في المهمات
والعيب نقل الهرج بين العوايل= نقل الدوادى الفارغه والحكايات
خلك خفيف النفس والشك زايل=وش عاد لو تومر ولو قيل لك هات
حسن الخلق زينه لكل الفضايل=كمل به اخلاقك وللناس شوفات
لا صرت تبغا وافيين الخصايل=فاصل رحمك وأدّ حق القرابات
هذا كلام رشيد من نس وايل=أهل الكرم والجود وأهل المروات
لباسه الماهودوأهل الاصايل=عون الرفيق اللي وقع وسط شطات
كم شيخ قوم ذاق مر الملايل= من ضربهم لا جو على الخيل عجلات
لطامه العايل اللي جاك مايل=شينين زينين مطافيق وثقات
لطامة نطاحة ما تسايل= فرسان شجعان مدابيس غارات
وطعونهم تلقا بها الدم سايل=وصحونهم يلقا بها الضيف خيرات[/poem]شعر: سمو الامير عبدالرحمن بن عبدالله بن عبدالرحمن ال سعود