تكفا ترى تكفا تهز الرجاجيل .. لمن ؟

ايها الاخوة البيت المعروف الذي يتناقله الجميع

تكفى ترى تكفى تهز الرجاجيل...لولا ظروف الوقت ماقلت تكفى


اريد ان اعرف لمن من الشعراء لو سمحتوا...وهل حوله خلاف؟؟

الاخ عبدالله الشهراني
حسب علمي انه لسعد جدلان

هلا يا عبدالله الشهراني

كثير من الشعراء قال بأن البيت له

ولا اعلم لمن بالضبط

ولكن من الذين قالوا بانه لهم الشاعر محمد الدحيمي وقد اخبرني عن قصيدة كامله والبيت من ضمنها

بينما احتج الكثير على ذلك وقالو البيت لبن جدلان وغيرهم قال لشاعر من بيشه ليس مشهور .... الخ

ياليت يا عبد الله ان تستمر بالبحث لانه موضوع مهم

وانا من الذين ينتظرون النتيجه لان البيت مشهور كثيرا

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]


الاخ خالد بن سعيد

البيت ليس لابن جدلان ابدا ابن جدلان عندنا في بيشه
ونعرف قصيده بيت بيت
ولا يوم ذكر ان البيت له ...لكن ترانا اصبحنا
ننسب البيوت الطيبه للشعراء الكبار
حتى لو لم تكن لهم ...لاهنت
[/poet]

عبد الله الشهرانى




صباحك ورد



أنا الموقع هنيا سمعت مع عدم التأكيد أن البيت لمحمد الدحيمى




هذا ولسعادتكم



التوجيه




تحياتى

عبدالله الشهراني


انا قلت حسب علمي وانا متأكد انه لسعد جدلان

ياليت انك تعرف سعد وتسأله

اسعد الله اوقاتكم



انا لكم اقطع الشك باليقين



هذا البيت من قصيدة للشاعر


صــعـــفـــق الــــعــــنــــزي

وقد قالها قبل عدت سنوات
بصاحب السمو الشيخ محمد بن راشد ال مكتوم

والشاعر انا لي به علاقة جيده وهو موجود عندنا بمحافضة الاحساء


لاكنه ليس له لا بالصحافة ولا الانتر نت


واعدكم بان اقدم لكم هذه القصيدة كامله ولاكني امهلوني فرصة حتى اعود الى الاحساء


دمتم ولكم كل الوووووود


فايز الشمري

خوي المطاليق ياهلا بك

انا سمعت برضه انه لمحمد الدحيمي..واما بيشه فانا اضمن ان قائل هذا البيت ليس منها ..

يمكن يقصدون البيت اللي يقول

الطيب لاتستغربه من هل الطيب ..اللي لهم في منهج الطيب خبره ..هذا لواحد اكلبي من هل بيشه وقد يكون هناك لبس

تسلم والربع مايقصرون لازلنا في انتضار التحريات

.

شكرا ياخالد الذيابي على معلوماتك ولازلنا ننتضر التاكيد من الاخوان او الافاده


.

[أحلام]

غلطانه واعتذر ..

باذن الله راح ابحث عنه
ريناد

وين انتي غاديه ياريناد البيت ذا ماهو على قاف القصيدة اللي اورديتها



والموضوع قديم واشوف انه ينقل من الشعبي الى القسم المناسب

يمكن يقصدون البيت اللي يقول

الطيب لاتستغربه من هل الطيب ..اللي لهم في منهج الطيب خبره ..هذا لواحد اكلبي من هل بيشه وقد يكون هناك لبس


أرحب يابن معجب


بالنسبه للبيت أعلاه الذي تقول قد يكون هناك لبس فيه هو لمحمد بن سيّاف الأكلبي ولالبس فيه ويقول من إدعاه فيقابلني وهومن ضمن قصيدة تصل لعشرة أبيات؟



أما البيت الذي تسأل عنه / تكفى ترى تكفى تهز الرياجيل إلخ00000فأنا أأكد كلامك بأنه ليس لأي شاعر من بيشه وهو لشاعر خليجي لايحضرني أسمه الآن وسوف أتذكره بمشيئة الله وأورده لكم؟؟؟

صلوا على النبي


اللي اخبره من زمان


أن البيت هذا يتيم


وأكثر من شاعر نسبه له وبنى عليه

.
.
.
.



وقد سمعت ولست متأكد

ان البيت هذا لشاعر من قبيلة آل فطيح الوعله اليامي


هذا البيت مطلعها وموجهها لضيدان بن قضعان

قال الشاعر

تكفا ترى تكفا تهز الرجاجيل......لولا ظروف الوقت ماقلت تكفا


ورد عليه ضيدان بقصيده

وكان مطلعها



ابشر بعزك لو تبي نجد وسهيل......

ومدري وش تكملت الشطر الثاني


هذا احتمال


ولكن


ابشروا ان شاء الله اللي بيجيب لكم الخبر الأكيد



ان شاااااء الله

استاذي وزميلي الاخ /عبد الله الشهراني مرحبا بك حقيقة القصيدة كما وصلتني ويبدو من سياقها أنها عصرية لحداثة الفاظها
ولا أدري هل هي المصدر أم أن هناك اقتباس من القصيدة الاصلية ولعل في ايرادها مايقرب إلى شاعرها بعد قراءتها
من قبل القراء اليكم القصيدة وتقبل تحياتي

يهتز كـلي هز من قول " تكـفى "
و " تكفى " على خبري تهز الرجاجيل
اليا أنتخى بي صاحبي جيت زحفى
لا قال " تكفى" يعتريني هـــرافـــيـــــل
امشي لو ان النور عندي مطفى
و " تكفى " تمشيني على العدل والميل
ما تهمنى طلعه ونزله ولفى
متهورن والله عليه التواكيل
على المنايا احذف الروح حذفى
ولا اطيع في ممشاي هرج العواذيل
ماني من اللى لا أنتخوا فيه قفى
يضرب جلى ويشكل الوضع تشكيل
قليل فود.ن. باللوازم تـخــفــى
وبوقت الرخى محد.ن. وصل له مواصيل

الاخ العزيز عبدالله الشهراني
القصيده طال عمرك للشاعر محمد الدحيمي وهو شاعر جزل(من علو بيشه) وله مشاركات في الجنادريه وكانت اخر امسياته في مصيف الطائف العام الماضي في امسية مشتركه مع ابن جدلان
وقد اورد لي هذه الابيات بالتلفون

[poem=font="Simplified Arabic,6,darkblue,bold,normal" bkcolor="white" bkimage="" border="groove,4,skyblue" type=2 line=0 align=center use=ex num="0,black"]
اما لطمنا العيل والا الطم العيل=مادام شب النار مندوب الاطفا
من ذاق حر القايله يعشق الليل=ومن شب ضوه ليلة البرد يدفا
امسيت في جيلٍ ولاهوب ذالجيل=واصبحت والا ديرتي شبه منفا
واللي حما بيته بطيرن ابابيل=ماجيت ادور كل من صد وقفا
ولاجيت ابشحذ يانما دلّه وهيل=جيتك وجرح الظلم غاديه يشفا
جيتك بكلمه كنها صعقة الويل=ان قلت تكفا لاتهاون بتكفا
تكفا تراها كلمةٍ تقطم الحيل=لابالله الا تنسف الحيل نسفا
تكفا ترا تكفا لها هدرة السيل=في صدر حرٍ ينتف الطيب نتفا
تكفا ترا تكفا لها تسّرج الخيل=ان كان لك في مجمع الخيل عسفا
تكفا تراني من قرومٍ مشاكيل=حماية الساقه بسيفٍ وشلفا
تكفا وتكفا ماتساق لمهابيل=تكفا تخلّي القرم لاشٍ وهطفا
تكفا ترا تكفا تهزّ الرجاجيل=لولا صروف الوقت ماقلت تكفا[/poem]