------ ريق ساره ------

[poem=font="Simplified Arabic,5,darkblue,normal,normal" bkcolor="transparent" bkimage="http://www.alnadawi.com/vb/images/toolbox/backgrounds/14.gif" border="double,6,darkblue" type=2 line=0 align=center use=ex num="0,black"]





قصيدة الشاعر محمد بن فهاد القحطاني ( ابن حصيص ) 0

هيّض ابن حصيص في تالي نهاره
ألف قاف ٍ في ضميره مدلجاتي
ياوجودي وجد مكسور الجباره
آخذ ٍ تسعين ليله مايباتي
أو وجود اللي خذا الحاكم دياره
خذ حلاله والحريم مسلّباتي
عقب ماهو تاجر وراعي أماره
صار فلاح ٍ واموره هيناتي
أرتحل يا فهيد منبوز الفقاره
آركي وحبال كوره كالفاتي
آركي ومربّع ٍ عشب القراره
ما علاه الشد من عشر سنواتي
ديرة الوشم ما فيها صقاره
غير شيبان وعجز محندباتي
من خشوم اكميت لي حد الزباره
جعل تمحل والوشوم مربعاتي
صاحبي بالوقف مدهاله وداره
ما سكن في ثرمدا والاّ مراتي
ولعتني بالهوى والزين ساره
دلهتني عن غنادير البناتي
يا حسايف بنت ذاك الجار ساره
عند ابوها تدّرج مثل المهاتي
ريق ساره مثل ( غند ) في غضاره
أو حليب ابكار عرب مسمناتي
والنهيد زبيدي ٍ في دعب قاره
في محير الماء القراح مصلّعاتي
والثنايا قحويان في زباره
زاهي نبته على كل النباتي
راس ساره ذيل شقراً وسط غاره
والجدايل بالرشوش مجدلاتي
والمطوع لو يشوف خديد ساره
طبّق المصحف وعجّل بالصلاتي
ما ذكر جار ٍ ذبح بالحب جاره
بالمبيسم والثنايا المرهفاتي
حالف ٍ ما نسى ولااسلى حب ساره
كوداهل شقرا يخلون الصلاتي
لايمي فاله حنيش ٍ في مغاره
سمّها يشظى العظام الصالباتي
00 منقوله 00[/poem]

عبد الله المنصوري






سلمت والله على هالرائعة




ولكن هذه القصيدة أتت هكذا عند الرواة ولكن يبدوا أنهم فقدوا جزءا كبيرا منها



لأن الشاعر يقول (ألف قاف)


فليتنا نجد البقية وقد اجتهدت للبحث عن البقية فلم أجد غير ما ذكرتها انت هنا




أشكرك جزيل الشكر على هذا المجهود العظيم





تقبل تحياتي



ناصر المجماج

الاخ ناصر المجماج 0

شكرا لمرورك -------- وسوف نبحث عن الباقي بأذن الله 0

ابو ماجد

هلا وغلا بهذا الحضور والمشاركه القيمه جداً

بارك الله فيك كم أنت مميز فيما تطرح من مواضيع

شكراً لك على نقل هذه النادره

حفظك الله

والبقى مليون يابوشايع 0

ماعليك زود -------------- الى الامام 0