قصيدة الشيباني بالأسهم

أعزائي أعضاء وزوار منتديات النداوي

تحية طيبة

وبعد


كلكم تعرفون الشيباني اللي قال قصيدة الوليد

واسمه الكامل

فالح بن فويز الشيباني


وهذه قصيدته بالأسهم يقول فيها :
[frame="1 80"]

[poet font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

بسم الله أبدأ وأبدابه=والقاف يونس هندابه
غنى ابن فويز من قافه=من قافه قال وغنى به
ياصف في قوله ماشافه=يملي من فكره بكتابه
دامه كلٍّ دلى دلوه=دلى دلوه والما جابه
آصف ماشفت وعاينته=وأذكر ماجوبه وأسبابه
واللي طرّى هذا كله=سوق الأسهم ما يصخى به
عجل عجل عجل عجل=ترى الدعوى فيه نهابه
كل كاسب كلٍّ رابح=كلٍّ يرصد وسط حسابه
كلٍّ يشطخ كل يمطخ=كل عبى جيب ثيابه
يدخل به طفران مفلس=ماتشعل ناره مشهابه
يأخذ له مده ثم يصبح=يصبح هامورٍّ يدعى به
ياكل هذا ويعدم هذا=والعالم يلعب بأعصابه
يصبح ماله بعد الطفره=مايحصي كم قدر نصابه
كانه ودك تصبح تاجر=والخير يفتِّح لك بابه
تملك بيت وتملك فله=تلعب كالناس اللعابه
سجل في قايمة الأسهم=وأحذر من ناسٍ نصابه
وأحذر وأحذر وأحذر وأحذر=من هامورٍ مايدرى به
يقشط رزقك وأنته غافل=وتصيبك جلطة بأسبابه
خلك عارف خلك فاهم=وأنته داخل وسط الغابه
وأسرح بدري لا تتأخر=وأصمت لا تنطق بالجابه
طالع للشاشه وانظرها=وأرسل سهمك في مضرابه
هذا قولٍ لأبن فويز=وانته جرب وش تلقى به


فالح بن فويز الشيباني
[/poet][/frame]

ناصر


لاهنت يا ناصر

جهودك واضحه في هذا المنتدى .... وهذا نابع من حبك الصادق لهذا الشعر الأصيل


تراني تصرفت في النص يا ناصر ....سامحني



اخووووك



مشهور....

أخوي مشهور





ألف شكر على مرورك ومتابعتك





وأنت تمون وأنا أخوك على أرقابنا







تحياتي

الاخ ناصر المجماج 0

أختيار طيب لمعاناة أهل البورصه والاسهم 0

شكرا لك وللشيباني على وصف تلك المعاناه 0

الله لا يهينك يا ناصر


وصح لسان شاعرها

والله انك اطربتني ذا القصيده ...


شاعر مميز وصار له نهج يميزه


لاهنت

تسلم ياناصر ولاهنت


لاعدمناك