من يسوي خير ويعلمني...

[poet font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يوم سالم قام يلعب ويتمنى=قلط المجهم على المغتر جوابه

الطرب شقحا يباريها ضعنا=لا غدا للبدو هوبال وضبابه

زينة الخرطوم ناتبها فحلنا=هزعةٍ بسناد مافيها حدابة

زين بالطرثوث لاقامت تحنا=مثل قنفٍ عازل له من ربابه

قدمها العساس وبيوتٍ تبنا=تتلي السبعان ماتطري المهابه

كم عقيد لابلانا وامتحنا=في مداس الجيش تاكله الذيابه

من طرف ساقان شربن واشملنا=من حمار العرق الى جو اللهابه
[/poet]


لأبن جعوان السبيعي والظاهر انه من العرينات

اذا فيه احد يقدر يجيب تاليها يسوي فينا خير


مشهور...

[align=center]لاهنت يابو فارس

تحياتي يالوافي[/align]

الاخ العزيز شايع العيافي

أبشر بما طلبت

وسوف أوافيك بها وباسم شاعرها


قريبا كاملة باذن الله

أخوك

مرحبا يا سعيد الحازبي



خالد السبيعي

لاعدمتك ... وانا في انتظارك

القصيده طيبه ومن اطيب ماسمعت لعذوبة شاعرها وتمكنه ..

تقبل تحياتي

مشهور...

ابو فارس

بيض الله وجهك فعلاً قصيده تستحق البحث عنها كامله

وحقيقه حاولت أبحث لي يومين ولكن للأسف لم أتوصل الى شي


والبركه في ابو عبدالله جعله يسلم ونحن في إنتظاره


حفظ الله الجميع

نادرة هالقصيدة وعسانا نعين تكملتها ... تحياتي ياشايع

سلمت والله سلمت طال عمرك





تقبل تحياتي



ناصر المجماج

شايع العيافي

تراني ما نسيتك

ولكني بانتظار القصيدة

بيجيبها لي رجال من الشاعر نفسه

مع أنه كبير جدا في السن إلا أن ابنه يحفظ كل قصائده

ومتى ما وصلتني بخبرك ان شاء الله

أخوك

مرحبا بالجميع


وانا في انتظارك يا خالد


لاهنت


مشهور...

السلام عليكم

اخوي شايع العيافي كما وعدتك سابقا باحضار القصيدة وها هي مع مناسبتها :

قال سالم بن مشعان من بني عامر من سبيع هذه الأبيات :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا عويمر وأرتحل فوق المعنا=ما عليه ألا أنت والخرج وزهابه
البرابك والشماليل إمتلنا=زين هجتهن عليهن من غبابه
لا هدر فيهن الجمل ثم شوّشنا=كل ملحاً شوّلت بأول ضرابه
ربّعن ثم صيّفن ثم استونا=وردن عدٍ لهن حلوٍ شرابه
جعل غمرٍ باعهن يوم استونا=جعل أهل بيته يقفونه ثيابه[/poem]


ثم جاراه محمد بن جعوان من العرينات من سبيع بهذه القصيدة :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يوم ابن مشعان يلعب وايتمنا=قدّم المجهم على المغتر جوابه
الطرب شقحٍ يباريهن ضعنا=يوم جاء للورد هوبال وضبابه
زينة الخرطوم ناتبها فحلنا=هزعةٍ باسناد ما فيها حدابه
زين بالطرثوث لا قامت تحنا=في سنامٍ مثل نصبٍ في سحابه
من شرى ساقان قادن وأشملنا=من حدود العرق إلى صلب اللهابه
قدمها العسّاس وبيوتٍ تبنا=تتبع السبعان ما تطرى المهابه
وفي ذرانا راعي الصالح تهنا=الطرف ترعاه لو بيّن الحرابه
كم شجاعٍ لا بلانا وامتحنا=في مداس الخيل تأكله الذيابه
وكم خلوجٍ من ركايبنا تحنا=من حلال القوم والطمعة كسابه
وكم هنوفٍ من سبايبنا تونا=تبكي الغالي خطيرٍ صوابه
وربعي اللي كاملينٍ كل فنا=لا زبنهم مجرمٍ تضحك أنيابه
القبايل خابرينٍ فعل أهلنا=يكتب التاريخ من عصر الصحابه[/poem]


أرجو أن أكون وفقت في ايراد القصيدتين وتنفيذ طلبك يا العيافي

خالد


جعل شايبك في الجنه

ورحم الله والديك ووالدا كل مسلم


الله لايهينك ويجمل حالك

مشهوووور...

جزاك الله كل خير يا مشهووور

على هالدعوة الطيبة

والله يرحم والدينا ووالديك وكل مسلم في الدنيا والآخرة

اخوك