هام جدا للجميع !!

السلام عليكم ورحمه الله

اتمنى ان احصل على هذه القصيده كامله ومن القائل
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

ياخوي ما اتلفنا يكود محلفنا = يام معقلة الجمل في الحريب
ان كانها مالت عليهم شنفنا = والله ما نرضا لهم بالغليبه
......................................= .......صحيب يلاعب صحيبه
[/poet]ولكم مني اجمل تحيه

مسفر ارحب ويالله حيه


القصيده المذكوره للشاعر الكبير عمير بن راشد بن عفيشه الهاجري

ومنها على ما احفظ


ياهيه يالللي بالكلام اختطفنا
لا حلك الله عرضنا وش تبيبه

وشعاد لامنا عمرنا طوفنا
والبيت الآخر فالفضا نبتنيبه

شينين واشين من شيفنا شلفنا
شلف تفج السابعه والتريبه

حنا بني هاجر عريب نسبنا
والجد قحطان اللذي نعتزيبه

الى ان قال....

لاشك متعبنا ياكود محلفن
يام مبركة الجمل للحريبه

لاشك لامنهم نصونا وقفنا
لو كان لقواهم علينا صعيبه

وان جان من لقصى ...جنفنا
معهم ولا نرضى عليهم غليبه



هذا اللي انا حافظ ارجو انه يسد اللزوم

لاهنت يا مسفر

مشهور...

ارررحب يا مسفر

والقصيده موجوده عندي كامله ومصدرها ديوان ال عفيشه وهي للشاعر

عمير بن راشد بن عفيشه الهاجري كما ذكر اخوي شايع بيض الله وجهه ومن يقرى

ومناسبتها انه في مجلس احد الحكام قام واحد مقرود يقول انا بني هاجر ماعادهم بدو خلو البر واسكنو في الديره
ورد عليه بن عفيشه بهذه القصيد الله يرحم بن عفيشه ويسكنه الجنه


[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
ياهيه ياللي بالكلام اختطفنا = لاحلك الله عرضنا وش تبي به

لاباس لامن بالكلام اعتطفنا =لاعاد مايقدر بنا الا عبيبه

ماهوب عيب لاعمرنا طوفنا =والبيت الآخر فالفضا نبتنيبه

لامن قبضنا مشبر منتقفنا =ماهيب تخلفنا العلوم المريبه

لو من بغانا بالتماني خطفنا =كان الموالي حطنا له كسيبه

لكن لطم العايل الله حسفنا =مايهتني بالشرب من حن شريبه

عوجان ماكل يعدل صدفنا =ومضرب هدفنا مايسره طبيبه

لامن رمينا بالتفق ماشطفنا =نكسر مواسيط العظام الصليبه

ولاننفد العده الامن رزفنا =الا ايلا قابل طنيب طنيبه

نصبر بلطمة حفنا في نعفنا =من حيث وافي حقنا نقتضيبه

وايلا غلبنا مانكسر حسفنا =لابد له في مثله كسر هيبه

لازان مضرابه عليه انتصفنا =فأيلا جاه مردود البرا يرتضيبه

يا ما شكت عوص النضا من صلفنا =ناست بنا ضد رهجنا قليبه

وعجنا ودجنا في رسومه ولفنا =ومن راس مضماه اختطفنا عزيبه

وياما مشى قد الضعاين سلفنا =خيل وجمع لا مشى له حطيبه

وان خايع الأزهار نبته قطفنا =وصدنا الجوازي في ملاوي شعيبه

ونجعل رفيعات المنازل غرفنا =لو هي على حد الخطر مانهيبه

وايلا من عقيد باحتماله خطفنا =جانا مع سد الغبا يتقي به

اول طوارف نشرنا له لففنا =ونلطم رثامه حين مانلتقي به

وايلا دهمنا طامع في عطفنا =في باله انها عند الأول نهيبه

ناتيه في حال تغير شيفنا =وترجع صورنا غير ماكان هيبه

شينين وأشين من شيفنا شلفنا =شلف تفج السابعه والتريبه

وايلا من الخفرات العماهيج شفنا =حسر وكلن سترها تنتخيبه

نثني عليهن لو يصير بتلفنا =بسيوف شل الراس ماتلتهيبه

لو كان تكثر في المعاره جيفنا =لعيونهن سوق الفنا نشتريبه

في ماقف من دمنا به نشفنا =من بين نظهر منه او نختفي به

ومن طاح منا عند راسه صنفنا =عرج بنا صم الرمك تلتوي به

وعاف الضديد وشاف منا عففنا =وأقفا على الامتان ينقل صويبه

من حربنا سامح وألآخر لقفنا =سبره يبارينا ويبدي رقيبه

ننزل جهار بغير جار سلفنا =ونرفع مبانينا بالأرض العشيبه

وايظا الى ضاع السحا له طنفنا =ونجير محتمل الطلب من طليبه

لابت مخاضيب عزيز شرفنا=ضياغم طيب النبا نكتسيبه

كل ايلا قر القرار يعرفنا =هواجر مخراجنا يندريبه

باقصى المشارق لاتهامه طرفنا =والجد قحطان الذي نستميبه

ماقول بالعليا على الناس طفنا =بل كلهم قسمه بها محتظيبه

لاشك ماتعبنا يكود محلفنا =يام مبركة الجمل للحريبه

لاكن لامنهم نصونا وقفنا =لوكان لقواهم علينا صعيبه

وايلا تصالحنا جحدنا جنفنا =كل والآخر سكر في حليبه

ومن زار منهم نعتبي له ضيفنا =وجزل الكرامه عندهم نحتريبه

وان جات من الأقصى عليهم شنفنا =معهم ولانرضى عليهم غليبه

ولاعودت من بيننا وانحرفنا =كل على البيضاء يلاعب صحيبه

ياما خذوا منا النصف وانتصفنا = منهم ولاأحد داس درب يعيبه

تمت وصلوا ماسعينا وطفنا =على نبي بالهدى نقتديبه
[/poet]

مسفر ال رشيد

هلا وغلا

حقيقه شاكر لك وللأخوان الافاضل

شايع العيافي وفهد بن دلباح

على الجواب الشافي وإيراد القصيده كامله من قبل الاخ فهد


حفظ الله الجميع

اخوي الكبير الغالي شايع العيافي

اخوي الغالي فهد بن دلباح

اخوي الغالي عبد الله بن شايع القحطاني


لا هنتو جميع

وعساني ما اعدمكم ان شا الله

وصح الله لسان الشاعر وبيض الله وجهه حي وميت حيث انه لا مدح ربعه ولا ذم اللي غيرهم .


تحياتي للجميع ..


مسفر بن عايض ال رشيد