يمنى بلا يسرى تراها ضعيفه .... من يكمل القصيدة

أسعد اللخ أوقات الجميع

القصيدة اللي أبحث عنها أظنها لشاعر عنزي يعرف بالنجدي من قصيدته

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يمنى بلا يسرى تراها ضعيفه = ورجل بلا ربعٍ على الغبن صبار
و الطير بالجنحان ما أحلى رفيفه=والا انكسر خطوا الجناحين ما طار
أحدٍ على جاره حصاةٍ محيفه=وأحدٍ على جاره بختري و نوار
[/poet]

والبيت الثالث سمعت أحد يقول (( بدل جاره ربعه ))

المطلوووووووووووووووب تكملة القصيدة


و سلامتكم

[align=center]أرحب يا ابن محيا تراحيب السيل


والقصيده طال عمرك إختلفت عليها الروايات ولاكن الحقيقه الاكيده أنها للشاعر / عبدالله بن سجوان الرويس العتيبي وتكملتها

كما يلي :[/align]


[poet font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
ياحسين ديران الجماعه مريفه = واللي مع الاجناب كنه على نار
أحدٍعلى جاره صفاةٍ محيفه = وأحدٍعلى جاره بختري ونوار
يمنى بلا يسرى تراهـا ضعيفـه=ورجل بلا ربعٍ على الغبن صبـار
و الطير بالجنحان ما أحلى رفيفـه=واليا انكسر خطوا الجناحين ما طار
[/poet]


[align=center]حفظك الله[/align]

[align=center]
السلام عليكم ورحمة الله وبركاته

اخواني مبارك بن محيا وعبدالله بن شايع

اسمحوا لي بهذه المداخلة التي قد تفيد في هذا الموضوع وتجيب على تساؤل أبو محيا

في الحقيقة عندي معلومة وهي شبه أكيده وما أكيد الا الموت

في البداية هناك خلط بين قصيدتين ولابد من التوضيح

هذه الأبيات هي للشاعر عبدالله بن سجوان الرويس العتيبي وقد قالها وهو في الكويت [/align][poet font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياحسين بلدان الجماعـه مريفـه=واللي مع الاجناب كنه علـى نـار
يمنى بلا يسـرى تراهـا ضعيفـه=ورجل بلا ربعٍ على الغبن صبـار
و الطير بالجنحان ما أحلى رفيفـه=واليا انكسر حدا الجناحين ما طار
[/poet][align=center]والروايات الأكيدة أنها فقط ثلاثة أبيات فقط لا غير [/align]




[align=center]أما البيت هذا :[/align][poet font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أحدٍعلـى جـاره صفـاةٍ محيفـه=وأحدٍعلى جـاره بختـري ونـوار
[/poet]
[align=center]فهو بيت من قصيدة الشاعر محمد النجدي الصقري العنزي وهي على قافية مشابهه ولكنها معكوسة لذلك يكون هناك خلط بين القصيدتين اذا قلب صدر وعجز الابيات وهي كما يلي كاملة :[/align][poet font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالله يالمطلوب يا والي الأقدار=أنت الذي مدّات جودك لطيفه
يالله يالمعبود عاون هل الكار=تحل شطاتٍ عليهم كليفه
اللي مجالسهم بها بن وبهار=ونجرٍ يصوّت للهشالا رجيفه
مكارمٍ للضيف أصيلات وكبار=ومفطحاتٍ في صحونٍ نظيفه
يا مزنةٍ غرا من الوسم مبكار=اللي جذبنا من بعيدٍ رفيفه
تومر على كل المفالي بالأمطار=تصبح به خدان قومي مريفه
غب الحيا فاحت بها ريح الأزهار=تخالف النوّار مثل القطيفه
ترعى بها قطعانّا سر وجهار=تقطف زهر مرباعها مع مصيفه
يبني عليها الشحم بنية جدار=عقب الضعف راحت رجومٍ منيفه
قطعانّا ما ترتع دمنة الدار=ترعى زماليق الفياض النظيفه
ترعى بها وضحاً من الذود معطار=غبوقة الخطّار عجلٍ عطيفه
ترعى بضف الله ثم جبران وجبار=خيالةٍ يوم الملاقا عنيفه
إن سوهجوا عنها قليلين الأبصار=من دونها نروي السيوف الرهيفه
ماهي حكاية مسردٍ عقب ما نار=اللي نكس وأطراف رمحه نظيفه
حنا كما مشخصٍ عن الصرف ما بار=بالوزن يرجح والمصاري خفيفه
هذا ولك الله من قديمٍ لنا كار=عن جارنا ما قط نخفي الطريفه
حنا نرى في زلة الجار لو بار=تضحك حجاجه بالعلوم اللطيفه
نرفى خماله رفية العش بالغار=ونودع له النفس القوية ضعيفه
ولا نبدي الخافي ليا صار ما صار=يفلج قصير البيت لو بان حيفه
ونكرم سبال الضيف حق وتعبّار=لامن ولد العفن شح برغيفه
الجار لابده مقفي عن الجار=وكلٍ بجيرانه يعد الوصيفه
نبغي ليا من بدّل الدار بديار=وعقب البطا كلٍ تذكر وليفه
كلٍ تذكر ما جراله وما صار=وكلٍ تذكر ما جراله من عريفه
لابدها ترجع تواريخ وأذكار=وتبقى لدسمين الشوارب وظيفه
أحدٍ على جاره بختري ونوّار=وأحدٍ على جاره صفاةٍ محيفه
الصبر مفتاح الفرج هو والأفكار=ومن لا صبر تصبح أحواله كسيفه
خطو الولد مثل البليهي ليا ثار=يا زين حمله ليا تمدرا زفيفه
يشدي هديب الشام حمّال الأخطار=زودٍ على حمله نقل حمل أليفه
وخطو الولد مثل النداوي ليا طار=حسّه على صيد الخلا له وحيفه
ترجي العشا في مخلبه وقع وطيّار=صيده سمان ولا يصيد الضعيفه
وخطو الولد ينبش على موتة النار=مع العرب يشبه لخطوى الهديفه
ليا بخصته ما سوى ربع دينار=صفرٍ على عوده تضبّه كتيفه
وخطو الولد يا مال قصّاف الأعمار=لا نافعٍ نفسه ولا منه خيفه
وصلاة ربي عد ما خضّر الأشجار=على نبيٍ له شريعة شريفه
[/poet]


[align=center]أرجو أن أكون قد وفقت في توضيح معلومة وقدمت ما يفيد

أخوكم ومغليكم

[/align]

عبد الله و خالد

مجرد مروركم هنا يزيدني شرف


مشكوووووور لكم يا الشعرا
ولا قصرتوا


ولقيت بردودكما الرد الوافي

تحياتي للجميع

خالد

بيض الله وجهك على إيرادها

بالشكل الصحيح وتوضيح اللبس


لاهنت ياغالي


حفظك الله

مبارك بن محيا تسلم






عبدالله القحطاني بيض الله وجهك على الرد وإيضاح القائل



















خالد السبيعي سلمت طال عمرك على توضيح اللبس

لاهنتوا يالربع



نستفيد من هذا الطرح الراقي




والتوضيح بالفعل مهم