عبدالهادي القعيمه

اخواني النداويه

اسعد الله اوقاتكم بالمسرات

هناك قصيده قرائتها قبل كم سنه للشاعر عبدالهادي القعيمه رحمه الله

ومنها

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
وانا بانصحك ياسامع كلامي = تقول الحق لو فيك الغلابه

ومنها


واذا عزمت بتناسب جماعه=من اهل العرف دور لك نسابه
لان قربك من عزيزين الحمايل =كما طعم المطر حلو شرابه

ومنها

سعوديين لامنا وقفنا=يجي لوقوفنا عز ومهابه
[/poet]

لكن نسيت اسم الديوان اللذي قرئتها فيه ارجو ممن يعرف اسم الديوان او موقع للقصيده ان يخبرني
عنه ولكم شكري وتقديري

اخوكم
خالد نايف

خالد القحطاني 0
مرحبا بك 0
ربما تجد بعض قصيد عبد الهادي القعيمه لدى ارشيف مجلة المختلف
كأنني قد قريت قصيده له في المختلف ---------------- والله اعلم 0

------------------------------------------------------------------------- صادق التحيه 0

اخوي خالد مساء الخير


الشاعر الكبير عبدالهادي القعيمه احد الشعراء الكبار رحمه الله ويستحق من يتابع شعره لمافيه من جزاله وحكم


وانا اعتبر نفسي احد ابنائه وتربطني بهم علاقه اخويه واذا تبي تلفون احد الابناء بلغني برساله خاصه لتستفيد من مدرسة عبدالهادي يرحمه الله وانا ممنون لك


اخوك عبدالله بن راجس

أخي خالد

الحقيقه الان لا يحضرني أسم الديوان


ولاكن سوف أبحث عنه وعن القصيده

وإنشاء الله أفيدك لاحقاً .



حفظك الله .

عبدالهادي القعيمه شاعر حكمه وشاعر والله يعجز اللسان عن وصف هذا الشاعر

لاخلا ولاعدم ياخالد

عبدالله بن راجس ماهيب شينه والله لو تلتقي مع احدمن ربعه ويعطينا من القصايد الجزله

[align=center]اخي خالد القحطاني
السلام عليكم ورحمة الله وبركاته

لقد بحثت عن موضوعك وهو موجود في كتاب العرين بلاد قحطان للمؤلف الكبير / محمد سعد النهاري ص(205_207)[/align][poet font="Simplified Arabic,5,black,bold,normal" bkcolor="transparent" bkimage="" border="double,4,gray" type=0 line=200% align=center use=ex length=0 char="" num="0,black" filter=""]
باسم الله وابدي بالتحيه= على دوري وكل له حسابه
عسى ربي على الخير يهداني= يفيد المستمع واللي حكى به
وعلي اقول واوضح كلامي = ومن لا ينعرف وش ينبغى به
وعلى السامع يتابعني بدقه= وقاضي ا لحق لا إستوضح قضابه
وأنا مقدر على اقناع المغفل= وحر الطير يعرف من غرابه
وعفوا ما اقصد إلا كل ناقص= يعيش بنقص عرفه ويحيى به
وانا مالي مع الجابات جابه= وكل يفتخر بأحسن جوابه
مع اهل العرف لي رمية جماري = وعلى ربي خطا الرمي وصوابه
وعلى الله كل وضعي واتكالي= هو الخلاق ,إليه الانابه
ومعي نسمع لما قبل الاخيره= سعوديين ما فيها غرابه
سعوديين ما فينا وفينا= جسد لما اشتكا عضو اشتكابه
سعوديين يوحي في بلدنا= مهبط وحي والداعي دعى به
سعوديين في البيعه نهلي= ونقراء مصحف طه قرى به
سعوديين ما نعصي ملكنا= وهو يبدي لنا حب ولبابه
سعوديين حكام وحكمه= وفي الحاكم مع الشعب ورضى به
سعوديين ما ننقض عهدنا= ومن قال العهد منا وفى به
سعوديين لا قلنا وفينا= يساند قولنا عزم وصلابه
سعوديين راس المجد حنا= وعالي المجد راقينا رقى به
سعوديين ما يسهج حمانا= نسوق ارواحنا دونه جلابه
سعوديين نصفي للمصافي= صفانا مع صفى الصافي صفا به
سعوديين لا منحن صفينا= ربيعٍ باهج كل رعى به
سعوديين لامنحن غضبنا= نحدد حدنا كل يهابه
سعوديين ما نرخص وطنا= علينا أرواحنا دونه جلابه
سعوديين لا منحن قدمنا= فلا نرضى بعدها ال******ه
سعوديين لا شان التداول= وجي الحكم التداول حكم غابه
سعوديين حكم الغاب حنا= أسود ما تخوفها الذيابه
سعوديين ندعو للتعاون= وسيف العز ما نطلق نصابه
سعوديين لو باشرح فخرنا= عجز جهد الصحابه من الاجابه
ومعي نسمع الاخيره من كلامي= وعفوا لو حصل فيها أنجذابه
وعفوا لو بغيت اذكر مصيري= أنا من جب حاميته حرابه
نجير ويمنع الضيف المعزب= ونحمي الضيف ونوفر زهابه
ولا منحن شربنا در ناقه= واخذها غزونا ردت غصابه
ولا منحن كلينا زاد دير= ومره غزونا وأخذه نهابه
وحنا لا بعد ذقنا بعدهم= يرد الكسب والكاسب يهابه
ولا منه دخل في البيت خايف = منعه الرجل لو هو في غيابه
غنين غن التعريف حنا= فخرنا واصلنا كل حكى به
ولا لي عادة اذكر نسبنا= لكن في الناس من عدد انسابه
وحنا تنتسب الانساب منا= = وقاموس العرب منا انتسابه
قحاطين إلى كلحت لشافي= وتاريخ سبق عصر الصحابه
منا الأوس والخزرج ومنا= خزاعه وانتمت منا كلابه
بدون اقصور في باقي القبايل = وكل متعبٍ سلمه اركابه
وعفوا من نواه يقول تكذب= فينشد قبل يمضي في جوابه
اما حصّل اشهود ضد قولي= ولا استكفى وقولي يكتفى به
وصلاة الله على الشافع محمد= عدد ما سطر سطرٍ في كتابه
[/poet][align=center]رحم الله هادي القعيمه واسكنه فسيح جناته
وتقبل تحياتي[/align]

عبدالله المنصوري

لاهنت على المرور والاجابه

عبدالله بن راجس

ارحب

لاهنت طول الله عمرك

اخوك

خالد نايف ال مسعود

عبدالله بن شايع

بيض الله وجهك وما قصرت

ماجد القحطاني

ارحب

لاهنت على المرور

اخوي الغالي

خليل بن هدلان

ارحب تراحيب المطر

بيض الله وجهك

جميل ما انساه لك

عاداتك الطيب


اخوك

خالد