معاناااااااااااااااااه حقيقية

[align=center]السلام عليكم ورحمة الله وبركاته

هذه قصه قصيره مع قصيده تحكي معاناة انسان قٌتل بسبب غلطه غير مقصوودة

(سلطان بن رباح) كان له اخ لم تلده امه اخ دين ودنياا .. وهو (محمد بن عقيل)
كانت خوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..
كانوااا يعشقووون الصيد .. وفي رحلة من رحلاتهم وفي فتره الظهيره ..
كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في
مخزن السلاااح انطلقت الرصاصه
لتسكن في قلب محمد وترديه صريعاااااا ..
ولم يكن عندهم احد .. ليشهد على الحادثه وعن كيف تم قتل ابن عقيل
وضع سلطان في السجن .. وبدات المشايخ بالوفود على اهل محمد لكي يصفحووو عن سلطان
ولكن بدون فائده ..
وصدر الحكم عليه بالقصاص ....
وبعد التنفيذ .. وقعت المصادفه و صار قبر سلطان في جنب قبر محمد رحمة الله عليهم جميع

وهذي القصيده قيلت على هالقصه :[/color[/align]]



[poet font="Times New Roman,4,firebrick,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يا فلاح الهـم خيّـم فـوق قلبـي يـا فـلاح= كيف تبغاني اسولـف وانـت خابرنـي عليـل

ويش قولك في عليل ٍ في حياتـه مـا ستـراح =تنتثر دمعـة عيونـه لاظلـم الليـل الطويـل

حالته لا ما تباعد حـال ( سلطـان الربـاح )=بالخطا راحـت حياتـه والخطـا مالـه مثيـل

كان ويّا صاحبـه اثنيـن فـي أرض ٍ بـراح=يطردون الصيد دايم من صبـح ليـن المقيـل

اجمعتهم صحبة الدنيـااا علـى جـد ومـزاح=مـا يهابـون الليالـي والحمـول اللـي تميـل

ما قتل عامـد ولكـن ثـوّر ابليـس السـلاح=بالخطا ثـار السـلاح ويـن يلقـى لـه دليـل

انعقد سجنه .. وربعـه تنتظـر فـك السـراح=والاكيد انه سجين وما رضـووا ربـع القتيـل

هل دمعـه يـوم صلّـى ركعتيـن فالصبـاح=في نهار الجمعه اللي مـن ثقيـل ٍ فـي ثقيـل

هلّل وكبّـر .. ونفسـه تذكـر اللـي راح راح=كان في ربعه عزيز .. وذلّـه الوقـت الذليـل

(لا محمد لا تهانـي لا سعـود ولا صـلاح )=كلهم كانوا على بالـه وهمّـه فـي ( هديـل )

طفلة ٍ مـا كمّلـت عاميـن صايبهـا كسـاح=وانتثـر دمعـه وحالـه مـن سبايبهـا نحيـل

حان تنفيذ القصاص .. وغطوا الراس بوشـاح=وجاك سيّافه يشيل السيف ابـو حـد ٍ صقيـل

ارتخى راسه .. وزاد الموقف الحامي صيـاح=بين نوح وبين دمع وبيـن صيحـات وعويـل

وارتفع صوت الحشود .. وزاده محمد وصـاح=يا يبه تكفـى دخيلـك تستمـع قـول الدخيـل

يا يبه وشلون نصبر كيـف نهجـع بارتيـاح=وانت من دنيااا عيالك ماخـذك مـر الرحيـل

يا محمد .. هاك علمي واحفظه قبـل المـراح=انتبـه لاخوانـك وبالـك عليهـم لا تعـيـل

والله الله .. فالصـلاة وفالصيـام وفالصـلاح=والله الله .. فـ( امكم ) والله لكم بعـدي كفيـل

غمّـض عيونـه ونفسـه تطلـب الله السمـاح=رافـع ٍ سبابتـه .. ( مظلـوم ) والله الوكيـل

سل سيّـاف الصفـا سيفـه ودقـه ثـم طـاح=راس (سلطان المراجل ) وانتثـر دمـه يسيـل

غسلوه .. وكفنوه .. وفاح طيب السـدر فـاح=وبالمصادف صار قبره جنب قبر ( ابن العقيل )

يا فلاح .. الكارثه ما هي سوالـف يـا فـلاح=خلنـي ساكـت ودوّر غيـر هالقصـه بديـل
[/poet]


[align=center]ملاحظه:

لم أتمكن من معرفة اسم الشاعر

وسلامتكم[/align]

ارحب ارحب يامحمد



والحقيقه قصه وقصيده مؤثره رحمها الله وغفر لهما




لاهنت وتقبل تحيات اخوك

ســل سـيّـاف الصـفـا سـيـفـه ودقـــه ثـــم طـــاح
.. .. .. راس (سلطـان المـراجـل ) وانتـثـر دمــه يسـيـل


أثنين أكرهما

قتل الخطأ وقتل النادم التائب عن ذنبه


:


وشيء يجب أن نتذكره

من أحيا روح كأنما أحيا الناس جميعا


.. .. .. .. ..

شكرا لك أخي محمد

من الممتع أن تأتي القصه مصاحبه للقصيده

دمت بخير

لا هنت يا محمد ...

قصة مؤثرة



تحيااااااااااااتي