الشاعر المعروف فهيد المجماج

الشاعر فهيد بن عبدالله المجماج من المزاريع من تميم وهو من سكان بلدة الأثلة في عالية نجد عاش بين الفترة من 1275إلى 1322هـ رحمه الله تعالى
من روائع شعره هذه القصيدة:[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
لا والله إلا شدوا البدو نجاع=كلٍ هدم مبناه وارتد زمله
شد الشديد وقربوا كل مطواع=وراع المودة فرق البين شمله
شدوا ودنوا الحني كل مطواع=كل أشقح ما أحلى قرينه ورمله
غدا لهم فوق الرفيعة(1)تمزاع=واللي بغى يضرب طريق قسم له
وا بكرتاه اللي غدت بين الأقطاع=مع زوعة العربان ماينجهم له
مدري مع اللي يم دخنه بالاسماع=وإلا مع اللي سندوا مستهملة
لا هيب لا حاشي ولا هيب مرجاع=عفرا فتاة وراعية ما وسم له
راعي هدب عينٍٍ مظاليل ووساع=سود عيونة والمحاجير جمله
وراعي مجاديلٍ مشطهن يجي باع=أشقر على هاك الردايف يعمله
ياغصن موز ناعم له تمرياع=ومنين ماهب الهوا مال حمله
عليه ماوقفت عيوني بالأدماع=وهجس إن يلحقني على الطول سمله
أعوي عوا ذيب ورا النزل لاجاع=يقنب إلين الله يجيب اللحم له
يامل قلب من هوى زيد ينصاع=كما يصوع الصيد رام خطم له
حبه يخج القلب ما يوجع أوجاع=لاشك قلبي مودعه بيت نمله

(1)الرفيعة بئر زراعية للمجماج اشتراها جد الشاعر عام 1212هـ عندما قدم للأثلة
[/poet]

الاخ


ناصر المجماج

قلمك هنا وماتورده من قصائد جزله

يدل على وعيك التام بالاصيل من الشعر الشعبي

وتذوقه شكر لك من كل قلبي

تقبل تحياتي

أخوي جزا العتيبي

تسلم


وهذا كله من حسن ذوقك

وحسك الشعري المرهف


وهذي شهادة منك أعتز فيها وأفتخر

ودمت

ناصر المجماج

الاخ


ناصر المجماج

قلمك هنا وماتورده من قصائد جزله

يدل على وعيك التام بالاصيل من الشعر الشعبي

وتذوقه شكر لك من كل قلبي

تقبل تحياتي

الغالي علي العجب

والله والله إني أعتز بشهادتك لي







وتسلم




وأنا ممنون لك


وشاكر طال عمرك








اخوك ناصر المجماج