((الى صديــــق الطفـــوله))

[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
صديق الطفولة وش جـرى لـك مـع الأيـام=هـي أنصفـت دنيـاك والا أنـت بـك مثلـي

فقدنـا ملامحـنـا مـثـل سـايـر الأنــام=عبـث بنـا جـور الزمـن والزمـن يبـلـي

وقفنـا جميـع وبينـنـا حـاجـز الأعــوام=(صعيب ٍ وصولي لك.. ويا صعب لـك وصلـي)

وأنا اشوف في وجهـك طريـق غشـاه عتـام=وذاك النخـل واشــوف دارك ودار أهـلـي

وسدره.. هي أكـرم مـن أهـل بيتهـا اللـوام=وفي وجهك أصحابي.. عصى مدرسي.. وفصلي

وعـود ٍ كبيـر ودايــم ٍ فالـظـلال يـنـام=فـي ذكرياتـي لـه بعـد ملـمـح وجـلـي

وسـور كتبنـا فيـه ذكـرى عبـث وأوهـام=ولـي فـي عيونـك صـورة زانهـا جهلـي

بثـوب تبلّـل بالمـطـر والـتـراب وشــام=وأنا حب أسير الْعَـب وهـي حافيـه رجلـي

أنا وانت طفل وطفـل دايـم رضـى وخصام=بكانـا سهـل والضحكـة أمـرٍ بعـد سهلـي

دعانـي بوجهـك نــاده ٍ يـنـده الأحــلام=معه رمح مدري هو علي غاضـب.. أو لجلـي

أنا كيـف أباصـل والأمـل خلـف مـو قـدام=كثير الأسـى والسِّهـد يـا مـن فعـل فعلـي
( الــملــتـــــــــــاع)
[/poet]

الله الله


صح لسان الشاعر وسلمت يمنى الناقل


لاهنت على هذا الاختيار

والذوق الرائع


تحياتي



اخوك .. فهد

تسلم يافهد بن صلبوخ









وياهلا

باقتباس من مشاركة فهد بن صلبوخ الله الله


صح لسان الشاعر وسلمت يمنى الناقل


لاهنت على هذا الاختيار

والذوق الرائع


تحياتي



اخوك .. سالم

هلا ياسالم












ومرحبا

الشاعر مانع صح لسانك
قصيده رايعه



بس ياخوي معليش اعذرني

انت مانع ابن جلاب والا واحد غيره

هلا ياحامد بن جوخه






لا بسلامته ماعرفه وماهنا خلاف عموما صورتي كانت موجوده


لاهنت